عايز اشترى بدلة بس مش عارف منين

**moroeminem** · 14-09-2010 11:54 AM

بصراحة يجماعة انا دماغى هتنفجر

اللى يقولى انزل اكتوبر
وفى ناس كتير بيقولوا مفيش زى العاشر
والاخ احمد بيقولى على جورج اللى جنب المول
والاخ حمدى بيقولى انزل الاوبرا

انا متشكر جدا على مساعدتكم
بس يجماعة
انا عايز اروح مكان واحد بس ايه احسن مكان
وامكانياتى 700 جنيه
والمكان الى هتقولوا عليه ان شاء الله هروحوا

**kamalsalem** · 14-09-2010 12:01 PM

انا ولا بنزل هنا ولا هنا.. لورنزو اللي ف أول البطل احمد عبد العزيز بجيب منه كل حاجتي حتى بدلة الفرح كانت من عنده.. والترزي عنده يعملك اللي انت عايزه

**mr_sameh** · 14-09-2010 12:25 PM

متابع باهتمام

**abou-yahia** · 14-09-2010 04:40 PM

بصوا منم الاخر
مصر فيها ترتيبه كده للبس الرجالي الكلاسيكي
علي راسهم عرفه جروب ديه احسن حاجه في السوق سعرا وخامه وتقفيل ودول معاهم ماركات كتير بكل الفئات السعره اللي تناسب الكل والفرق بيكون في نوع القماش و موديله ز غير كده التفصيله تقريبا واحده في الكل , كونكريت تبع المجموعه مش اكتر , المحلات اللي ذي جورج و موريس حنا , و احمد عيد وسير وسنيور اللي في وسط البلد دول كلهم بيعرضوا نفس الحاجه بنفس الاسعار الفرق بيكون في حجم المعروض بين المحلات وبعضها .
المعارض بتاعت العاشر او اكتوبر بتعرض نفس اللي في المحلات بس درجه تانيه او تخليص مواسم سابقه واسعارها مناسبه جدا بس عيبها انك ممكن تلاقي خاجه تعجبك متلاقيش مقاس منها غير كده انا انصح اي حد يروح ويتفرج وحيشتري .
لورنزا و دالي دريس و ماركو فيري وماا شابههم حاجتهم كويسه برضه لاكن مش يوصلوا لعرفه جروب وده عشان خامه الاقمشه المستخدمه عمرهم ما بيشغلوا عندهم خامات من مصنع جولدن تكس اللي المجموعه بتملكه وقماشه بيتصدر للخارج .
يتبقي تفضيلات الشخصيه عايز تشتري اولي انزل اي محل قريب من سكنك حتاخد اللي انت عايزه حابب توفر ومفيش حاجه معينه في دماغك انصحك بالعاشر واواكدلك انك حتنبسط وحتلاقي طلبك .
رايي ده مبني علي خبره شخصيه في هذا المجال تقترب من 15 سنه شغل .
شكرا

**Eng_Mostafa_89** · 14-09-2010 07:57 PM

المشاركة الأصلية كتبت بواسطة moroeminem

طب ياريت يا مصطفى تقولى جبتها منين من العاشر
وانتا ايه رايك انزل العاشر احسن ولا اكتوبر

انا نزلت لفيت شوية فى العاشر بس مش كتير بصراحة
دخلت كونكريت لاقيت اسعار عالية جدا جدا اقل بدلة تقريبا كانت ب 1500 جنية
دخلت جولدن تكس لقيت اسعارهم معقولة مش زى كونكريت ولقيت مقاسي علطول الحمد لله

**meero_boy2000** · 14-09-2010 08:08 PM

اكتوبر فاااااااااكس واضرب بجاز دلوقتي نصيحه فعلا انا نزلت يمكن 5 مررااات عشان اشتري بدله من هنااك لخطوبتي بس اكتشفت انه تبعااان اخر خاجه اكتوبر ممكن تلاقي فيه تي شيرت حلو مثلا او بنطلون لقطه يكون بولر بس دي صدفه لكن لو نازل تشتري فااااكس عشان متضيعش وقت بس

**A.Saad** · 14-09-2010 08:43 PM

انا هاكلم على اللى جربته
لورنزو : المعرض فى المصنع فى العاشر فيه قسمين
درجة اولى وبيكون ارخص من محلاتهم فوق 400
درجة تانية : غالبا بتكون بواقى انتاج او موسم فات متوسط سعرها 400 جنيه
اللى اعرفه انهم الجمعة اجازة

تيد لاموند
ليهم معرض فى اكتوبر قرب ليلة القدر
فيه معرض الدرجة الاولى ده بيكون ارخص من محلاتهم ب 20% وهو انتاج الموسم الحالى
درجة تانية : اللى فيه عيوب للموسم الحالى والسعر حسب العيب وبيكون فيه رسم بيوريك العيب فين
بواقى : بيكون فيه بواقى المواسم اللى فاتت ، والسعر فيه من 300 الى 400 حسب الخامة

موريس حنا : بحب قمصانه اكتر

المهم اما تختار البدلة
يكون بفتحة من الضهر او اتنين لو مليان شوية
الكم لو طويل ، بيتقصر مش مشكلة
المهم الجاكت يكون وسعه مظبوط انا مبحبش توسيع وتضييق الجاكيت
جرب تحط ايدك الاتنين سوا قدام صدرك وبحيث كفك يكون بعيد عنه بحوالى شبر
وشوف الوسع بتاع البدلة
ميكونش الجزء الللى عند فتحة الجاكت على المؤخرة بعيد عن الجسم اوى

**moroeminem** · 15-09-2010 02:21 AM

المشاركة الأصلية كتبت بواسطة meero_boy2000

اكتوبر فاااااااااكس واضرب بجاز دلوقتي نصيحه فعلا

فعلا انا قررت مش هنزل اكتوبر فى ناس كتير نزلو وقالولى فى حاجات عادية ولو لقيت حاجة كويسة بتبقى غالييييييية

الموضوع: عايز اشترى بدلة بس مش عارف منين

LinkBack

أدوات الموضوع

عرض

-

-

-

-

-

-

المواضيع المتشابهه

عايز اشترى جنوط الرينو ميجان 2008 ومش عارف منين ؟

عايز اشترى كماليات للبونتو ... اشترى منين فى القاهرة

يا جماعة..انا عايز اشترى كيا بيكانتو ..حد عارف منين او بكام

يا جماعة...انا عايز اشترى كيا بيكانتو ..حد عارف منين او بكام

الكلمات الدلالية لهذا الموضوع

المفضلات

المفضلات

ضوابط المشاركة