الموضوع: محاولتي لمعرفة أسباب المشكلة

المشاركة الأصلية كتبت بواسطة modiabbas

احمد مادام العربيه فى وضع الحركه و انت جايبها على الستيبترونيك عمرها ما هتدى اول لوحدها غير لما تكون واقفه فى مكانها ... لكن لو كنت على d و نزلت المطب و كبست بنزين على الاخر هتنزل للاول ... لكن الستيبترونيك شايف انها ممكن تمشى على التانى بعد المطب فا عمرها ما هتنزل للاول و الستيبترونيك بياخد اوامرك انت مش اوامر كمبيوتر العربيه ...

إذا حضرتك كان الفتيس فى وضع المانيوال و حضرتك واقف فى مكانك تقدر تغير فى الجير إلى الجير رقم 4 ثم تركت الفتيس, بعد ثانيه او ثانيتن تجيد الفتيس من تلقاء نفسه يعود إلى الجير 2 لأن من المستحيل أن تحرك السياره على الجير ال 3 أو ال 4! يعنى حتى و إن كنت واقف تماما و غيرت كل الغيارات إلى الغيار 4 تجد الفتيس يعود إلى الغيار رقم 2! جرب هذا الموضوع فى الصباح

شغل السياره
غير الفتيس إلى وضع المانيوال
ابدأ بتحريك الفتيس إلى الأمام حتى الغيار ال 4
اترك الفتيس فى هذه اللحظه و شاهد الشاشه فى التابلوه
تجد الفتيس من تلقاء نفسه يعود إلى الغيار رقم 2

المشاركة الأصلية كتبت بواسطة inspiron

تمام يا رجالة..طيب بعد إذنك يا باشا إيه هو القول الفصل في معرفة كفاءة الفتيس.أو معرفة ما إذا كان به خلل أو لا. مع الأخذ في الإعتبار الآتي :

1- لو العربية في وضع الثبات والفتيس علي P وحركته علي D وأشيل رجلي من علي الفرامل تبدأ في الحركة طبيعي.هل ده معناه إن عزم الفتيس كويس؟

2- لو ماشي من وضع الثبات ودايس بنزين خفيف أوي بحس إنه بيطول في النقلة مش بينقل علي طول.هل ده طبيعي؟

3- أحيانا لما أعمل كيك داون بحس بقوة رهيبة وأحيانا لا.بمعني إن لما أدوس كيك داون الفتيس ساعات مش بيسقط النقلة.ولكن بيكمل علي النقلة اللي هو فيها للآخر. وده بيحصل والعربية ماشية وواخدة سرعة.لكن لو في وضع الثبات الكيك داون بيشتغل عادي.

4- مفيش نتشة في الفتيس أثناء وضعه بين p و R و N و D والعكس.يعني مفيش عضة بتحصل.

5- مفيش رعشة بتحصل في العربية وهي واخدة غيار D أو R ودايس فرامل.

6- أنا عامل الصيانة بتاعة العربية من حوالي 2000 كيلو.وساعتها طلبت من الفني يكشف علي قياس زيت الفتيس ونزل تحت العربية كشف وقاللي القياس مظبوط و تمام.سألته نغيره قالي زيت الـ E39 مش بيتغير.

- طيب بعد كل الكلام ده..إيه اللي يخلي تسارع العربية بطئ..هل مشكله متعلقة بنظام الوقود عموما يعني؟؟ ولا إيه.

-والله أنا عارف إني خنقت الناس مني هنا في المنتدي.بس أعذروني أنا مش عارف أعمل إيه وخايف أروح لحد يفتكرني بيه ويشتغلني.

1- سلوك طبيعي للفتيس ولا يدل على قوة أو ضعف الفتيس
2- طبيعي
3- تسقيط النقله بيكون حسب عدد لفات الموتور اللي انت ماشي بيها مع التقله. يعني لو انت ماشي على التالت و الRPM على 4500 مثلا و قمت دايس بنزين على الأخر ممكن كنترول الفتيس EGS ياخد قرار بعدم تنزيل نقله و يختار أنه يواصل حرق على النقله اللي أنت فيها. و بصفه عامه فإن الثلاث كنترولات الأتيه تعمل جنبا ألي جنب:
كنترول الموتور DME
كنترول الفتيس EGS
كنترول الفرامل DSC اللي بياخد إشارة سرعة كل عجله من الحساسات الكهرومغناطيسيه الموجوده على كل طنبوره.
4- ده كويس
5- ده كويس
6- أنهي فني ده؟ كيف قاس الزيت و ليه منزلتش معاه نبص بعنيك؟ بالنسبه لموضوع ال Life Time Fluid بتاع بي إم ده فهو موضوع أثار جدلا كبيرا في الخارج. لي صديق تعرفت عليه في الغربه و مؤخرا فتح ورشه هنا شرح لي القصه دي و قالي أن مش كل قرار في بي إم بياخده مهندسين...في قرارات و سياسات معينه بياخدها بتوع التسويق و الحسابات. و قصة الLifeTime Oil ده أحدها لأنه بيوفر عليهم تغيير الزيت لما تكون العربيه في الضمان و في نفس الوقت الزيت و الفتيس مضمون أنه يعديك 5 سنين بدون مشاكل. بعد كده أنت مع نفسك بقى. تغير فتيس أو تبيع العربيه أنت حر.
و تأكدت من كلامه من خلال جوجل. الخلاصه أنه مفيش حاجه إسمها Lifie Time فالكلمه غامضه
(?Vague term, who's lifetime? The owner or the vehicle )...و على رأي صديقي ده حتى إبليس ذاته مش "Life Time" و له يوم.
الصح تبديل الزيت كل 50 ألف و إن لزم الفلتر الداخلي....لكن مع مراعاة أنه لو الفتيس حالته سيئه و لم يتم تبديل الزيت أبدا يبقى الأفضل عدم تبديل الزيت لأن بيكون هناك كمية رايش و sludge (عجين وسخ) متراكم في أماكن معينه في الفتيس المتأكل داخليا هي اللي مخليا الفتيس ماشي و عيوبه مش ظاهره قوي و عند تبديل الزيت بزيت جديد تبدأ العيوب في الظهور...عشان كده الناس متلخبطة في التوكيل في مصر و يقولك لو غيرت الزيت ممكن الفتيس يضرب في حين أن الحقيقه أنه اساسا بيكوت الفتيس بيموت بسبب عدم تغيير الزيت و أنت بتغييرك الزيت بتكشف العيب بدري.

و أخيرا كل ما قلته هو مجرد نصائح غير محترفه لأنه صعب نفل إحساسك بالعربيه من خلال النت. فالصح هو قيام شخص محترف بالتشخيص بأخذ قراءة الكونترولات من العربيه ثم تجربتها ليسمع و ينصت و يستشعر.

والله انا حاسس ان انت معندكش مشكلة وانت واهم نفسك , معنى الكلام اللى انت بتقولوا دة ان عربيتك بسم الله ما شاء الله زى الفل , و موضوع ان الكيك داون ميسقطش نقلة دة هقولك لية , انت لو مثلا عندك الغيار الثانى بيجيب 100 , على ار بى ام 6 مثلا مثلا يعنى , طيب انت دلوقتى ماشى 120 على ار بى ام 5 على الغيار الثالث لو دوست كيك داون العزم هيبقى كفاية لأن لو الفتيس سقط النقلة الموضوع هيبقى كالتالى هيسقط للغيار التانى ثانية واحدة تقريبا هيكون وصل ل 120 على ار بى ام 5 اللى هو الغيار التالت اللى انت ماشى عليه اصلا ف من ذكاء الفتيس انه ميسقطش عشان كدة هياخد وقت اطول انه يسقط ثانية و ينقل تانى

المشاركة الأصلية كتبت بواسطة matrixco

والله انا حاسس ان انت معندكش مشكلة وانت واهم نفسك , معنى الكلام اللى انت بتقولوا دة ان عربيتك بسم الله ما شاء الله زى الفل , و موضوع ان الكيك داون ميسقطش نقلة دة هقولك لية , انت لو مثلا عندك الغيار الثانى بيجيب 100 , على ار بى ام 6 مثلا مثلا يعنى , طيب انت دلوقتى ماشى 120 على ار بى ام 5 على الغيار الثالث لو دوست كيك داون العزم هيبقى كفاية لأن لو الفتيس سقط النقلة الموضوع هيبقى كالتالى هيسقط للغيار التانى ثانية واحدة تقريبا هيكون وصل ل 120 على ار بى ام 5 اللى هو الغيار التالت اللى انت ماشى عليه اصلا ف من ذكاء الفتيس انه ميسقطش عشان كدة هياخد وقت اطول انه يسقط ثانية و ينقل تانى

ده نفس الكلام اللي قلته في نقطه رقم 3 في ردي السابق فبالتالي متفق معك في جزئية سبب عدم تسقيط النقله.

أما وجود المشكله في العربيه من عدمها فصعب الحكم لأنه في العادي صاحب العربيه إحساسه بيكون في الأغلب صائب لو العربيه أدائها مش هو...و لو محترف شويه بيكون تشخيصه للعيب أيضا صائب.

- لازم الزيت يكون من بي إم مينفعش أي نوع و إلا أحدثت ضرر بالفتيس. في أمريكا توجد بدائل لها مواصفات أعلى مثل منتجات شركة RedLine Oil لكن عن نفسي أرى الأأمن هو زيت المُصنع.

- أحب أن أؤكد أني مش بقنعك تغير زيت و لم أدعي علمي بالعيب (إن وجد أصلا) الموجود في عربيتك لكن فقط في عقيدتي طالما صاحب العربيه حاسس بحاجه غلط غالبا بيكون على حق و على المتخصص الإستماع و التدقيق لتشخيص العيب و القضاء على المشكله.

- بالنسبه لرد الأستاذ حسن نصار فالراجل عداه العيب و قزح لأنه كما قلت لك هذه سياسة بي إم الأم و كما قلت أنها مثار جدل. كل الفتايس هتلاقي عليها ورقه ملصقه (ٍSticker) لونها أصفر أو أخضر أو أزرق مكتوب عليها أنه لا تبديل للزيت و رغم ذلك في العربيات الفئه إم :

M series vehicles
تجد أنه في برنامج ETK الخاص بقطع الغيار و برنامج TIS الخاص بالصيانه ينصان على تغيير زيت الفتيس برغم وجود Sticker على الفتيس أنه Life Time Fluid or Oil ....Do Not Change..blablabla

وربما لو قلت الكلام ده هناك ستواجه بمزيد من الجدل و التنطيط مثل (TIS ده النظام القديم إحنا شغالين من فتره بISIS مع أنه بردو نفس الكلام موجود فيه)

مع العلم أنه نفس نوع الزيت الموجود في الفتايس المانيوال للعربيات اللي مش إم و إسمه MTF-LT2 لأن ببساطه الشركه لا تريد المجازفه مع العربيات القويه و الغاليه فئة الإم و لأنها Pushed to the limit and stressed out in general فتلافيا لإحتمالية أن يخرب الفتيس خلال فترة الضمان و الشركه تلبسه فعملوا الإستثناء ده للإم.

فالتناقض موجود في بي إم نفسها...الورقه الملصقه اللي الشركة حطاها بتقول متغيرش زيت...و البرامج و الخطط اللي نفس الشركه عملاها و اللي المفروض بيمشي عليها فنيون و مهندسو الصيانه بتقول غير زيت الفتيس و نفس القصه لزيت الكورونا برضو ورقه تقولك مدى الحياة و ييجي للعربيات الإم و يقولك غيرلهم الزيوت أصل العربيات دي حاميه و ممكن تضرب قبل الضمان ما يخلص و نلبسها إحنا.
و لو سأل الأستاذ نصار الفني اللي عنده أتحدى لو قاله زيت الفتيس مبيتغيرش للإم. أو لو قال زيت الفتيس في الإم معليهوش LifeTime Oil Sticker
فطبعا لما بي إم ألمانيا تقول كده ستجد أن بي إم مصر بسعاده تطبق هذه اللائحه المريحه برغم من عدم تطبيقها تعليمات أخرى كثيره مثل ربط كل مسمار في فردة الكوتش بيد عزم يظبط على 120 +5 مثلا...أو أي مسمار بالعزم المنصوص عليه...أو اللائحه التي تنص على تبديل المباين مجانا حيث تم إكتشاف عيب بها و أصبح هناك Part Number جديد ...ألخ

- للتأكد من كلام أي حد إرجع لجوجل و ستجد المفيد مثل:
BMW’s Free Scheduled Maintenance program means that BMW will perform scheduled maintenance free of charge during the BMW New Vehicle Limited Warranty period.



Prior to the advent of BMW Free Scheduled Maintenance, approximate BMW maintenance recommendations were: automatic transmission fluid (ATF) and filter changes every 15,000 miles, manual gearbox and differential oil changes every 30,000 miles, annual brake fluid changes, and coolant changes every two years. Spark plugs, air filter, and fuel filters were typically replaced every 30,000 miles on most BMWs (this is a tune-up) except M cars up to 1995, which got new spark plugs and a valve adjustment every 15,000. Later advances in computer engine management and spark plug technology legitimately allow 60,000-mile spark plug life if not more.



Prior to Free Scheduled Maintenance, you couldn’t change engine oil often enough according to most dealerships. And when the car was in the shop it would often be due for this service or that inspection, all at the owner’s expense.



But once BMW began paying for scheduled maintenance, lo and behold the “schedule” was revised. Now the cars hardly need any maintenance at all. The 1,200-mile break-in service was done away with except for M cars. Engine oil suddenly lasts 15,000 miles (dealers are supposed to use BMW synthetic oil). Manual gearbox and differential oil? No worries there – now BMW says they NEVER need to be changed; it’s “lifetime fill.” Brake fluid and coolant service intervals were doubled with no change in the original BMW brake fluid and anti-freeze dealers are supposed to use.
المصدر:
http://www.bmw330ci.net/maintenance/...20Schedule.doc

و يوجد غيره كتير...

زيت معرض لدرجات حراره عاليه هيقعد "مدى الحياه؟؟؟" محافظ على خصائصه؟ بلاش يا عم طب و الرايش اللي بينزل من التروس و الأجزاء الميكانيكيه الداخليه على الأقل تبديل الزيت للتخلص من الرايش.
مدى الحياة في عرف بي إم يعني لما تعدي من Inspection 1 and Inspection 2 and you become on your own.

لازم الواحد ينهل من أكثر من مصدر لينير عقله ثم يأخد قراره. بي إم مثلا بتقول تنصح إستخدام زيت كاسترول فقط للمواتير (الشركه في مصر بتحط شل؟؟) و بتقول تغيير الزيت كل 15 ألف ميل يعني 24 ألف كيلو تقريبا..ثبتت بعض المقارانات لمستخدمي بي إم أنه من يغير ريت الموتور و الفلتر في مده أقل يعني كل 10 الاف كيلو بدل من 24 ألف بيكون موتوره أفضل أداء على المدى البعيد و فيه صور لمواتير مفتوحه و مقارانات أثناء ظبط التكايهات لمواتير الS54 و غيره. و بردو إستخدم جوجل بعنف للتأكد من صحة الكلام.

- لما سألت مين الفني و ليه منزلتش معاه تبص لم يكن غرضي أقولك أنه الفني مبيفهمش أو ووحش أبدا . غرضي أنه لو الأستاذ حميد أو مجيد أو الدكتور Herbert Quandt نفسه قام من تربته عشان يقيسلي زيت الفتيس هنزل تحت العربيه معاه و أبص بعيني أعرف فيه إيه و أزاي بيتقاس الزيت و الشويه اللي نازلين من الطبه نظاف ولا وسخين....أعيش مع العربيه لأني في الإخر أنا إللي لابسها أو زي ما بيقولوا إبني على كتفي...و حظ موفق.