سؤال عن زيت الموتور

**Moh_Ibrahim** · 04-09-2010 08:33 PM

انهارده قلت لما اشوف لما اكشف على الزيت بنفس و لقيت الملاحظات التاليه

1. الزيت فقد لزوجته خالص عشان كده انا نويت اغيره على الرغم من انى عامل 3200 كم ؛ بس انا شارى العربيه اول شهر 6 و هيه متصنعه شهر 3 ( يعنى تقريبا 6 شهور يبقى انا شايف اغير الزيت )

2. و انا بشوف منسوب الزيت لقيت ان الزيت معدى علامة max الى موجوده على الدراع اللى بيقيس منسوب الزيت
( مكتوب فى الكتالوج ان لو الزيت اعلى من علامة max يبقى فيه مشكله و يجب اذهب للتوكيل)

كنت عايز رايكم فى الكلام ده و ايه الصح اللى يتعمل

**karimnet** · 04-09-2010 08:40 PM

تروح التوكيل تدخل للمهندس و تخليه يشوف الزيت و المنسوب و اللزوجة و هو يقولك تغير او لا

و ياريت تصور المنسوب على الموبايل صورة واضحة قبل ما تدور العربية الصبح

**ahmedsamir5edr** · 04-09-2010 09:02 PM

ايه اللي هيخليه يرووح لحد التوكيل ..
انتا شوف ميكانيكي بتثق فيه و هوا يقولك رأيه تغير و لا لأ ؟؟

و لو الزيت أعلي من الطبيعي يريح الطبه شويه و ينزل الزياده و يربطها تاني

**karimnet** · 04-09-2010 09:25 PM

الميكانيكية كلهم فى الموضوع ده بالذات مخهم غريب .. حيقولك ده اللى جاى فى العربية لازم يتغير و اى كلام .. علشان الموضوع بالنسبالهم ثقافة

و لو راح التوكيل و قالولوا سيبو او غيرو و حصل اى حاجة هم المسئولين .. بالذات فى الموتور

**amrelzawawy** · 04-09-2010 10:10 PM

انا رايح بكره الصبح ان شاء الله وهرد عليكم فى المساله دى

**ahmedsamir5edr** · 04-09-2010 10:44 PM

ان شاء الله .. منتظرين الرد

**Super_Star_h** · 04-09-2010 11:18 PM

غيره احسن واضمن
اول زيت فى الماتور ومرحلة التليين بيبقى مش تمام

**frhateg** · 05-09-2010 01:28 AM

انا شاري العربيه اول شهر 12 / 2009 و عامله معايا 7000 كيلو و لسه مغيرتلهاش زيت لغايه دلوقتي . هل فيه مشكله في كده . لأني سمعت اني غيار الزيت في صيانه ال 10000 و فيه ناس قالت انها غيرته علي 12000 بدون مشاكل .

**cheetos_892005** · 05-09-2010 04:05 AM

يا جماعه نوع الزيت ده اللي هو بيعد 10000 غير النوع التاني اللي بيعد 1000 و 2000 و 3000
انا علي حد معلوماتي ان ده طبيعي انك متحسش بلزوجته
هو بيبقي لزج مع سخونه الموتور و الله اعلم
هات زيت جديد من الجركن و انت تشووف
كمان عشان الخلوص في الموتور ضيق جدا لانه جديد
والله اعلم ....بس انا ماشي مع التوكيل ....
لانهم مسؤيلين عن كلامهم عشان انا في الضمان

**AbO_FaRaH** · 05-09-2010 04:59 AM

انا اتصلت بالتوكيل قالوا مفيش قلق ولا حاجه الزيت بيمشى 10000 كليو....وسالت هل للزيت فتره صلاحيه معينه عشان الناس اللى عامله بالعربيه كليو متر قليل....قالى لا..لا...لا.................زيت ال 10000 يمشى 10000 كيلو بدون فتره صلاحيه لان فيه ناس هنا قلت...بحد اقصى 12 شهر.....الرجل قالى الكلام ده مش مظبوط..........واللى عاوز يتاكد يتصل ب 16202