عيب في دواسة البنزين.. بتعلق

**Super_Star_h** · 15-09-2010 08:06 AM

المشاركة الأصلية كتبت بواسطة hardlive

عاوز اقول اني لما روحت صيانة في رمضان واشتكيت اني الفرامل حجرت مني مرتين بمعني تيجي تدوس دواسة الفرامل لقيتها حجر تحت رجلي مرة واحدة ولما قعدت الين بدات تلين واحدة واحدة كشفوا عليها وباتت العربية يومها ولما روحت استلمها كان المهندس اللي استلمها مني غايب سلمهالي واحد تاني جميل اوي قاللي مالقناش فيها حاجة واشمعني عربيتك انت الللي فيها عيب يعني وسكت شوية وقاللي طب حضرتك لما حصلت معاك كده كانت العربية سخنة وانت ماشي بسرعة ضحكت وقولتله اومال المطلوب العربية تبقي باردة وامشي بيها بالراحة السؤال مش منطقي قاللي علي العموم احنا غيرنا تيل الفرامل طبعا علي حسابي قولتله فرامل تحجر يعني عيب سيرفو مش تيللللللللللللللللللللل قالللي اه اكيد بس علي العموم مش لقينا حاجة فا ادام حضرتك حل من اتنين اما انك تسيبهالنا يومين كمان نجربها لحد مالعيب يظهر او انك تطلع تلف بيها في اي مكان مثلا حول المبني ده كتير لحد مالعيب يظهر بصراحة قوللته مش هاعلق علي كلامك لانه واضح انه جديد ومش فاهم حاجة بس علي العموم المشكلة دي اختفت فعلا والعربية رجعت عادية تاني

مال تيل الفرامل وما الهوا وتحجير الفرامل ؟؟؟؟
تيل الفرامل لو جاب اخره وخلص العربيه بترجرج كده وبتخروش فى الفرمله

يا باشا انت غلطان وهما عندهم حق يقولولك اطلع خدلك لفه لما العيب يظهر
يعنى هيشمو على ظهر ايديهم مثلآ
هما كشفو ولقو كله مضبوط والعربيه اساسآ مافيهاش حاجه
الكلام ده لو العيب ظاهر ساعتها ليك حق تتكلم
وسؤالى معلش لحضرتك الفرامل بتحجر معاك امتى ؟؟؟
اوعى تقولى وانت وواقف ومبطل العربيه هزعل جدآ

على فكره انا عربيتى عامله 23 الف
ولسه تيل الفرامل زي ما هو وبخيره
ما شاء الله

**Super_Star_h** · 15-09-2010 08:09 AM

المشاركة الأصلية كتبت بواسطة act87

حصلت معايا انهارده , كنت ماشى على 120 و جيت اشيل رجلى من على دواسة البنزين علشان اهدى لقيت الدواسة لزقت و العربية جرييت اكتر و الحمد لله ربنا ستر ...???

وساكت ؟؟؟؟؟؟؟؟

مطلعتش ساعتها وغيرت اتجاهك واخدت اول ملف وطلع على اقرب توكيل ليـــــــه
الموضوع ده مافهوش هزار انت كده ممكن تلبس فى حاجه

**mhamedmm** · 15-09-2010 09:03 AM

حصلت معايا والمشكلة كانت فى الدواسة علشان الدواسة كانت فيها حتة يتزنق فيها الدواسة واول ما رجعت الدواسة لورا المشكة اتحلت تماما

**hardlive** · 15-09-2010 09:08 AM

اكيد حضرتك بتهزر صح ؟ ازاي الفرامل بتحجر والعربية مبطلة ماهو اكيد الفرامل حجرت وهي دايرة طبعا منهم مرة كنت في الساحل ومرة كنت ماشية في وسط البلد
ثاني حاجة انا عارف طبعا اني تيل الفرامل مالوش دعوة بالتحجير لاني لما الفرامل تحجر يبقي مشكلة في السيرفو ومعني انها حصلت مش مرة لا مرتين يبقي فيه عيب مستخبي في فرامل عربيتي ومعني اني التوكيل مش عرف المشكلة فين انه عشرة علي عشرة وانه مش هايشم علي طهر ايديه بالعكس دي نقطة ضده مش لصالحه
ومعني انه في التوكيل يقولي روح لف حولين المبني ده كام مرة انه استخفاف بالعقول ولما انا سبتها عشان تبات يوم كامل مش جربوها ليه كذا مرة وفكوا السرفو وكشفوا عليه لاني ببساطة السيرفوا مش اتفك ولا حد لمسه لسه بالتراب بتاعه
ولما يجي تاني يقولي غيرنا التيل كان بناء علي اتصال حصل قبل ماروح بساعتين اني التيل بيتغير كل 20000 وانا عربيتي عاملة 22000 وسألوني نغيره قولت اوك غيره قاللي التكلفة هاتبقي 250 تقريبا قولت موافق بس مش ده العيب اللي بتكلم عليه يا جماعة قاللولي اهو بنكشف علي العربية لسه

**hardlive** · 15-09-2010 09:10 AM

المشاركة الأصلية كتبت بواسطة hobby10

غيروه على حسابهم ولا حسابك ... ولو على حسابك ليييييييييه ؟؟؟

غيروه علي حسابي بس للامانة هما كلموني قبل مايغيروه وقالي المهندس هناك انه بيتغير كل 20000 التيل الامامي تحب نغيره قولت اوك مفيش مشكلة بغض النظر عن هو لسه فيه عمر ولا جاب اخره بس كنت شايف انه لسه شغال زي الفل بس قولت طالما التوكيل قال يتغير يبقي مفيش مشكلة وتكلفته كانت تقريبا 250 جنيه
بس مش ده كان حل مشكلة التحجير اللي حصلت طبعا

**Eng.Geo** · 15-09-2010 09:27 AM

المشكلة بسيطة جدا ان شاء الله
ومفيش خطورة لو مشيت بيها فترة كدة
انت سايق مانيوال
وقت ماتحس بالكلام ده .... دبرياج ومور .... ظبط الدواسة او أركن علي جنب
ولكن ده مش حل نهائي .... ده مش حل أصلاً
انا بطمنك
انما تروح التوكيل وتقولهم

**hardlive** · 15-09-2010 11:03 AM

المشاركة الأصلية كتبت بواسطة eng.geo

المشكلة بسيطة جدا ان شاء الله
ومفيش خطورة لو مشيت بيها فترة كدة
انت سايق مانيوال
وقت ماتحس بالكلام ده .... دبرياج ومور .... ظبط الدواسة او أركن علي جنب
ولكن ده مش حل نهائي .... ده مش حل أصلاً
انا بطمنك
انما تروح التوكيل وتقولهم

انا فعلا لحد ماقدر اخد اجازة واروح بعمل كده كل ماتحصل بروح دايس دبرياج ومنور وكده كده انا من النوع اللي بيمشي بالراحة اوي مش بجري

**hobby10** · 15-09-2010 11:38 AM

طيب ياجماعة تابعوا القصة كده وطمنونا عليكم ان شاء الله .... خير باذن الله :)

**AbO_FaRaH** · 16-09-2010 11:06 AM

المشاركة الأصلية كتبت بواسطة hobby10

طيب ياجماعة تابعوا القصة كده وطمنونا عليكم ان شاء الله .... خير باذن الله :)

++1111

**Super_Star_h** · 16-09-2010 07:38 PM

المشاركة الأصلية كتبت بواسطة hardlive

اكيد حضرتك بتهزر صح ؟ ازاي الفرامل بتحجر والعربية مبطلة ماهو اكيد الفرامل حجرت وهي دايرة طبعا منهم مرة كنت في الساحل ومرة كنت ماشية في وسط البلد
ثاني حاجة انا عارف طبعا اني تيل الفرامل مالوش دعوة بالتحجير لاني لما الفرامل تحجر يبقي مشكلة في السيرفو ومعني انها حصلت مش مرة لا مرتين يبقي فيه عيب مستخبي في فرامل عربيتي ومعني اني التوكيل مش عرف المشكلة فين انه عشرة علي عشرة وانه مش هايشم علي طهر ايديه بالعكس دي نقطة ضده مش لصالحه
ومعني انه في التوكيل يقولي روح لف حولين المبني ده كام مرة انه استخفاف بالعقول ولما انا سبتها عشان تبات يوم كامل مش جربوها ليه كذا مرة وفكوا السرفو وكشفوا عليه لاني ببساطة السيرفوا مش اتفك ولا حد لمسه لسه بالتراب بتاعه
ولما يجي تاني يقولي غيرنا التيل كان بناء علي اتصال حصل قبل ماروح بساعتين اني التيل بيتغير كل 20000 وانا عربيتي عاملة 22000 وسألوني نغيره قولت اوك غيره قاللي التكلفة هاتبقي 250 تقريبا قولت موافق بس مش ده العيب اللي بتكلم عليه يا جماعة قاللولي اهو بنكشف علي العربية لسه

مأخدتش المهندس ليه معاك فى العربيه وقولتله طب ما تيجى ناخد لفه عشان اوريك العيب
خده وخليه يسوق واقعد جنبه يا باشا وقوله توكل على الله وخدنى لفه
عشان العيب مش بيبان الا فى المشى
هو ساعتها هيعرف العيب وهيتعامل هو معاه
انا اقولك اللى حصل
العربيه دخلت ركب دور ادى اولانى اتحرك فرمل
وهكذا وهكذا
مافيهاش حاجه زي الفل سلم يا بنى
واللى بعده

الموضوع: عيب في دواسة البنزين.. بتعلق

LinkBack

أدوات الموضوع

عرض

-

-

-

-

-

-

المواضيع المتشابهه

دواسة البنزين

دواسة البنزين بتعلق؟!!!!!

أين يذهب البنزين فى حالة رفع القدم من على دواسة البنزين ؟

طلمبة البنزين بتعلق

دواسة البنزين

الكلمات الدلالية لهذا الموضوع

المفضلات

المفضلات

ضوابط المشاركة