ابتدى الجد يا رجاله محدش يعرف واسطه عند جابر عبد الشهيد ساعدوني ارجوكم

**yasso0101** · 13-09-2010 11:28 AM

الساده اعضاء قسم كيا المحترمين .....

الساده ملالكي سيراتو المحبوبه ( كيداهم ) المبجليين ....

السلام عليكم ورحمة الله وبركاته

تحيه طيبه وبعد ...

اولا كل عام وانتم بخير و عيد سعيد عليكم يا رجاله السيراتو وارجوا انكم تكونوا اضيتوا وقت سعيد في العيد بلالين و بمب و كعك وكده .

ابتدى الجد يا رجاله والله ابتدى الجد .

الحمد لله بعد دراسه للسوق المصري والعالمي , وبعد اجراء العديد من النقاشات الحاده و الغير حاده والموضوعيه و الغير موضوعيه و الهادفه و الغير هادفه الخ الخ الخ .

وبعد صلوات من الاستخاره ..

بفضل من الله و توفيقه

توكلت على الله وبدات اخد الخطوات الفعليه لشراء الكوبيه

ورحت لجابر عبد الشهيد و قلتلهم انا عايز اطلب ايد بنتك المصونه و الجوهره المكنونه حبيبتي الكوبيه

قالولي احنا بناسب راجل يا ابني

قولتلهم مهرها كام

قلولي حسب لون شعرها ( انا اسف ) حسب لونها

قلتلهم انا عايز احمر و انا جاي من نايل موتورز

قالولي زياده الف يعني 136 الف موديل 2011 و احنا منعرفش مين نايل موتورز دول

الكلام من اوله مش حلو بس علشانك يا حبيبتي انا مستعد امشيلك حافي والغالي مبيجيش بسهوله.

فقلت نوسط حد – كان حد من الاعضاء الله يباركله اداني نمره مدير المبيعات في جابر عبد الشهيد وفعلا اتصلت بيه وقلتله انا جاي من نايل موتورز وانته الكل في الكل .

هو قالي انه ميعرفش مين نايل موتورز بس المهم شالي الاف الزياده بسبب اللون ( و الله حمدت ربنا )

و الحلوه قربت

طلبي يا رجاله حد يعرف واسطه ينزلي في السعر انا مش طماع هما 2000 جنيه بس والله وهقفل بقي وهدفع وانا ساكت

او لو حد يعرف يفاصل والله مستعد اجي اخده معايه انا مبعرفش افاصل وانتوا اخواتي اللي يقدر على حاجه يقولي

حتى لو هتدعولي و تصلوا على النبي ( اللهم صلي وسلم عليه) انا موافق كفايه ده

اسف للاطاله بس انتوا اخواتي وملياش غيركم وكل سنه و انته طيبين

اخوكم م / ياسر محسن

**amrnagy** · 13-09-2010 11:39 AM

ربنا يكرمك ان شاء الله

**Ahmed.Ali** · 13-09-2010 11:40 AM

انا اخويا كان بيشتعل في جابر عبد الشهيد و اشتريت لاصحابي منه 3 عربيات و عمري ما عرفنا ننزل نكله

**Mshawky** · 13-09-2010 12:08 PM

هو فعلا فى الفصال صعب اوى جابر ده كنت هشترى من عنده قبل ماجيب عربيتى ومرتحتش لمعاملته خالص مش عارف رغم انى خدتها من سمير ريان وهى فى الاخر منه برضه بس محبتش اتعامل معاهم مباشره عمليه نفسيه مش اكتر

**yasso0101** · 13-09-2010 02:03 PM

المشاركة الأصلية كتبت بواسطة amrnagy

ربنا يكرمك ان شاء الله

الله يباركلك ويبارك في عمرك

المشاركة الأصلية كتبت بواسطة ahmed.ali

انا اخويا كان بيشتعل في جابر عبد الشهيد و اشتريت لاصحابي منه 3 عربيات و عمري ما عرفنا ننزل نكله

يعني ميقدرش يوصي علينا حد هناك يظبطنا في استلام العربيه حتي

المشاركة الأصلية كتبت بواسطة mshawky

هو فعلا فى الفصال صعب اوى جابر ده كنت هشترى من عنده قبل ماجيب عربيتى ومرتحتش لمعاملته خالص مش عارف رغم انى خدتها من سمير ريان وهى فى الاخر منه برضه بس محبتش اتعامل معاهم مباشره عمليه نفسيه مش اكتر

بس انا فضلت اجيب منه مباشره و بدور على معرض واسطه ممكن ينزل في السعر

**yasso0101** · 13-09-2010 03:21 PM

مستنى اي مساعده او حتى دعوه او حتى الصلاة على النبي ( اللهم صل على محمد وعلى آله وصحبه أجمعين )

**timtim77** · 13-09-2010 03:27 PM

هم الفصال معاهم صعب شويه
انا اشتريتها من معرض بيجيب منهم واخدتها بسعرها التجارى ممكن تقولى اخر سعر جيبته واللون والمواصفه نحاول نشوف ممكن تنزل لكام

**yasso0101** · 13-09-2010 04:14 PM

المشاركة الأصلية كتبت بواسطة timtim77

هم الفصال معاهم صعب شويه
انا اشتريتها من معرض بيجيب منهم واخدتها بسعرها التجارى ممكن تقولى اخر سعر جيبته واللون والمواصفه نحاول نشوف ممكن تنزل لكام

و الله يا timtim يا خويا انا ناوي على الكوبيه الهاي لاين بس 2011 و اخر حاجه 135 مينزلوش نكله حتى في معرض في مدينة نصر موثوق فيه برده قالي 135 الف وقالولي لو 2010 بــ 129 الف بس انا شايف 2011 احسن في الشيراء والبيع واللون احمر

وبشكرك مقدما على اهتمامك و مرورك على الموضوع

**timtim77** · 13-09-2010 04:29 PM

المشاركة الأصلية كتبت بواسطة yasso0101

و الله يا timtim يا خويا انا ناوي على الكوبيه الهاي لاين بس 2011 و اخر حاجه 135 مينزلوش نكله حتى في معرض في مدينة نصر موثوق فيه برده قالي 135 الف وقالولي لو 2010 بــ 129 الف بس انا شايف 2011 احسن في الشيراء والبيع واللون احمر

وبشكرك مقدما على اهتمامك و مرورك على الموضوع

العفو يا ياسر
لاداعى على الشكر لسه معملتش حاجه حكلمهم اسالهم وارد عليك

**yasso0101** · 13-09-2010 04:42 PM

جزاك الله خير يا timtim

الموضوع: ابتدى الجد يا رجاله محدش يعرف واسطه عند جابر عبد الشهيد ساعدوني ارجوكم

LinkBack

أدوات الموضوع

عرض

-

-

-

المواضيع المتشابهه

رجاله النوبيرا ارجوكم ساعدوني بسرعه

كنت لسه عند جابر عبد الشهيد دلوقتى

جابر عبد الشهيد

بيجـــــــــــو 308 Swمن عن جابر عبد الشهيد.

الكلمات الدلالية لهذا الموضوع

المفضلات

المفضلات

ضوابط المشاركة