الموضوع: هل البوجيهات ده سليمة

المشاركة الأصلية كتبت بواسطة hemalotfy

انا كان عندي مشكلة مشابهة جدا لمشكلتك وغيرت بوجيهات كتير وطلع العيب في الاخر في كابل بوجيه وغيرته والحمدلله اتزبطت

بص على الكابلات كابل كابل ممكن يكون شكله سليم من بره وتمام التمام لكن مبيوصلش((بيخدع))

أنا معنديش كابلات للبوجيهات ، الموبينو راكبة مباشرة على البوجيهات فلو فى عيب فى توصيل الكهربا للبوجيهات هيكون العيب فى الموبينة

المشاركة الأصلية كتبت بواسطة smsm_nabawy

معلش ،، سؤال خارج الموضوع شوية ،، و متأسف لكده ،، هل الفابيا اللي مع حضرتك ،، عيوبها أو أعطالها كتيره !!!

لآن العربية الى حدٍ ما جديدة ،، و لكن شوفت أكتر من موضوع بيشتكو من حاجات كتير ،، موبينة و كرمبة بنزين و حاجات تانية .. يعني هل الأعمار الأفتراضية للحاجات دي في أي عربية كده فعلاً ،، ولا في العربية دي عمرهم الأفتراضي أقل من الطبيعي ولا ايه ؟!!

لأ و لا يهميك خالص

الفابيا اللى معايا موديل 2001 و عامله 307 ألف فانا شخصياً شايفها مش جديدة و أعطالها مش كتيرة بس ساعات بتكون مستفزة عشان فيها سنسورز و التوكيل "اتبرى" من عربيتى و لازم تكشف عليها بالجهاز عشان تعرف العطل فيين بس انا مستريح معاها.

و قطع الغيار معمرة بزيادة يعنى فى 100 ألف غيرت الرادياتير مرة واحدة ( كنت بحطله ميه من الحنفية ) و غير كده الصيانات الدورية و خلاص بس مشكلتها الرئيسية هيا الكهربا و الفيوزات بس كعربية بصراحة شيالة أسيه بس انت تحافظ عليها

المشاركة الأصلية كتبت بواسطة smsm_nabawy

الف شكر على الرد ،، بس هو مياه الحنفية غلط ولا ايه :e_braces[1]:


يا خرابي ،، ده لو كده يبقى الردياتير عندنا بححححح :o_stupid[1]:

بص انا مش هفتى فى الموضوع ده بس على حد علمى انو ميه الحنفية "النضيفة" بيكون فيها أملاح ( ده طبعاً بالإضافى للحاجات التانية اللى عندنا ) الأملاح ده بتترسب على الرادياتير من جوه و بتسبب تآكله و انو يصدى و نفس الحاجة لطرمبة الميه. المفروض تحط مياه مقطرة + مانع للصداً ، أو بمعنى أصح تحط ميه خضرا أو حمرا على حسب عربيتك و موتورك و هتلاقى ألف موضوع فى المنتدى على ماركات الميه الخضرا ، أنا شخصياً بستعمل موبيل الجركن تقريباً هى أغلى واحدة و ده عقدة عشان تغيير الرادياتير ده كان كابوس مش عايز أكرره و لما تنقص بزودها ميه مقطرة زى بتاعت البطاريات. محطات موبيل زان بتاعت الزيت بيكون فيها جدول كبير مكتوب فيه كل عربية المفروض تاخد ميه خضرا و لا حمرا و ده اللى المصنع بتاع العربية بيحدده