ازاى الحاجات دى بتشتغل ؟!!!

**abdallahyassin** · 16-09-2010 11:50 PM

السلام عليكم

كل سنه وانتم طيبين

قريبا ان شاءالله حبقى واحد منكم باذن الله من اسره كيا ان شاءالله بعد كام يوم ان شاءالله
وبصراحه انا استفدت منكم كتير اوى الصراحه وربنا يبارك لكل واحد بيكتب كلمه بنستفيد بيها كلنا

السؤال دلوقتى انا شوفت العربيه وعاينتها كده على السريع
شغلتها وجربت التكييف ولفيت حواليها من بره ابص على اى حاجه بايظه مجروحه اى حاجه كده
المشكله دلوقتى ( ومن غير تريقه )
انا اول مره اتعامل مع عربيه زى دى ومش عارف اشغل الكاسيت ولا اى حاجه من الحاجات دى
يعنى عايز اجرب الكاسيت والسى دى وفتحه اليو اس بى والفاتحه التانيه الى هيا aux تقريبا

فممكن حد يقولى وصف تفصيلى وياريت لو بالصور اازاى اشغل الحاجات دى علشان اجربها
والعربيه عامله 18 كيلو متر ده كده كتير ولا كويس؟؟
وايه الخطوات اللى حتحصل فى المرور بالظبط؟
ولو اخدت معايا ميكانيكى يبص على العربيه اديله كام؟وهو مكانيكى العائله يعنى موثوق منه وتعاملنا معاه من سنين

وبجد شكرا ليكم كلككككككككككككككم

**احمد المصرى** · 17-09-2010 12:01 AM

الف مبروك وربنا يعطيك خيرها ويكفيك شرها

**NoRmAl** · 18-09-2010 12:54 AM

أهلا بيك وربنا يتمهالك على خير
فى زرارين مدورين يمين وشمال الكاسيت
الشمال بتاع الصوت والباور
هتودس عليه لجوه علشان تشغل الكاسيت لو مكنش شغال
علشان تجرب السى دى أول متشغل الكاسيت من زرار الباور دا حط سى دى فى السى دى بلاير نفسه
هو هيقلب لوحده على مود السي دى ويشغله
خود معاك فلاشه عليها أغانى علشان تجرب الusb
كذاك اول متحط الفلاشه هو هيقلب على مود الaux وتشتغل لوحدها
أنت أكيد تقصد العربيه عامله 18 ألف كيلو صح؟؟
هى أنهى فئه و هتخدها على كام
وموضوع الميكانيكى دا موضوع تقديرى وحاجه بتاعتك

**mohamedwahid** · 18-09-2010 01:25 AM

الف مبروك وربنا يعطيك خيرها

**yasso0101** · 18-09-2010 01:42 AM

مبروك يا ابشا و تنورنا وربنا يديك خيرا و يكفيك شرها
موضوع الميكانيكي ده كويس علشان يرتاح قلبك و المهم اتاكد من رقم vin

**ابو ليلى** · 18-09-2010 02:38 AM

طبعا نورمال جاوب على موضوع الكاسيت وفعلا زى ما هو قال بالظبط

بس يا نورمال هو اكيد بيتكلم صح العربية ماشية 18 ك بس وده الطبيعى لانها زيرو ويعتبر كويس وطبيعى لان غير الطبيعى لما تعدى حوالى 75 ك انا استلمت وهى عاملة 45 ك

طبعا موضوع المرور ده بيرجع فى الاول لو على حسب المعرض يعنى

لو كاش هيديلك كل ورقها علشان تروح انت اللى ترخص وفى بعض المعارض بتبعت مندوب .
.ولو قسط لاازم يبعت معاك مندوب علشان يضمن انك رخصت وياخد صورة الرخصة منك وفى بعضها مش بيديلك كتيب الضمان غير برضه لما ياخد صورة من الرخصه وانت مش بتعمل اى شى بتقعد والمندوب هو اللى بيخلص كل حاجه .

موضوع الميكانيكى من حقك طبعا بس اهم شى يكون فاهم فى موديل العربية واكيد طبعا هياخد الحلاوة مش اقل من 200ج دى عربية زيرو

نصيحة بعد ما تستلم العربية حاول تاخر الترخيص يومبن تلاتة وسوق العربية وجربها
بس مش كتير .علشان لو فيها حاجه تقدر تروح تغيرها فورى انما لو رخصت وظهر فيها حاجه خلاص هتخدها على كده وعوضك على الله

محتاجين بقى منك تفاصيل

وكيل ولا خليجى / الموديل / السعر / اسم المعرض / كاش ولا قسط ( البنك )

وربنا يبارك فيها وتاخد خيرها ويبعدك عن شرها ....يارب