ممكن سؤال في الويندوز xp

**mr_sameh** · 17-09-2010 03:09 AM

المشكله ببساطه ان كل لما احاول اظهر الملفات المخفيه الجهاز مش بينفذ الامر ومتظهرش الملفات بالرغم من الضغط ok ارجع تاني للقائمه تولز - فولدر اوبشن - فيو - القي مفيش حاجه متغيره
عملت ريستارت للجهاز وعملت اظهار للملفات مفيش فايده بصراحه حاولت معاه كتير
المشكله ان الملفات المخفيه هي ملفات المكتب يعني اهم شئ في الكمبيوتر

**michohat** · 17-09-2010 03:22 AM

اعتقد ان اللى عندك ده فيرس وكنت بشيله زمان بانى اغير الوندز ( طبعا بعد ما اكون اخدت اى داتا عاوزها موجوده ع ال c واكون محضر اسطوانه التعريفات و اسطوانه عليها الانتي فيرس زي البت دفندر مثلا )
و بعدها انزل نسخه وندز ومن غير ما ادخل على اى بارتشن او افتح ملفات في الجهاز النسخه تنزل اعرف تعريفات البورده وخصصا كارت الشبكه و بعدها انزل الانتي فيرس واعمل له ابديت واعمل سكان

**osama.m** · 17-09-2010 03:32 AM

تقريبا عندك autorun هتلاقي برامج بتشيلة كتير .. و الاحسن انك تغير ويندوز .. بس لو هتعمل كدا يبقى متفتحش اي دريف من عندك غير لما تشيلة الاول

**mr_sameh** · 17-09-2010 03:33 AM

نا لسه مغير الويندوز وانتي فيرس avg وعملتلو اب ديت

**aly_hosny** · 17-09-2010 04:31 AM

ال avg مبيشيلوش رغم انه فيرس تافه
نزل ال eset هيشيله وبعديها لازم تغير النسخة

**pro_samir** · 17-09-2010 05:19 AM

ماهو المشكله انك بعد ما بتغير الويندوز بتدخل علي البارتشن التاني علي الهارد قبل ما تسطب الأنتي فيرس وبالتالي الويندوز بيتفيرس تاني ويبقي كإنك معملتش حاجه

الحل لما تغير الويندوز وتفرمط السي متفتحش my computer اصلا واعمل داونلود للأنتي فيرس وسطبه وبعدين اعمل update

ولو عايز تفتح أي بارتشن أو فلاشه مثلا علشان الأوتورن ميشتغلش بلاش تعمل عليها دبل كليك ، اعمل كليك يمين علي البارتشن واختار open

في برامج بتصلح الموضوع ده بس الويندوز بيكون خلاص بقي مشموم وتغييره أحسن

**maadi** · 17-09-2010 05:46 AM

قبل ما تعيد تنزيل الويندوز جرب ده أعتقد سيعالج مشاكل حاسوبك و يعفيك من الفورمات:

http://download.bleepingcomputer.com/sUBs/ComboFix.exe

و بالنسبه للأنتي فيرس في رأيي أفضل حل مجاني هو Avira مع ضرورة إستخدام العقل و المنطق (common sense) يعني تنزل برامج من مواقع الشركه المنتجهو إتباع النصائح العامه المعروفه لتأمين الجهاز و Firewall متخصص مثل Sygate Personal Firewall Pro

**SHNORY** · 17-09-2010 06:37 AM

فيه برنامج اسمه alfa autorun killer 2.0
دا حيشيله وحيرجعلك القوايم لطبيعتها من غير ما تنزل ويندوز ولا توجع قلبك
انا كنت بتضرب كتير اوي بالفيرس ده من كارتات الميموري بتاعه الزباين
والبرنامج ده كان بيجيب من الاخر في ثواني