الموضوع: سؤال في 128 عن الموتور

كلام صح 100*100
طب ايه راى حضرتك فى الديفيل لل128 1116 سى سى ماكينة لانشيا
الشكمان عندى ملهوش صوت خالص الحمد لله بس زنة كده فى نص الغيار وبعدين تختفى وراكب علبتين واحدة كبيرة فى النص وواحده صغيره فى الاخر ماسورة تخينة 2 بوصة تقريبا
وعايز اخلى الصوت اقوى شوية اعمل ايه (كضخامة مش الرنة اللى فى كل ال128)

الرنة دة يامحمد بتتميز بيها ال 28
ممكن تركب ديفيل مكان العلبة اللي ورة ولو معملش صوت شيل العلبة اللي في النص وركب مكانها العلبة اللي كانت راكبة ورة الي اسمها فلتر
ولو صوت معجكش وعاايزة اقوي واقوي شيل العلبة اللي في النص خاالص زي مانا عامل كدة

ازيك يا محمد انا شوفت من فترة ديفلات تايوانى واحد مدور كده والزور بتاعه كبير ب 175 وواحد تانى اكبر شبه العلبة وطالع منه ماسورتين صغيرين ب 225 المهم انهى واحد يبقى حلو لل 128 ويطلع صوت حلو مع القرص ويبقى صوته هادى والعربية واقفة الكبير ولا الصغير؟
ده الكبير


وده الصغير

المشاركة الأصلية كتبت بواسطة محمد فريد

ازيك يا محمد انا شوفت من فترة ديفلات تايوانى واحد مدور كده والزور بتاعه كبير ب 175 وواحد تانى اكبر شبه العلبة وطالع منه ماسورتين صغيرين ب 225 المهم انهى واحد يبقى حلو لل 128 ويطلع صوت حلو مع القرص ويبقى صوته هادى والعربية واقفة الكبير ولا الصغير؟
ده الكبير


وده الصغير

لو عاوز صوت واداء هات واحد استعمال العلبه الوسط او الكبيره وده بيبقى فاااااااااجر لان دول علب اصليه الى مصممه عشان زياده الاداء

بس للاسف نفسى اوصل للى بيجيهم استعمال مباشره لان الى لاقيته ب 300 بس اصلى طبعا والى جايبهولى حاطط مكسب اكييييييييييييد
وانا شفته راكب فى عربيته وعربيه 2 صحابه ادامى وسمعت صوتهم وهما ماشين وهما واقفين جباااااااار

ياريت حد يعرف بيتباعو عند مين و هل حيبقى اقل من 300 ولا اعتقادى خاطئ وصاحبى ده عامل معايا واجب فى السعر

وفيه اخ مركبه زيه هنا فى المنتدى وبيشكر فى الاستيراد برضه وبيقول حسن فى الاداء معاه وقاللى نصيحه ابعد عن الجديد الى فى المحلات كله مصرى وصينى

هابقى انزل بورسعيد وادور هناك
بس ياريت صورة للنوع اللى حضرتك بتتكلم عليه

المشاركة الأصلية كتبت بواسطة محمد فريد

هابقى انزل بورسعيد وادور هناك
بس ياريت صورة للنوع اللى حضرتك بتتكلم عليه

والله معنديش صوره ليه بس هو كان تقييييل فى الوزن عن العلب الصينى والفتحه بتاعته مش واسعه تعتبر اوسع من فتحه الجكمان العادى مرتين وطبعا استالس

وفيه منه علب كبيره كان مركبها فى عربيته الفيرنا وعلب وسط شفتها فى عربيه واحد صاحبه 126 هههههه بس كانت بتقلب الشارع من الصوت وهى ماشيه تخيل انت البليه دى مركبه ديفل اصلى
والعربيه التالته الى شفته برضه مركبه فيها بيجو 205 وكان صوتها جميييييل ومش عالى جدا وبرضه دى كانت علبه وسط مش كبيره اوى

الديفيل الاستيراد فى بورسعيد بيجى لقطة فى نص عربية وهم بيبعوه غالى .... لكن ده مش بيجى لوحده ولكن بيجى فى نص عربية ..

محدش يدور عليه فى بورسعيد الا لو كان موصى حد عليه ....

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ


بالنسبة للديفل على العربيات الكاربيراتير مش بيبقى حلو وصوته بيكون غير منتظم ... مش زى الانجيكشن ابدا ....


بمعنى لو انت شفت ديفل متركب ع لى هوندا وسمعت صوته ... هيعجبك اوى ....
لو نقلته فى عربيتك زى ال 127 او 128 او 504 ........ مش هيعجبك وهتلاقى صوته خشن وعالى جدا ....

دى تجربة وليس كلام نظرى ...