السلام عليكم ورحمه الله وبركاته

طمعا في الاستفاده من الناس المحترمه اللي هنا وخبرتهم واراءهم وانا متابع جيد جد لمعظم المواضيع ف الاجتماعي كان عندي مشكله وكنت عاوز رأيكو

انا مهندس مدني حديث التخرج كنت مرتبط ب بنت ادي ف السن من حوالي سنتين
كنا بنختلف كتير جدا لكن كنا بنحب بعض جدا جدا جدا
اتقدمتلها وبعد ما والدي راح البيت سأل ع الناس وجاله كلام مش كويس وهو مش مرتاح
دا غير ان مستواهم الاجتماعي اقل شويه(والدي طبيب بشري و والدتها ممرضه عملا سويا من 30 سنه)
ودي مفاجأه زي ما بتحصل ف الافلام العربي بالظبط
ودي نقطه والدي معترض جدا ومش عايز النسب وعايزلي حاجه احسن

المشكله عندي اني مش عارف اوصلها كده ازاي..انا في ورطه...انا متخيل ان حاجه زي كده ممكن تدمرلها حياتها بس ربنا يعلم اني ملعبتش ومهزرتش واتقدمت فعلا
لكني في ورطه بجد ابويا خيرني وقالي عايز تروح تكمل كمل بس لوحدك وانا مش هعرف الناس انك خطبت
بيخيرني ما بين النار والنار...اذا كان عليا انا هقدر علي نفسي ورغم انها بجد الانسانه الوحيده اللي حبيتها لكن هقنع نفسي ان في مشاكل كتير وعدم تفاهم وحاجات ممكن تأثر عليا مستقبلا

لكن انا خايف عليها جدا...ضميري مش مطاوعني اسيبها...خايف تعمل ف نفسها حاجه
ارجوكم..ساعدوني..وارجوكم والدي صعب جدا وانا بكتبلكو بعد محاولات يائسه كتير معاه محدش يقولي حاول لاني حاولت والرد النهائي زي ما ذكرت..يا رضا اهلي..يا اعيش حياتي من غيرهم