الموضوع: سؤال عن الدبلومة الأمريكية علشان في واحد مجننا

المشاركة الأصلية كتبت بواسطة nfs

خلى بالك ان زمان كان sat i -الى عليه 60%- كان من 1600 درجة, 800 للmath و 800 للenglish, دلوقتى بقى من 2400 درجه, 800 للmath, و 1600 للenglish متقسمين 800 reading و 800 writing, ياعنى لو الانجليش ضعيف هيبقى صعب قوى انه ينجح اصلاً.

انا كنت اميريكان انا و اخواتى, والحمد لله دخلت هندسة القاهرة انا و اخويه و اختى فى القصر العينى, كان فى صعوبة شوية فى اول سنة بس عادى عدت بمادة ولا اتنين, و بعد كدة الحمد لله جيد جدا فى جيد و ربنا يستر على الباقى, بس انت بتقول انه لعبى و ملوش فى المذاكرة, و دى المشكلة لو مش اساسه العلمى كويس فعلاً مش هيمشى فى الكلية لان المعلومات العلمية الى بتاخدها من سنين الاميركان ضعييفة اوى, كام مادة تعبانين فى sat ii و الباقى الامريكان بيعتمدو على مواد اعمال السنة الى فى المدرسة و طبعاً معظم المدارس بتتنافس انها تدى الطالب درجاته كامله علشان تجذب الطلاب الجداد, يعانى مبيخدش حاجة فى المدرسة - معادا مدارس محترمة قليلة اوى-

انا شايف انه يوفر فلوسه احسن و يدخله جامعة خاصة و يقصر الطريق.

طب هو 1600 دول من زمان زمااان يعني و لا من سنتين مثلا
لأن هو واخد واحد ما بيفهمش حاجة و دخل ad و عدى مثله الأعلى

المشاركة الأصلية كتبت بواسطة Ahmed Samy

طب هو 1600 دول من زمان زمااان يعني و لا من سنتين مثلا
لأن هو واخد واحد ما بيفهمش حاجة و دخل ad و عدى مثله الأعلى

ال old sat الى عليه 1600 كان ماشى على الدفعة بتاعت اختى معادا اخر امتحانين كانو new sat ياعنى 2400, و اختى دلوقتى رايحه سنة ستة, ياعنى اتغير من حوالى خمس سنين دراسية, لازم تفهمو ان لو الانجليش بتاعه مش كويس صعب قوى انه ينجح اصلاً.... مش يحقق مجموع, اديك شايف عليه تلتين الدرجة.
College Admissions - SAT - University & College Search Tool
ده الموقع الى بتحجز من عليه للSAT, تعمل ابليكشن, تبعت ثمن تكليف الامتحان, تختار المكان الى هتمتحن فيه المواد, بيناتك, .......
هتلاقى عليه نماذج لSAT I و SAT II ممكن تنزل امتحان انجليش و تشوف ايه النظام.

و فى دروس و كورسات بردو فى الاميركان و معظم الحصص بتبدا من 100 جنيه للحصه على ايامنا, بس معظم الناس مبتخدش غير فى الانجليش, و كام حصه تعبانيى فى الMATH علشان بس يعرفو النظام ماشى ازاى.

رأيي اللى ممكن يكون غلط
شايف ان المشكلة ابعد كتير من امريكن او اى جى او ثانوية عامة
اللى حسيته ان الولد ده عاوز يريح نفسه على الاخر و يبقى مع صحابة و يقضيها و يتخرج يبقى فى مركزه الاجتماعى المحترم و يشتغل بيه و خلاص على كده من غير حتى ما يتعب و بلا اى هدف واضح
لو يهمك امر الولد ده بجد يا دكتور أحمد
لازم لازم تقعد معاه و تعرف هو هدفه ايه ؟ عاوز يبقى ايه ؟ و ازاى ؟ و ايه قدراته ؟ و ايه مواهبة ؟ و ايه نقط ضعفة ؟ و ايه اللى بيسعده ؟ و ايه اللى ميقدرش يستغنى عنه ؟ و ايه اللى يقدر يقرص على نفسه فيه ؟
و لو مايعرفش حرضه انه يعرف و حاول تعرفه يفكر ازاى
من الاخر كده الولد ده لازم يتشد و الا هيتعب قوى لما يجى يتحمل مسئولية