لسه مستلم سيراتو 2011 و مقارنة سريعة مع ميجان 2006

**Rsarabia** · 17-09-2010 04:25 AM

النهاردة استلمت سيراتو كاملة فتحة سقف تكييف تاتش سى دى ام بى ثرى حساسات ركن و نواكل و شكمان نيكل جنط 16 خليجى موديل 2011 سعرها 117 الف

يا ريت الافادة من ملاك السيراتو بخصوص تغيير الزيت ؟ يعنى هل دا زيت 1000 ولا 5000
ضغط الاطارات قدام كام و ورا كام ؟؟

العربية بتاعة خالى و انا معايا ميجان 2006

ملاحظاتى

الشكل الخارجى ( اذواق ) و لكن انا شايف ان السيراتو اشيك من قدام و الميجان اشيك من ورا
العفشة ناشفة و الكراسى ناشفة جدااااا مش عارف دا هل بسبب ضغط الاطارات ؟؟ و طبعا فى الميجان دى اقوى نقاطها عفشة ناعمة جدا و كراسى مريحة جدا
سيراتو اعرض من ميجان و لكن طول الصالون فى الميجان اكبر من سيراتو
الباور الهيدروليك اتقل بكتير جدا من الميجان
التكييف قوى جدااااا و الفرامل قوية جدااا و اقوى بكتير من الميجان
التحكم و المناورات اسهل فى الميجان بفرق ملحوظ
فتحة السقف عاجبانى فى السيراتو عن الميجان
السى دى ام بى ثرى و احسن من الموجود فى الميجان
صوت السوند سستم فى الميجان احسن بكتير من سيراتو و فيه اوبشن اعلى
المالتى فنكشن فى الميجان احسن و اسهل و مش لازم تبص عشان تعرف انت دايس على ايه
التكييف تاتش و احسن من ميجان
عزل السيارة ممتاز جدا تقريبا نفس مستوى الميجان
الكماليات اقل من الميجان ما عدا حساس الركن و وصلة الاى يو اكس و الاى بود و اليو اس بى زى مساند الرأس و مثبت السرعة و محدد السرعة و الستائر الجانبية و الخلفية و كمبيوتر المعلومات و وحدات رفع الزجاج و فتحة السقف و رفع و تنزيل الزجاج بدوسة واحدة
صوت الموتور مسموع عن الميجان
جودة الخامات الداخلية و التقفيل افضل بكتير فى الميجان عن سيراتو
موضوع فتح التنك و الشنطة دا طبعا هو اوبشن بس الفرنسيين عاملينه مع السنتر و خلاص :) وكدا اريح

الخلاصة ان السيراتو ممتازة جدا بالنسبة لسعرها 117 الف
الميجان افضل و لكن اغلى و سعرها حاليا 150 الف

**M.ABDEEN** · 17-09-2010 08:54 AM

شكرا يا باشا ومبروك وربنا يديك خيرها .....ويكفيك شرها
بس مشكلة الميجان في قطع الغيار واعادة البيع

**Eslam.Elrefaey** · 17-09-2010 11:53 AM

معلش الميجان يرده من وجهة نظرى احسن من السراتو فى حاجات مش عجباك يعنى مثلا البانوراما بتاع الميجان احسن من السيراتو

**gazzar91** · 17-09-2010 12:39 PM

بجد أحترمك على حياديتك و بصراحة أنا ميال للميجان أكتر...
بس برضه للأمانة السيراتو طلعتها و سحبها أقوى على السرعات البطيئة و فعلاً تكييفها أقوى من الميجان و دايماً لما أطلع مع مهندس يجربها أو أقعد فيها أغير حاجة يجيلي برد...
الباور بتاع السيراتو تحسه مش تمام علشان الجنط العريض (205) إنما الـ Lx علشان عجلها رفيع بتحسه لذيذ قوي بس عمره مايوصل للباور الكهربا....

أرجو اني كنت حيادي كفايه...

في رعاية الله....

**Elsarrawy** · 17-09-2010 02:19 PM

الف شكر على المقارنة الجميلة والمفيدة

بالنسبة للشكل السيراتو احدث تصميماً طبعاً لكن انا بيعجبني جداً العداسات الي في كشافات الميجان

نقطة عرض الميجان اقل من السيراتو فالموضوع دا له شقين العرض من الخارج ودا اعتقد العكس الميجان اعرض من السيراتو خارجياً علشان التنفيخات الي في الرفارف الامامية والخلفيةوسحبة المرايات

اما من الداخل فالسيراتو كراسيها اوطى شويه عن كراسي الميجان ودا بيدي وسع داخلي اكبر

وبرده انا مع موضوع ان فتحة السقف في الميجان اشيك وفي الآخر دي اذواق طبعاً

تكييف الميجان التاتش جميل جداً برده لكن السيراتو بيسقع اسرع ودي طبيعة كل التكيفات الاسيوية بالمقارنة بالأوربية

وانا معاك في باقي النقاط فعلاً عن تجربة السيارتين

**Rsarabia** · 17-09-2010 03:37 PM

المشاركة الأصلية كتبت بواسطة m.abdeen

شكرا يا باشا ومبروك وربنا يديك خيرها .....ويكفيك شرها
بس مشكلة الميجان في قطع الغيار واعادة البيع

فعلا المشكلة فى اعادة البيع بتنزل النص و بعض قطع الغيار

**Rsarabia** · 17-09-2010 03:38 PM

المشاركة الأصلية كتبت بواسطة eslam.elrefaey

معلش الميجان يرده من وجهة نظرى احسن من السراتو فى حاجات مش عجباك يعنى مثلا البانوراما بتاع الميجان احسن من السيراتو

انا قصدى ان التحكم فيها احسن يعنى بتقدر تحركها على اى وضع تحبه و فيه هواية فى الميجان بتبقى اوضاع معينة و مفيش هواية

**Rsarabia** · 17-09-2010 03:39 PM

المشاركة الأصلية كتبت بواسطة gazzar91

بجد أحترمك على حياديتك و بصراحة أنا ميال للميجان أكتر...
بس برضه للأمانة السيراتو طلعتها و سحبها أقوى على السرعات البطيئة و فعلاً تكييفها أقوى من الميجان و دايماً لما أطلع مع مهندس يجربها أو أقعد فيها أغير حاجة يجيلي برد...
الباور بتاع السيراتو تحسه مش تمام علشان الجنط العريض (205) إنما الـ lx علشان عجلها رفيع بتحسه لذيذ قوي بس عمره مايوصل للباور الكهربا....

أرجو اني كنت حيادي كفايه...

في رعاية الله....

موتور السيراتو قوى جدا و كمان لسه جديد فأكيد هيبقى اشد من الميجان و موضوع الباور دا نسبى و لكن طبعا الانعم اكيد احسن

**Rsarabia** · 17-09-2010 03:39 PM

المشاركة الأصلية كتبت بواسطة elsarrawy

الف شكر على المقارنة الجميلة والمفيدة

بالنسبة للشكل السيراتو احدث تصميماً طبعاً لكن انا بيعجبني جداً العداسات الي في كشافات الميجان

نقطة عرض الميجان اقل من السيراتو فالموضوع دا له شقين العرض من الخارج ودا اعتقد العكس الميجان اعرض من السيراتو خارجياً علشان التنفيخات الي في الرفارف الامامية والخلفيةوسحبة المرايات

اما من الداخل فالسيراتو كراسيها اوطى شويه عن كراسي الميجان ودا بيدي وسع داخلي اكبر

وبرده انا مع موضوع ان فتحة السقف في الميجان اشيك وفي الآخر دي اذواق طبعاً

تكييف الميجان التاتش جميل جداً برده لكن السيراتو بيسقع اسرع ودي طبيعة كل التكيفات الاسيوية بالمقارنة بالأوربية

وانا معاك في باقي النقاط فعلاً عن تجربة السيارتين

موافقك على كل الكلام دا

**Mshawky** · 17-09-2010 04:02 PM

ربنا يباركلك فيها ان شاء الله

واغلب النقاط انا متفق معاك فعلا لانك قارنت بحياديه شويه بس انا متعود مثلا على الباور الهيردوليك ده لان كان معايا لانسر شارك والباور هيدروليك برضه وبيسموه فى الخليج هاف باور لكن انا مثلا سوقت الكرولا لقتها ميا بتلف وهى واقفه هههههههه