الموضوع: محتاج مساعده اهل الخبره في الدنيا بتاعتنا دي :(

انا متشكر جدا جدا جدا لكل الناس اللي ردت واتفاعلت معايا ف الموضوع
واسف جدا للتأخير لاني سافرت سفريه قصيره كده كنت عايز ابعد عن الاجواء شويه
وهحاول ارد علي الاسئله اللي اتقالت

والحقيقه ان لا يوجد اي تطور في الموضوع من ناحيه الوالد لانه قالهالي صريحا انا مرضهاش ليا ولا ارضاها لوالدتك ولا لعيالك اما يكبرو(بخصوص هنه الام)
اما بالنسبه للبنت ف للاسف واضح انها فهمت لانها بعتتلي رساله طويله جدا مختصرها ان هيا مش لاقيه اي سبب منطقي للرفض غير لو كان ابويا مكسوف من النسب دا
وتخيلو انها تقولي عادي احنا ممكن منقولش ان ماما كانت بتشتغل وانها ست بيت وهيا فعلا مشتغلتش من 15 سنه!!
وفعلا دا اللي قلتله لوالدي انها كانت شغاله من فتره طويله جدا قالي لا ازاي بقي طبعا معروفه في الوسط بتاعنا وحجته ان اول ما شافها عرفها ف بيتهم رغم مرور 30 سنه!!!
انا بحاول تدريجيا افهمها اني لو حسيت ان مفيش امل هسيبها بس هيا معندهاش اي قابليه تفم كده وبتطلب مني اعم المستحيل
بتطلب مني استني كمان سنه لان والدي بيسافر وهيرجع كمان سنه
بتطلب مني احرم نفسي علي اي حد زي ما هيا حرمت نغسها علي اي راجل ولا يمكن تتخيل حد مكاني
يا جماعه والله انا عارف ان في بنات كتير وحشه بس مش عارف ليه ف النقطه دي عندي ثقه عمياء فيها لدرجه بتخليني احس انها زي الطفله الصغيره اللي اكها مخطوفه من حضن امها لو احنا بعدنا عن بعض
قبل النوم بيجيلي شريط احلامنا وكلامنا وخططنا للمستقبل اللي كن هنبنيه سوا...يجي بعديه صوره ابويا وهو في قمه الغضب ومن وراه امي وهيا ليها نفس الرأي بس بتتكلم اهدي منه شويه بس هو دا الفرق!
انا مش مستبعد انها تكتئب وتعمل ف نفسها حاجه
ومش مستبعد انها تفضل كمان 10 سنين من غير جواز
طيب الناس اللي بتقول انت عملت اللي عليك انا ساعات بقول لنفسي انا ليه معملش زي ما قالتلي واحارب كمان؟
بس كل ما افتكر موقف ابويا وبما اني اكتر حد فاهم دماغه احسن سيناريو ممكن يحصل انو بعد فتره يوافق علي مضض(دا علي اساس اني متفائل جدا)
طب ومين يرضي يبدأ حياته من غير رضا ابوه وامه؟
وشكل المعامه ازاي؟
طب لو البنت زعلتني هشتكي لمين؟هيبقي ليا عين اشتكيلهم؟
طب لو حصل اي ظرف وامي مثلا هتعيش معايا؟ايه اللي هيحصل؟
طب لو عملت المستحيل ومعرفتش ارضي البنت واعيشها الحياه الرمانسيه اللي هتموت وتعيشها؟
بعد كل دا هيتقالي انت بارد؟انت مبتضحيش عشاني؟
ارجع وافتكر واقول لا لا لا دي اطيب بني ادمه ف الكون..انا عمري ما اتبسطت غير معاها

اووووووووووف....ربنا ما يكتبها علي حد...يارب....دعواتكو

المشاركة الأصلية كتبت بواسطة eslam_wega

والله مشكلتك صعبة جدا ومش لقيها حل مفيش قدامك غير حل واحد بس متقولش عليا مجنون خد كلامى للاخر
هاتلها عريس بجد مش بهزار اصل انت بتقول ملهش غيرك عشان اخواتها بارة واهلها كبار فى السن وهى فعلا بالطريقة دى هتتعذب وممكن تحس ان الحياة كدا انتهت فانت فاهمها انكم كدا وصلتم لحارة سد وانكم كدا بتضيعوا وقت ومفيش امل لانك لو استمريت فى الموضوع دة يبقا هى هتضيع حياتها على وهم واحلام وانك هتخسر اهلك واوللهم ولدك واقناعها بكدا وقولها شوفى حياتك وفعلا جبلها عريس واقنعها بالموضوع وقولها لو بتحبنى اعملى دة وهى لما تلقى حد تانى بيهتم بيها وبيحبها هتقدر تعيش تانى وهتحب مع الوقت وطبعا لازم تقطع معها نهائى واتفق معها على كدا وانت برضوا لازم تخطب فى اقرب وقت شهر او اتنبن واخطب وهتلفى نفسك مع الوقت بتنسا خصوصا انك هتبقا مطمن انها كويسة وعايشة من بعدك واوعا يوم من الايام تفكر تكلمها او ترد على تلفونتهم لان الحب من النوع دة عامل زى البنزين والكبريت ممكن فى مكلمة واحدة ترجعوا تحبوا بعض تانى ويبقا ولا كانك عملت حاجة واسائل مجرب
لو قدامك اى حل تانى تبقا مطمن عليها بى اعملوا بس فى نفس الوقت اوعا تلعب بيها وتعلقها على الفاضى طلما مفيش امل

انا متشكر جدا لحضرتك
بس اعتقد صعب اوي الموضوع دا
يمكن انت متعرفش حالتها عامله ازاي
لو فكرت اعمل كده يبقي هأذيها اكتر بس انا متشكره ل مشاركه حضرتك

المشاركة الأصلية كتبت بواسطة magyver

ماحنا عايزين نعرف السبب الرئيسي اية
لو هو اللي انا قلتلك علية دة ممكن ليها حل ان شاء الله

في سببين بيتكلم فيهم
اولا موضوع والدتها
ثانيا موضوع السؤال والكلام اللي جاله انهم مش مريحين

المشاركة الأصلية كتبت بواسطة احمد المصرى

والراجل سال علايهم وجاله كلام مش كويس على كلام صاحب المشكله ودى نقطه مهمه جداااااااااااااا بس ما هو الكلام ال مش كويس ال جه لوالدك علشان يرفض كدا


والمستوى الاجتماعى مهم جدااااااااااااااااااا يعنى لازم يكون فى توافق اجتماعى بين العائلتين

حضرتك انا كل ما اساله ايه الكلام الكويس يقولي انا مبدخلش في تفاصيل ومقدرش اعيب ف الناس اكتر من كده واحنا عندنا بنات وكده....

المشاركة الأصلية كتبت بواسطة ahmed4000

لو الوالد رافض بس علشان الام ممرضة يبقى حرام عليه وربنا حيعاقبه لانى اى سف ده يعتبر ظلم ولازم تفهمه كده ولازم يصارحك

لكن لو فى حاجة تانية لانك بتقول انه اشتغل مع الام (وللاسف الممرضة غالبا وبقول غالبا مش بعمم بتبقى سمعتها مش اد كده) يبقى تسيبها لان العرق دساس ومهما قلت فالبنت حتبقى نسخة من الام

انا هقدر حاجه زي دجي لاني بحبها ونفسي اعيش معاها وفي بينا حب وذكريات
لكن والدي هيقدر ليه؟؟؟
هتقولي عشان سعاده ابنه
هقول ل حضرتك هو متصور ان ابنه مضحوك عليه من بنات اليومين دول وان هو ماشي ف الطريق الغلط وحضرتك فاهم القصه دي
يعني من الاخر مقتنع ان سعاده ابنه مش مع دي

المشاركة الأصلية كتبت بواسطة Soma_Sooma

انت فمشكلة جامدة فعلا

بس اولا : ايه هو الكلام الوحش اللى بباك سمعة؟؟؟

وهل فعلا سأل ولا دة كلام؟؟؟

خلى حد تبعك انت تثق فية يسأل عليهم و يتأكد

ثانيا : انت بتقول ان المستوى الأجتماعى اقل ممكن افهم اقل بالنسبة لأية (فلوس ولا اخلاق ولا بالبلدى كدة سورى يعنى ناس بيئتهم مختلفة)

على فكرة الأسئلة دى لو عرفت ايجابتهاا هيكون فيها حل ان شاء الله

بس فى حاجة مهمة قوى لازم تفكر فيها انك لما بتتجوز مش بتتجوز بنت بس لا بتتجوز عيلة كمان

لو هم مش فمستواك

اول حاجة هتقابلها الفرح ودىبقى كارثة هتبقى مكسوف منهم لأن هيكون فى فرق كبير بين العيلتين
وهتلاقى عيلتك كلها واخدة جنب من البنت دى

تانى حاجةو دة الأهم : اذا اتجوزتو وخلفتو هل هتقدر تصيطر على تربيةاولادك؟؟؟

يعنى لو ممتها مثلا متعودة تقول لفظ كدة وانت معترض علية طفلك طبعا هيلقط منهم ساعتها مش هتعرف تصيطر على اهل زوجتك وتصرفاتهم مع احفادهم ؟؟

دة غير معاملة اهلك لزوجتك طبعا هتكون وحشة جدااااااااااا

وانت كمان ممكن بعد فترة لما تشوف الفروق على طبيعتها و تروح زهزةالحب دى (هتقول يارتنى كنت سمعت كلامهم)

الكلام دة لو هم فعلا كدة

فكر كدة فى النقط دى ورد عليا فيهم عشان ردك هيترتب علية كلام تانى

الفرق الاجتماعي من حيث الوظيفه(الوالد دبلوم والام ممرضه)
لكن المستوي المادي متقارب جدا وتقريبا مفيش فرق لان اهلها قضو فتره كبيره برا مصر وكذلك اخواتها
ومن حيث السؤال انا رديت وقولت ان الوالد مبيدخلش ف التفاصيل بحجه انه حرام وبيكتفي انهم مش مريحين ومش مناسبين لينا وبيقلي اسأل انت علي اختخا الكبيره متجوزتش لحد دلوقتي ليه(28سنه)
موضوه الالفاظ والحاجات دي حضرتك مقدرش احكم عليها غير لو كنت دخلت البيت كتير واحتكيت بيهم وكده ف مش هقدر اجاوب
وموضوع اللفرح دا هو فعلا والدها من بلد ارياف وكده!!

المشاركة الأصلية كتبت بواسطة msfahim

"تخيروا لنطفكم فان العرق دسًاس" انصحك ان تبعد عنها للأسباب الأتيه:-
1-رضا الوالدين(دينيا لازم تسمع كلامه و دنيويا خبرة والدك اكبر منك
2-المستوى الأجتماعى و المهنة المذكوره !!!!!!!!!!!!!!!!!!!!!!!!
"والمستوى الاجتماعى مهم جدااااااااااااااااااا يعنى لازم يكون فى توافق اجتماعى بين العائلتين"و انا لقيت فتوه دينيه بهذا المعنى

3-مش نهاية الكون انك تنفصل عن انسانه ارتبطت بها حتنساها(الأنسان من النسيان).
""""لكن انا خايف عليها جدا...ضميري مش مطاوعني اسيبها...خايف تعمل ف نفسها حاجه"""
ادى لضميرك اجازه مؤقته و بلاش الأفلام الأبيض و الأسود ديه....انا لا اسخر من شعورك و لكن اجمد حتقابل مواقف كتير اعنف من ديه و تتخير بين امرين احلاهما مر......

لو عند حضرتك طريقه لاجازه الضمير ياريت تلحقني بيها

المشاركة الأصلية كتبت بواسطة أشرف فتحى

أنا فهمت من كلام حضرتك....انك مفيش مشكله انك تسيبها....لكن مشكلتك انها صعبانه عليك...وحاسس بالذنب...

خدها بقى منى نصيحه ومتزعلش....

سيبها دلوقتى أحسن......ومتخافش لما هتسيبها هتنساك تماما وهتكمل حياتها عادى جدا....وكلامى انا واثق منه...

وأعرف واحده حاولت الانتحار لما واحد كان هيخطبها سابها....وربنا انقذها وعملولها غسيل معده...

دلوقتى ما شاء الله معاها طفلين من واحد تانى وسعيده فى حياتها..وعادى جدا...

حضرتك الثقه دي بناءا علي ايه

انا معنديش الثقه دي ومش متخيل كده ابدا

ولا يمكن كل واحد بيبص علي حالته بنظره غير الناس؟؟
ولا هيا فعلا مش هتنساني؟؟
انا متبرجل جداا