الموضوع: أخدت مخالفة و عاوز رأيكم......أنا غلطان ولا لأ ؟

ايوة طبعا....

كل واحد مسؤول عن اللي على يساره

يعني عالهاي واي لو انته عايز تمسك الشمال علشان تمشي بسرعة تدي اشارة و تستني لما يسمحولك انشاله ساعة لازم اللي عالشمال يسمحلك صاحب السرعة الاعلى.......لانك لو دخلت عليه بدون ما يسمحلك و تسببت في حادث يكون عليك الخطأ بالكامل

زي بالظبط كده ما اللي ورا دايما غلطان........

و كمان في الميادين و الدوارات الأولوية دايما لمن بداخل الميدان مش اللي لسه يهدخل عالتقاطع او الدوران......يعني لو كبست مثلا و طلع واحد جاي بسرعته عايز يدخل الطريق العمودي و خبطه من الجنب تكون انته المخطىء .........

والرد ده عن خبرة سواقة سنين في الخليج الامارات و السعودية..........

و الله اعلم

الاولوية للمواطنين في الخلييييييج
ربي العيال والله يعوض عليك في الغرامة
عفوا هو انت مطلعتش بحاجة عن جور من هو ذو نفوذ في فيلم الزوجة الثانية وبعدين هما لا يتورعو عن عمل اي شيء تجاه المقيم اللي هو في نظرهم عبد
وحاول وديا تلم الموضوع وربنا يسترها معانا جميعا

المشاركة الأصلية كتبت بواسطة ahmed a.maksoud

السلام عليكم

من أقل من ساعة كنت راجع أنا و المدام و الأولاد من مشوار ( فى الإمارات )

باختصار كده اللى حصل كان كالأتى

الطريق 3 حارات و بيضيق يبقى حارتين....و أنا ماشى فى الحارة اللى فى النص
على يمينى كان فيه عربية عاوزة تدخل فى الحارة اللى أنا فيها علشان حارته بتتقفل.....أدانى إشارة و هو عربيته على يمينى بس أخرها فى نص عربيتى.....أنا كنت ماشى على 80 تقريباً و مش عارف لو فرملت كان اللى ورايا أيه ظروفه.....بصيت على شمالى لقيت عربية جاية بسرعة

حرقت فى حارتى علشان أطلع من اللى على يمينى و هو حرق هو كمان.....المهم طلعت منه بس حكلى الأكصدام الخلفى من ورا ناحية اليمين......

ركنا أحنا الأتنين و نزلنا.....لقيت واحد بسم الله ما شاء الله معدى ال 2 متر بشوية كويسين.....كنت هضحك بس مسكت نفسى....المهم طلعلى id و إذا به ظابط مرور :i_angr1[1]:

كتبلى مخالفة أسمها هنا " القيادة بتهور بصورة تشكل خطر على الأخرين ".....كل ده و أنا أصلاً من الموقف مش واخد بالى أنه كان بيحاول يطلع من يمينى و أن ده على حد علمى مينفعش إلا لو أنا سمحت له.

المهم المخالفة دى عقوبتها الأتى
1- غرامة 1000 درهم
2- 12 نقطة سوداء ( ليا 24 نقطة خلال السنة لو خلصوا من مخالفة كمان زيها أبتدى أطلع رخصة من أول و جديد )
3- حجز العربية شهر ( أو أدفع بدل اليوم الواحد حجز 100 درهم....يعنى 3000 درهم فى الشهر )

دلوقتى رأيكم أيه علشان أنا بفكر أروح أعمل تظلم بكره.....بس ده بيتعمل عند مدير المرور و مش عاوز أروح إلا لو أنا على حق.

مش المفروض انه طالما طالع من يمينى حتى لو مدى إشارة يستنى لما أسمحله.....و لا أنا بيتهيألى ؟؟؟؟

هي كون السواق الآخر هو الظابط الي خد المخالفة - ده في حد ذاته غلط ويلغي العقوبة من اساسها - ويمكن تعمل عقوبة عليه هو شخصيا - حتى اذا كنت انت غلطان

فما بالك ان الغلطة غلطته فعليا - يمينك - والخبطة عندك ورا - وهو الي كان بيسوق بتهور - روح فورا اتظلم - وتابعنا بالنتيجة

غلطان هو طبعا ..
دي حارتك و أنت لك الأولوية ..
كل الطرق مصورة في الإمارات و يمكنك إستخراج الفيديو ب ١٠ دراهم ..
عموما إطمئن لا يوجد أي محاباة أو ظلم في الإمارات و لو كان حاكم الإمارة نفسه فستحصل على حقك