الموضوع: باك سبيس يا نايل موتورزية

عندك حق تماما يا علا, و فعلا كل واحد فينا محتاج وقفه مع نفسه,
لان في كلام كتيييييييييييير قوي كان عيب انه يتقال, و ماحدش فكر فيه قبل مايقوله...

اقسم بالله ان انا كل مشاركاتي لازم اراجعها سطر سطر بعد ما اخلصها,
و قبل ما اضيف الرد, و بعد ما اضيفه كمان, و بعدل عليه كتييييير,
لاني والله عمري ما حبيت و لا احب اني اجرح اي حد او اقول كلام يضايق
حد بشكل مباشر او غير مباشر, لكن الظاهر ان الحفاظ على مشاعر الناس
ده مش عند اي حد و مش عند كل الناس, سواء رجاله او سيدات...

اي حد فينا ممكن ينفعل او يتعصب, و يقول كلام قاسي او يكون عصبي في كلامه
و ده كلنا بنقدره و بنتجاوزه لان المفروض اننا نستحمل بعض, ده الطبيعي....

لكن بردو الموضوع مايوصلش لحد الاهانه و التجريح المتعمد, و نقول بدون قصد.. لأ

انا كمان بضم صوتي لصوتك و بقول يا ريت نراجع نفسنا و كلامنا قبل
ما ندوس على ( اضافة رد ), و بعد كمان.... اتمنى ده من الجميع

شكراا على موضوعك و موقفك الايجابي يا علا...

المشاركة الأصلية كتبت بواسطة nabaster

ايوه ايوه هوا انتي هتقوليلي؟؟

عارف انا ومجرب ودايما تيجي علي الغلبان :(

.................................................. ..........

بالنسبه بقي للموضوع

انا فعلا لو كنت هتكلم امبارح كنت هقول كتير

بس انا حاليا شايف صوره في دماغي

عباره عن فريقين ستات ورجاله

وكل واحد مستخبي ورا صف من اشولة الرمل

وكل فريق بيحدف طوب علي التاني

فعلا موقف غريب واتطور الايام دي فعلا ومش لاقيله اي مبرر

a.yakout

تصدق و تؤمن بالله... انا كنت منتظر ردك انت تحديداً يا احمد, لكن انت فضلت السكوت
و ده حقك و كنت صح, لان انا نفسي زعلت اني رديت في الموضوع ده, مع انه رد واحد فقط...

يا رب بعد كل الجدال اللي دار ده, الناس تفهم ان اللي حصل ده كان مهزله كبيره بكل المقاييس...

تقبل تحياتي يا باشا...