هل البوجيهات ده سليمة

**sonystar** · 16-09-2010 04:17 AM

غير بوجيهات دنسون احلى بكتير عن تجربة ممكن يكون بوجية جديد ومرطب على فكرة

**sonystar** · 16-09-2010 04:20 AM

على فكرة العربية بطلع دخنى سودة واضح من الوجيهات لو كربراتير عايزة تتظبط لان البوجية مهبب اسود اهووو اوى

**karimfahmy99** · 16-09-2010 04:53 AM

شكل البوجيهات مش وحش . بس انت عرفت اى بوجيهة اللى بيخللى العربية تتلت ؟؟؟ و صوت الفرقعة اعتقد انة من البوجية اللى بيفصل لان الغرفة بتتملى بخليط و ميتحرقش الا لما يشتغل تانى

لو عرفت اى بوجية اللى كان بيقطع و دا طبعا مفروض تكون عرفتة قبل ما تفك او تغير حاجة . راجع على السلك بتاعة يمكن بيهرب او بيحك فى جسم العربية او الفبرة وحشة اللى بتركب على البوجية نفسة دا اذا كنت حاطط فبر

**ahmedyehia515** · 16-09-2010 08:41 AM

المشاركة الأصلية كتبت بواسطة otefa

هو البوجيهات عندك علي وش المكنة من فوق! لأنه باين عليهم أثار ميه وتراب(طين).
والبوجيهات واضح أن فعلا سنهم كويس ومش محتاجين تغيير لسه هما بيقطعوا معاك علشان طبقة الوساخة أللي مغطياهم في رقم 1 و4 فاعملين عزل جامد للشرارة

انا أصلاً عندى الموبينة راكبة على البوجيهات فآاثار الطين ديه مش عارف جيه منين

المشاركة الأصلية كتبت بواسطة gazzar91

بعد البوجيهات الجديدة ايه الأخبار؟؟
استهلاك البنزين؟
حاسسها متلتة؟؟

بانتظار الاجابة....

في رعاية الله....

انا جربتها انهارده و بجد الأداء خرافى ، يعنى حاسس انو العربية بتحس قبل ما ألمس الدواسة أصلاً بس بخصوص الإستهلاك، لسه مش باين

المشاركة الأصلية كتبت بواسطة smsm_nabawy

يعني أيه متلتة يا جماعة ،، يعني مبلمة في طاعتها و مش بتتطلع بسهولة ،، و تحس أن الموتور مش بيدي عزم على البطيئ و الأر بي أم الصغير ؟!!

متلتة يعنة ماشية على 3 بوجيهات بس و الرابع بيقطع و اللى كان عندى زى اللى حضرتك قلته كده ، العربية بتبرجل على الار بى ام القليل جامد و تحس انها هتفصل ، فرقعا فى الشكمان و انت بتزود السرعة مرة واحده بتحس العربية فاقت

المشاركة الأصلية كتبت بواسطة karimfahmy99

شكل البوجيهات مش وحش . بس انت عرفت اى بوجيهة اللى بيخللى العربية تتلت ؟؟؟ و صوت الفرقعة اعتقد انة من البوجية اللى بيفصل لان الغرفة بتتملى بخليط و ميتحرقش الا لما يشتغل تانى

لو عرفت اى بوجية اللى كان بيقطع و دا طبعا مفروض تكون عرفتة قبل ما تفك او تغير حاجة . راجع على السلك بتاعة يمكن بيهرب او بيحك فى جسم العربية او الفبرة وحشة اللى بتركب على البوجية نفسة دا اذا كنت حاطط فبر

المشكلة انو مقدرش أعمل كده لأنه عشان أعمل كده لازم افصل البوجيهات واحد واحد و أشوف بس انا عندى الموبينة راكبة مباشرة على البوجيهات فمقدرش افصلهم واحد واحد. لو حضرتك تعرف طريقة تانية ممكن تقولهالى عشان لو الموضوع ده اتكرر أقدر أحدد.

**otefa** · 16-09-2010 08:50 AM

كدة الموضوع عندك أتحل أن شاء الله هاتلاقي ميه دخلت علي البوجيهات من غسيل للموتور قبل كده .........كانت بتحصل معايا في الألفا روميو برده المومبينة راكبة علي البوجيه علي وش المكنة من فوق........حاول تبعد الميه عن المكان ده وانت بتغسلها.

**hemalotfy** · 17-09-2010 01:27 AM

انا كان عندي مشكلة مشابهة جدا لمشكلتك وغيرت بوجيهات كتير وطلع العيب في الاخر في كابل بوجيه وغيرته والحمدلله اتزبطت

بص على الكابلات كابل كابل ممكن يكون شكله سليم من بره وتمام التمام لكن مبيوصلش((بيخدع))

**ahmedyehia515** · 17-09-2010 02:01 PM

المشاركة الأصلية كتبت بواسطة hemalotfy

انا كان عندي مشكلة مشابهة جدا لمشكلتك وغيرت بوجيهات كتير وطلع العيب في الاخر في كابل بوجيه وغيرته والحمدلله اتزبطت

بص على الكابلات كابل كابل ممكن يكون شكله سليم من بره وتمام التمام لكن مبيوصلش((بيخدع))

أنا معنديش كابلات للبوجيهات ، الموبينو راكبة مباشرة على البوجيهات فلو فى عيب فى توصيل الكهربا للبوجيهات هيكون العيب فى الموبينة

**smsm_nabawy** · 17-09-2010 02:28 PM

المشاركة الأصلية كتبت بواسطة ahmedyehia515

أنا معنديش كابلات للبوجيهات ، الموبينو راكبة مباشرة على البوجيهات فلو فى عيب فى توصيل الكهربا للبوجيهات هيكون العيب فى الموبينة

معلش ،، سؤال خارج الموضوع شوية ،، و متأسف لكده ،، هل الفابيا اللي مع حضرتك ،، عيوبها أو أعطالها كتيره !!!

لآن العربية الى حدٍ ما جديدة ،، و لكن شوفت أكتر من موضوع بيشتكو من حاجات كتير ،، موبينة و كرمبة بنزين و حاجات تانية .. يعني هل الأعمار الأفتراضية للحاجات دي في أي عربية كده فعلاً ،، ولا في العربية دي عمرهم الأفتراضي أقل من الطبيعي ولا ايه ؟!!

**smsm_nabawy** · 17-09-2010 03:01 PM

المشاركة الأصلية كتبت بواسطة ahmedyehia515

لأ و لا يهميك خالص

الفابيا اللى معايا موديل 2001 و عامله 307 ألف فانا شخصياً شايفها مش جديدة و أعطالها مش كتيرة بس ساعات بتكون مستفزة عشان فيها سنسورز و التوكيل "اتبرى" من عربيتى و لازم تكشف عليها بالجهاز عشان تعرف العطل فيين بس انا مستريح معاها.

و قطع الغيار معمرة بزيادة يعنى فى 100 ألف غيرت الرادياتير مرة واحدة ( كنت بحطله ميه من الحنفية ) و غير كده الصيانات الدورية و خلاص بس مشكلتها الرئيسية هيا الكهربا و الفيوزات بس كعربية بصراحة شيالة أسيه بس انت تحافظ عليها

الف شكر على الرد ،، بس هو مياه الحنفية غلط ولا ايه

يا خرابي ،، ده لو كده يبقى الردياتير عندنا بححححح

الموضوع: هل البوجيهات ده سليمة

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب لانوس2 سليمة

تنظيف البوجيهات بالبزنين يبوظها ؟ سلوك البوجيهات لو بتكهرب يبقى كده بتهرب كهربة ؟

تنظيف البوجيهات بالبزنين يبوظها ؟ سلوك البوجيهات لو بتكهرب يبقى كده بتهرب كهربة ؟

هل طريقة الغيار هذه سليمة ؟؟؟؟

جت سليمة

الكلمات الدلالية لهذا الموضوع

المفضلات

المفضلات

ضوابط المشاركة