الموضوع: أكثر من نصف السيارات الألمانية بها عيوب!

عيوب عن عيوب بتفرق

المسألة نسبية يعني هما شايفين لما نور الكشافات يكون مشتت او مش مظبوط يبقي دا عيب خطير ممكن يؤثر علي سلامة الركاب في حالة القيادة الليلية مثلا

لكن احنا تلاقي العربية خردة و مش ماكسة نفسها و هي عالطريق و لا بتجري علي 120 و لا حياة لمن تنادي و تروح المرور تفحص تدفع اللي فيه النصيب و العربية تنجح و تترخص نم تاني

اومال اللي بيحصل في مصر في عربياتنا نسميه ايه ؟؟

قول يا رب

المشاركة الأصلية كتبت بواسطة dramir1

وفي مصر هنا الواحد يبقى راكب عربيه موديل 1960 ويقولك بدهان الفابريكه والاستبن لسه مانزلش!!!!!!!!!!!!!!!

يا جماعة مش لازم تكون العربيات ديه المانية الصنع. الألمان ابتدوا يركبوا عربيات تانية كتير من أيام الازمة الاقتصادية ديه نقطة. النقطة التانية إن الدراسة ديه هدفها تنعش السوق تاني وتخلي الناس ترجع تركب جديد عشان الناس هناك بقيت تجيب العربيات وتتبت فيها ( العربيات في أروبا بتكون اعتماديتها اعلي من اللي بتتصدر بره عشان المستهلكين وكمان الجو نضيف من غير رمل والبنزين مش مغشوش ) وهما هناك كلهم على بعض كام مليون مش بيزيدوا زينا لو كله جاب عربيات وتبت فيها ومش عايز يجيب جديد السوق هيموت. ديه مشكلة في النمو بتواجه كل الشركات هناك حتى مقدمين الخدمات كله دلوقتي بينافس على الجودة وإلا هيخسر الزبائن القدام ومش هيجيله جديد.

وديه الدراسة من Blog بس بالإنجليزي ( الصراحة مش لاقي المصدر الاصلي )
Half of all cars on the road with defects – Black Tea
آخر جملة بتبين هدف الدراسة قوي

GTÜ CEO Rainer de Biasi warned: "The old vehicles are a potential danger to all road users, which should not be underestimated."

على فكرة الخبر بيقول
العربيات الموجودة فى ألمانيا
مش العربيات الألمانية

فى فرق شاسع بين الاتنين والمفروض العنوان يتغير!

السيارات الألمانية مليئة بالعيوب
أظهرت دراسة حديثة أن نحو ثمانية ملايين سيارة في ألمانيا تسير بعيوب كبيرة على الطرق.
وكشفت دراسة معهد الرقابة الفنية الألماني أن الحالة الفنية لكثير من السيارات في ألمانيا "تبعث على القلق"، حسب تقارير عالمية الأربعاء.

واستندت الدراسة على الحالة الفنية لنحو 1900 مليون سيارة خلال النصف الأول من العام الجاري.

وبلغت نسبة السيارات الخالية من العيوب والأعطال في ألمانيا 48.5% من إجمالي عدد السيارات.

وذكر المعهد أن خبرائه اكتشفوا وجود عيوب واضحة في نسبة 52% من السيارات من بينها عيوب خطيرة في نسبة 18.5%.

وخلصت الدراسة إلى أن من بين 42 مليون سيارة تسير على الطرق في ألمانيا نحو 10.7 مليون سيارة بها عيوب في الإضاءة والكهرباء ونحو 6.3 مليون سيارة بها عيوب في أنظمة الفرامل.

وحذر خبراء المعهد من ارتفاع معدلات العمر الشتغيلي للسيارات وأشاروا إلى أن تاريخ إنتاج 20% من السيارات في ألمانيا يرجع 12 عاما مضت.
[info]منقول[/info]

مفيش عربيه كامله
طب ايه هما العربيات دول