صور التعديل الوحيد في نيسان صني 2011

**kamello2003** · 15-09-2010 07:16 AM

السلام عليكم
دي صوره حساس الاكسوجين(راكب في الفرن) التم اضافته للصني 2011 في محاوله من نيسان لحل مشكله البنزين في الصني..حساس الااكسوجين دا مش اختراع جديد ولا حاجه دا موجود في عربيات كتيره جدا و من زمان

لمعلومات اكتر..دا شرح كنت كتبته في موضوع تاني

في اختلاف بسيط في موديلات 2011 من اول بعد الشاسيه رقم 33000 تقريبا ..انا عربيتي مانيوال abs وفيها اكسوجين سينسور راكب في الفرن و واصل علي الضفيره و حاليا لسه بشوف فرق في البنزين ولا لا..و بقول لبعض الاخوه البيقولو ان استهلاك الصني عاااادي و ان احنا المبنعرفش نسوق سيارات 1600..لو ماكانش استهلاكها غير طبيعي مكانش التعديل دا اتعمل لان المصنع مش حيعدل في حاجه غير لو الشكاوي وصلت لدرجه معينه...مع العلم ان الصني لحد 2009 كان فيها حاجه تانيه بديله عن الاكسوجين سينسور اسمها EGR valveبمعني exhaust gas recirculation و دا صمام عند درجه حراره عادم معينه بيعيد ادخال العادم في دوره الاحتراق...وبرده مكانش راكب في موديلات 2010 الهو اكتر موديل جت منو شكوي..عايز اقول ان كل نظمه التحكم في الانبعاثات البتبقي في اي عربيه وظيفتها الاصليه هي الحفاظ علي البيئه مش البنزين..بس في النهايه برضه بتوفر جدا في البنزين لانها بتصحح دوره الاحتراق

**mohamedbook** · 15-09-2010 07:26 AM

هل ممكن تعديل السيارات الي مش نازلة بالابشن دة ولا لا
ياريت المهندس حاتم يفدنا في الموضوع ده

**harizy** · 15-09-2010 07:42 AM

باشا طيب أنا اشتريت سيارتى فى نهاية شهر سبعة عام 2010، واللى عرفته ان موديلات 2011 نزلت فى نهاية شهر ثمانية وكانت هى هى بس تم تعديل الورق فهل لو عربيتى مفيهاش التعديل ده يمكن تركيبه فى التوكيل.

يعنى التعديل ده قصة فعلاً ولا مناظر وخلاص، والدليل أن السعر لم يختلف، فياريت حد يرد علينا.

**harizy** · 15-09-2010 07:46 AM

معلش برضه ملحوظة أخيرة، دلوقتى سعر العربيات اللى نزلت بتعديل هى هى اللى نزلت بدون تعديل تمام، يعنى التعديل ده لم يكن له أى تأثير على ثمن العربية؛ فهل ده معناه أن التوكيل ممكن يركبه ببلاش أو نظير سعر رمزى لأن مش معقول يطور فى الموتور لموديلات معينة والباقى لأ على الرغم من أن نظام الموتور كله واحد بدون تغيير، مش كده ولا إإإإيييييههه

**emaddba** · 15-09-2010 08:20 AM

ممكن تصتع دائرة على حساس اوكسجين هل هو يوفر فعلا فى الاستهلاك؟

**emaddba** · 15-09-2010 08:21 AM

ممكن تصتع دائرة على حساس اوكسجين هل هو يوفر فعلا فى الاستهلاك؟

**pharmaman84** · 15-09-2010 10:35 PM

انا اتأكدت من عربيتي المستلمها البارح رقم الشاسيه فعلا اكبر من 33000 و بصيت على الموتور لقيت فعلا نفس الخرطوم الفي الصورة الصغير اللافف ونازل لتحت وواضح طبعا التقفيل المصري الخراطيم والاسلاك متلصمة بالبلاستر

**hon** · 16-09-2010 04:08 AM

يامسهل
متابع بأهتمام

**Bishoy.Girgis** · 16-09-2010 01:44 PM

فعلا يا جماعة الخبر صحيح و هو وجود حساس الاوكسجين و التوكيل بيؤكد انه مينفعش يتركب في الموديلات القديمة لعدم وجود امكانية التركيب في العربية لأنها غير مجهزة
بس يا ريت فعلا اللي معاه العربية و متركب فيه الحساس يبقي لازم يطمنا باستهلاك البنزين الحقيقي عشان لو فعلا الموضوع ده صحيح يبقي دي طفرة جميلة جدا انما لو طلع اي كلام عشان اعلان عن بيع العربية يبقي كده هيبقي في كلام تاني

**Ahmed.TV** · 16-09-2010 02:42 PM

يارب تكون افيدته ملحوظة فعلا ويكون اضافة باذن الله
ومحتاجين تقرير عن اى فرق فى الموديل 2011 بالصور غير الحساسات , لان فى ناس بتقول ان فى تغير فى الكاسيت تقريبا وشكله

وباذن الله كل واحد يستلم يستلم على خير ان شاء الله