العفو يا باشا أشكرك.
الفتيس اللي لما بتغيرله زيت تبدأ عيوبه تبان ده بيكون فتيس أصلا بيموت ببطء فبعض الناس تفضل تمشي بيه لأخر نفس و البعض يحب قطع الشك باليقين و يبدل زيت و فلتر بدل الإنتظار لحد ما تقف في التحرير. فالقرار قرارك (ده لو الفتيس حالته ضايعه).
لو الفتيس فعلا لا قدر الله حالته سيئه كان هيرزع معاك في النقلات أو يديك لمبة خطأ في العداد أو كلاهما. لذا أعتقد أن الأستاذ نصار في جوابه لك قال سوف نفحص حالة الزيت و الفتيس و إن لزم الأمر هيغيروه (حسب ما فهمت و إستنجت من oil situation و المفروض كان قال oil condition لأن الـ
Oil doesn't have a situation, it's you who's in a tough situation
إديهم فرصه و هما لو قرروا تبديل زيت و فلتر يبقى الفتيس لو جرى له حاجه على مسؤوليتهم و لو مجراش حاجه يبقى عرفت أنت و الإخوان أنه لازم تغيير زيت الفتيس للحفاظ عليه و متصدقش البؤ بتاع "Life Time Anything" و تواظب على تغييره بإنتظام.
و بالمره تخلي خبير يشوف بالظبط العربيه فيها إيه بناء على شكواك. لأنك في موضوع أخر قلت أنه فيه ترزيع و مشكله في النقلات فإقترحت أنا إحتمالية فتيس ثم دخلنا في حوار زيت مدى الحياه وهو موضوع لكل من عنده بي إم مش الهدف منه عربيتك أو أن فتيسك وحش... و لما حطيت فيديو للعربيه و انت بتسوقها لم أر رزع أو تقاعس في النقلات بالعكس لاحظت في الحتت اللي باين فيها الRPM ان النقله بتحصل عند الخط الأحمر فلو بتعاني من بطء السحب فقط ده ممكن يكون بوجيهات و فلتر هوا و فلتر بنزين. ولا تضع أي منظفات للبنزين في العربيات دي أفضل حاجه تفويله كويسه و تطلع على طريق.
التشخيص على النت فاشل و كما قلت لازم متخصص يسمع لشكواك و يسمع للعربيه و يحطها على الجهاز.
فلا داعي أنك تعقد نفسك أو تتعقد من العربيه و تقول "همشي بيها كده". هي كده مش وحشه أنت بتحاول تظبطها لتعطي أفضل أداء فتعامل بحكمه و دع العواطف على جنب.
المفضلات