اللوجان واللانسر

**beterban** · 12-09-2010 07:45 PM

السلام عليكم ورحمة الله وبركاته
اولا عيد سعيد عليكم وعلى اسركم جميعا .
انا كان لى استفسار بسيط وانا اسف لانه ممكن يظهر للبعض انه سؤال ساذج - بس انا خيرتى فى العربيات ( ض - ج ) ضعيف جدا .
والسؤال هو :

هل يجوز المقارنه بين اللوجان زيرو وبين اللانسر 2006 مستعمله .

دة لان فى واحد زميلى بيلعب فى دماغى عشان ما اجيبش اللوجان واجيب اللانسر .

وانا فى الحقيقه مقتنع باللوجان وبقول كفايه انها زيرو .

فا انتو ايه رايكم

**newdawn** · 12-09-2010 08:53 PM

هناك سؤال أساسي لانسر 2006 1600 و لا 1300

اوتوماتك و لا مانيوال؟

المستعمل عموما لازم تبقى فاهم في العربيات كويس علشان تجيبه

و ثانيا حالتها مش مضمونة و مش اول واحد ركبها فأكيد كل يوم هتكتشف فيها حاجة

و ثالثا الميزة للجديد انك بتشتري دماغك من التصليح و الصيانات و بتبقى مرتاح نفسيا

لكن رابعا الميزة للانسر انها منتشرة و قطع الغيار متوفرة اكتر من اللوجان لكن الجديد برضه مريح في النقطة دي لأنها ما بتكونش محتاجة غير صيانات عادية في التوكيل الا لو حصلت حادثة لا قدر الله

**nour_nrc** · 12-09-2010 09:06 PM

المشاركة الأصلية كتبت بواسطة newdawn

هناك سؤال أساسي لانسر 2006 1600 و لا 1300

اوتوماتك و لا مانيوال؟

المستعمل عموما لازم تبقى فاهم في العربيات كويس علشان تجيبه

و ثانيا حالتها مش مضمونة و مش اول واحد ركبها فأكيد كل يوم هتكتشف فيها حاجة

و ثالثا الميزة للجديد انك بتشتري دماغك من التصليح و الصيانات و بتبقى مرتاح نفسيا

لكن رابعا الميزة للانسر انها منتشرة و قطع الغيار متوفرة اكتر من اللوجان لكن الجديد برضه مريح في النقطة دي لأنها ما بتكونش محتاجة غير صيانات عادية في التوكيل الا لو حصلت حادثة لا قدر الله

+11111111111111111

**abo_mahmud** · 12-09-2010 11:11 PM

لو عندك خبرة فى العربيات . وتكون اللانسر بومة عاملة مش أكتر من 20 ل 30 ألف كيلو يبقى تمام . ونظيفة تبقى تستاهل .
لو جديد خالص وملكشى فى ميكانيكا السيارات يبقى خليك فى اللوجان الجديدة . موفرة جدا فى البنزين وعالية ع الأرض .
أنا كنت فى نفس حيرتك . وارتحت للوجان .

ومن الآخر لو انت شاب وجراى وغرز ومنه خليك فى اللانسر .
لو عاوز حاجة مريحة وتريح بالك وتقضى مشاوير وانت موفر فى البنزين يبقى اللوجان .

**wassim_nasser** · 13-09-2010 01:23 AM

بص يا باشا انا لسة ماجبتش عربية بس أما فكرت ف الاول أشترى الناس اقترحت عليا لانسر مستعمل و سكودا مستعمل بس خلينى اقولك ان المستعمل كله مشاكله كتيرة و حتى ان خدت معاك ميكانيكى محترف وانت رايح تتفرج على عربية لازم فيه حاجه الميكانيكى مش هاياخد باله منها و هاتلبسها حضرتك يعنى لو هاتزنق نفسك فى الفلوس أو حتى هاتقسط هات جديد وماتجبش مستعمل لو ببلاش
تانى حاجه تسأل نفسك فيها ليه لوجان ومش أي حاجه تانية؟ اصل انا برضه كنت محتار زيك بس تعالا نفكر انا وانت ايه العربيات اللى سعرها قريب من اللوجان و انهى الاحسن؟
1 - اللانوس : جميلة ف حاله انك عازب ووحدانى ومقطوع من شجرة يعنى هاتركبها وحدك بس حاول كده تركب حد معاك هاتلاقيها تخبط وترزع ف أي مطب ده بخلاف ان التقفيل مش أد كده
2 - فيرنا : عربية مية مية موتور شديد تكيف تلاجه صالون حلو بس هاتلاقى نفس مشكله اللانوس واطية فحت وزود على كده ان الثبات بتاعها على السرعات العالية مش كويس ابدا
نيجى لعروستنا لوجى أولا ارخص من الحاجات دى كلها ثانيا تتفوق على العربيات دي ف التقفيل و رفاهية الصالون ال هوة ريش نعام و واسع يشيل 3 بنى ادمين مرتاحين ورا رابعا عالية عن الارض مهما كانت حمولتها خامسا ثباتها معقول جدا وموتورها 1600 وجراية جدا ف السفر سادسا شنطتها من أوسع ماشفت ف حياتى يعنى تخدم ف السفر جامد وكل ده زيرو وبكام؟ تمانية وستين الف يابلاش هانحلم بإيه تانى؟ نصيحتى صلى استخارة وإن ارتحت للوجى توكل على الله

**kamalsalem** · 13-09-2010 12:49 PM

اركب زيرو × 1000000

هات عربية انت اللي تاخد خيرها مش حد خلاص خد اللي فيها وعايز يرميها

وخليني اقولك حاجة كمان... المصري عمره ما يبيع عربية فيها الرمق، وحتى لو كانت سليمة، اول ما يعرضها للبيع يبدأ يهين فيها ويقولك ما خلاص مش بتاعتي

**ebrheem1981** · 13-09-2010 02:48 PM

هنصحك بمثل انجليزى بيقول :
انا مش غنى بدرجة كفاية عشان اقدر اشترى حاجة مستعملة
لان المستعمل مكلف جدا جدا عن الزيرو و متهيالى انت كمان مش غنى عشان تصرف على الانسر كل شوية لان خيرها اتاخد

**elsherif_2000** · 13-09-2010 05:30 PM

السؤال المهم اللوجان ماتورها 1600 cc 90 حصان
و الانسر الـــ 1300 سي سي 88 حصان

هل التسارع بتاع اللوجان احسن من لانسر الـ 1300؟؟؟؟؟؟؟؟
و هل موتور اللوجان اقوي من موتور الانسر 1300 ؟؟؟

**tamer61** · 14-09-2010 11:39 AM

جرب العربيتين بنفسك و شوف راحتك النفسيه فين و لكن رأيي الشخصي إنك تلجأ للمستعمل إذا كانت الإمكانيات الماديه لا تسمح بالزيرو هنا تبقى مضطر تجيب مستعمل بس لابد من الإختيار الدقيق زي الزملاء ما نصحوا. و ربنا يوفقك للخير بإذن الله وتقبل تحياتي.

الموضوع: اللوجان واللانسر

LinkBack

أدوات الموضوع

عرض

-

-

-

-

المواضيع المتشابهه

مساعدة ضرورى من مالكى الهوندا واللانسر

المايفك الــ 1600 واللانسر

الكيا سيراتو بقت كتير اوى زى الفيرنا واللانسر

ايه الفرق بين اللانسر الخليجى واللانسر المصرى

تجربتي مع البنزين ال 95 واللانسر الخليجي

الكلمات الدلالية لهذا الموضوع

المفضلات

المفضلات

ضوابط المشاركة