ياأجمل شباب اريد الاستشارة في عربيتنا اللوجي الجميلة

**smsm220218** · 14-09-2010 06:52 PM

ازيكو ياشباب كل سنة وانت طيبين معايا عربيتنا الجميلة لوجي وعاملة دلوقتي 2500 كم وماشاء الله علي الاداء ممتازة وبحمد ربنا ان ربنا هداني لشراء تلك العربية القوية ؛ المهم بلا حظ حاجه غريبة لما بيقرب ال RPM من 3 بسمع احيانا صوت طق طقه وزنه ساعات اسمع الزنة والطق طقه الخفيفه وساعات لا ؛ علي الرغم اني احيانا بزود الrpm الي 3.5 ويقرب من 4 وممكن مسمعش حاجه حد عنده تفسير للموضوع ده او حصل معاه ؟؟؟؟؟؟؟؟؟؟؟؟
ياريت يا شباب حد يفدني

**M.Radwan** · 14-09-2010 07:18 PM

صوت الطقطقة جاي منين بالظبط؟
وهل هو صوت حاجة بتفصل وبعدين تشتغل وهكذا؟

**smsm220218** · 14-09-2010 08:16 PM

اشكرك علي المتابعة يا foxهو جي تقريبا من ناحية اليمين شويه بسمعه من جوه ناحية التابلوه بس خلي بالك هو مصحوب بزنة كده وطبعا صوت الماتور بيعلي لاني بكون قربت من 3 rpm

**M.Radwan** · 14-09-2010 08:24 PM

المشاركة الأصلية كتبت بواسطة smsm220218

اشكرك علي المتابعة يا foxهو جي تقريبا من ناحية اليمين شويه بسمعه من جوه ناحية التابلوه بس خلي بالك هو مصحوب بزنة كده وطبعا صوت الماتور بيعلي لاني بكون قربت من 3 rpm

هو الطقطقة المشهورة فى اللوجان بتيجي عند المطبات من الناحية اليمين
ودي لما العافشة بتتربط بتتظبط
انا شايف انك تستني لصيانة ال 5000 وتقولهم على الملاحظات دي فى التوكيل

**smsm220218** · 14-09-2010 08:28 PM

طاب انت بتلاحظ صوت زنة كده لو rpm عدي 3 خصوصا اني لسه معدتش 3000 كم

**smsm220218** · 14-09-2010 11:50 PM

انتو نمتو ولا ايه ياشباب مفيش حد عنده تفسير للموضوع ده ؟؟؟؟؟؟؟؟؟؟؟؟

**mostafabakry** · 15-09-2010 12:09 AM

المشاركة الأصلية كتبت بواسطة foxoo7

هو الطقطقة المشهورة فى اللوجان بتيجي عند المطبات من الناحية اليمين
ودي لما العافشة بتتربط بتتظبط
انا شايف انك تستني لصيانة ال 5000 وتقولهم على الملاحظات دي فى التوكيل

بس الصوت لما كان عندب بصراحة كان مجنني و مكنتش عارف جاي من الأبواب و لا من الزجاج و لا من الحزام و لام من فين

بالصدفة عرفت انه من كالون الباب بسبب التراب اللي بيبقي موجود علي البنز الحديد اللي بيمسك فيه اكالون بتاع الباب و لما نضفته ومستحة كويس من التراب و حطيت له شوية شحم بسيطة الصوت اختفي تماما من ساعتها

نصيحة بص علي الكوالين و نضفها و جرب يمكن هما سبب المشكلة دي و يا ريت تطمنا

**newdawn** · 15-09-2010 12:35 AM

الصوت كان عندي و لما العربية وصلت 12000 كم دلوقتي و مع الصيانة كل الأصوات اختفت تقريبا عامل زي الجزمة الجديدة (أعزكم الله) لما بتزيق

**Super_Star_h** · 15-09-2010 07:56 AM

عفشه عفشه عفشه
العربيه دى بتتسلم كده مفكوكه
يعنى المفروض تستلمها وتروح تربطلها عفشه وقتى

**tamer61** · 15-09-2010 09:40 AM

بلغهم في أقرب زياره ليك للتوكيل و كل الملاحظات دي إكتبها في ورقه علشان ما تنساش أي حاجه ولما يخلصوا جرب العربيه كويس لحد ما تتأكد إن كله تمام. وربنا يوفق.