اغتيال براءة الاطفال

**badblood** · 15-09-2010 06:20 PM

حضرتك ممكن تاخد نفسك يوم كده وتنزل مدرسة ابتدائي ساعة الخروج
واسمع الالفاظ وشم السجاير (ابتدائي مش حاجة تاني)
خلاص التربية بقت صفر وعليه العوض

**magyver** · 15-09-2010 06:30 PM

دة العادي بتاع مصر دلوقتي
كل شئ مبااااااااااااااااح
حسبي الله ونعم الوكيل

**m_car** · 15-09-2010 06:42 PM

كليب الفيس بوك عارفه

بنت بتقول انها جبت ولد وطلع صاحبها ولا بتاع والكليب بيتكلم عن الفيس بوك

**ghazy12** · 15-09-2010 06:51 PM

المشاركة الأصلية كتبت بواسطة elassar2010

+999999999999
عندك حق
انا واحد قريبى (المفروض طفل 5 سنين)بيقولى رايح فين بقولة الكافية
قالى رايح تحشش!!!!!!!!!!!!!!

بلاش ده, هقولك على حاجه تانيه...

الشئ المستفز جدااااااااااااااااااا بقى, و غير منطقي او طبيعي بالمره...

تلاقي بعض الناس ابنهم (عيل عنده 3-4 سنين) واقف قصادهم بيشتم واحد بالفاظ زباله,
او عمال بيردد كلام سمعه في التليفيزيون مثلا و ماينفعش يقوله, او بيغني اغنيه من الهابطين
بتوع حجرين على الشيشه, و الكلام المتدني ده...و هما بيتفرجوا عليه و في قمة الفخر و السعاده و بيضحكوا, و يقولك شوف الواد... فظيع..!!!!!!!

ده للاسف نوع من انواع التربيه السلبيه, لان ببساطه الطفل ده لما بيلاقي بابا و ماما بيضحكوا
بيترجم انهم مبسوطين... منطقياً هما كده فعلاً, يبقى انا شاطر و بعمل حاجه صح..!! اسوء فيها بقى
و يبقى قصاد كل الناس و في اي مكان و في اي وقت... ماهو عااااااااااااادي بقى و الناس مبسوطه

و فجأه و قصاد ناس معينه, تلاقي الطفل اللطيف و قصاد ناس راح عامل النمره الجميله بتاعة كل مره,
و اللي بابا و ماما بيضحكوا عليها... يقوم الاب مثلا مزعقله و ضاربه..!!! عيب كده يا ولد...!!!!

نعم...؟؟؟؟ عييييييب...!!!! يعني ايه...؟؟؟؟؟ (بيكون الطفل نفسه يقوله كده)

العذر بتاع الاب بقى.... (اصل مش قدام اي حد يعمل كده, مايصحش...!!!)... قال يعني العيل ده هيفرق..!!

اللي مايعرفوش الاب اللي بالشكل ده (لانه جاهل للاسف و غير مؤهل لتربية طفل) انه بالطريقه دي
بيعمل نوع من عدم الاتزان و التشتيت في شخصية الطفل ده, و بيبقى مش عارف هو ده صح فعلاً
ولا غلط..؟؟ و لو غلط, طيب كان ليه بيضحك و مبسوط..؟؟؟ و ممكن يأثر اكتر في شخصيته
و يطلع انسان متردد, او مشتت, او مش عارف هو عايز ايه..!! و ده اللي الناس بتستهتر بيه

لازم مع اي طفل تكون في اتجاه واحد, و محدد على طول الخط, و تحسم الموضوع معاه, و كلمتك واحده,
يبقى الغلط غط و الصح صح, مش شويه غلط و شويه صح, و هو اللي يختار بقى, ده صح و لا غلط..!!
لان الاطفال في قمة الذكاء, و بيفنكرا المواقف و بيربطوا بينها كويس قوي...

ربنا يقدرنا على تربية ولادنا التربيه السليمه, لان اصلا التربيه صعبه, و دلوقتي بقت صعبه جداا جداا جداا لما يكبر

**نور القمر** · 15-09-2010 07:00 PM

تأييدا لكلام غازي انا معاصرة لحالة مماثلة لطفل عنده 4 سنين
كان باباه في منتهى السعادة لما يشتمه ويقوله يا كلب يا عبيط يا وقح
ولو راح لحلاق يشتم ولو راح المسجد يشتم وكانت الام هي اللي بتقاومه
لما دلوقت مبقاش عارف يتحكم فيه ولا يمنعه من الشتيمة وبيحرجه في كل مكان خصوصا لو في اطفال وظهر فارق التربية بين ابنه وابن غيره
وصل بيه الدرجة انه بيضربه بحزام ضرب مبرح او يقرصه في ودنه بطريقة غير ادميه
والله والولد صغير انا نصحت الاب وقولت له انت فرحان بيه دلوقت بعد شوية هايحرجك ومش هتعرف تسيطر عليه
ومرة حصل تشابك بينه وبين يوسف
هو يشتم يوسف يقوله يا كلب ويوسف يرد عليه بعصبية يقوله ماتشتمش انا مش بشتمك وقعدوا يكرروا في السيناريو والحوار ده يجي ربع ساعة وانا كنت قاعدة بضحك على ابني والله وعلى حمقته وبالرغم من كدة مردش عليه الشتيمة

**A7MED_PHARMA** · 15-09-2010 07:26 PM

كان باباه في منتهى السعادة لما يشتمه ويقوله يا كلب يا عبيط يا وقح

شتيمة أرستقراطية
ههههههههههههههههه

**medo_2060** · 15-09-2010 09:27 PM

المشاركة الأصلية كتبت بواسطة a7med_pharma

من أيام أفلام الأبيض وإسود
لما فيروز تطلع تغني وترقص وهيا لابسة بدلة رقص كاملة من قطعتين
كنت بقول حسبي الله ونعم الوكيل

وحسبي الله ونعم الوكيل في إلي كان السبب

فعلا كلامك صحيح..انا مشوفتش بصراحه الكليب الى الاستاذ احمد كمال بيتكلم عنه....
بس شوفت المنظر دا اكتر من مره فى افلام عربى قديمه واتذكر انى شوفت بنت والله اصغر من 9 سنين وبترقص ولا فيفى عبده

**نور القمر** · 16-09-2010 01:01 AM

المشاركة الأصلية كتبت بواسطة a7med_pharma

شتيمة أرستقراطية
ههههههههههههههههه

طيب سمعت شتيمة وغد قبل كدة هههههههههههههههههههههههه

**AlGazar2** · 16-09-2010 01:11 AM

الجيل الى طالع كله كده و لسة لما يكبر

لما يبقى الطفل عنده 9 سنين و يبقى عارف كل حاجة من اول كوكو الضعيف للسجاير المحشية و الخمور تتوقعوا الطفل ده لما يكبر و يبقى 18 سنة هايعمل ايه