الحقونى العربية زى ما تكون بتعمل ريستارت لم باقلب النور العالى

**nasser74** · 12-09-2010 05:33 PM

ياجماعة حد يفهمنى اية اللى بيحصل العربية اول ما اجى ءأقلب النور العالى ابص الاقى لمبة ال اى بى اس نورة والعربية تدينى الارم والكاسيت يقف ويطلب من الكود .

ياهل الخبرة حد يقلى اية المشكلة واتصرف ازاى..................وجزاكم الله خيرا
العربية نوعها سيات توليدو 2000

**inspiron** · 12-09-2010 11:41 PM

بص أنا مواجهتش المشكلة دي قبل كده.لكن علي ما أسمع إن دي تهنيجة في ECU بتاع العربية.وعشان تعمله reset ويرجع لحالته الطبيعية بتتبع الآتي :-

1- لازم العربية تكون في درجة حرارتها الطبيعية وليكن 90 مثلا.
2- هتقفل العربية كلها وتخلي المفتاح في إيدك وتكون العربية كلها مقفلة فيما عدا الكبوت.
3- هتفصل كابل البطارية السالب وتسيب العربية كده ربع ساعة.
4- توصل الكابل بتاع البطارية.
5- تركب العربية ومتعملش أي حاجة ولا تلمس أي حاجة ( كاسيت - تكييف - إزاز ) تسيب كل حاجة زي ما هي.فقط تحط المفتاح في الكونتاكت وتدور العربية وتسيبها دايرة برده لحد ما تلاقي السلانسيه ظبط وأثناء كده متنساش إنك تسيب كل حاجة حتي دواسة البنزين تسيبها.يعني من الآخر كأنك ناسي العربية دايرة لمدة 15 دقيقة.

6- هتبطل العربية وتشيل المفتاح من الكونتاكت وبعدين ترجع تدورها تاني علي طول.

- بكده إنت عملت reset لكمبيوتر العربية وأي مشكلة أو error متسجل فيها هيتمسح.جرب وقولنا النتيجة وإن شاء الله حاجة بسيطة.

**ehab_mansour** · 13-09-2010 08:00 AM

السلام عليكم
انا المشكلة دي حصلت معايا قبل كده وكان سببها هو تهريب كهرباء وسوء حالة التوصيل بين البطارية والكابلات
حضرتك هتحلها بانك تروح لأي كهربائي او لو تعرف تعملها انت يبقي كويس وتفك كابلات البطارية الاتنين وتنظف أطراف البطارية جيدا وتنظف أطراف الكابلات جيدا وبعدين تركب الكابلات تاني وتحكم تربيط الكابلات كويس وبس وان شاء الله هتروح المشكلة نهائيا عن تجربة
بس خلي بالك ان الموضوع ده هيعمل ريسيت لكنترول العربية فتأكد انك تعرف تدخل كود الكاسيت تاني
وبالتوفيق ان شاء الله

**windofchange** · 18-09-2010 04:45 PM

المشاركة الأصلية كتبت بواسطة inspiron

بص أنا مواجهتش المشكلة دي قبل كده.لكن علي ما أسمع إن دي تهنيجة في ECU بتاع العربية.وعشان تعمله reset ويرجع لحالته الطبيعية بتتبع الآتي :-

1- لازم العربية تكون في درجة حرارتها الطبيعية وليكن 90 مثلا.
2- هتقفل العربية كلها وتخلي المفتاح في إيدك وتكون العربية كلها مقفلة فيما عدا الكبوت.
3- هتفصل كابل البطارية السالب وتسيب العربية كده ربع ساعة.
4- توصل الكابل بتاع البطارية.
5- تركب العربية ومتعملش أي حاجة ولا تلمس أي حاجة ( كاسيت - تكييف - إزاز ) تسيب كل حاجة زي ما هي.فقط تحط المفتاح في الكونتاكت وتدور العربية وتسيبها دايرة برده لحد ما تلاقي السلانسيه ظبط وأثناء كده متنساش إنك تسيب كل حاجة حتي دواسة البنزين تسيبها.يعني من الآخر كأنك ناسي العربية دايرة لمدة 15 دقيقة.

6- هتبطل العربية وتشيل المفتاح من الكونتاكت وبعدين ترجع تدورها تاني علي طول.

- بكده إنت عملت reset لكمبيوتر العربية وأي مشكلة أو error متسجل فيها هيتمسح.جرب وقولنا النتيجة وإن شاء الله حاجة بسيطة.

ده لإيبيزا موديلات سنة كام يا inspiron?