المشاركة الأصلية كتبت بواسطة kamalsalem
على فكرة الحرام حرام... والمتشبه بالنساء ملعون.. مش مني ولا منكوا... من اللي خلقوا وقال ان رزقه بإيده... احنا ليه بنتكلم كأن ربنا مش موجود؟ ليه محدش بيقرا كلامي؟ بقولكوا من يستغن يغنه الله خيراً والناس لسه بتقول انه اكرمله من انه يبيع مناديل؟ ليه كلام ربنا وكلام رسوله بقينا بنرد عليه كأنه كلام بشر؟
انا مش بحجر على حق حد انه يقول رأيه... بس انا مستغرب ان رضا ربنا ووعده لينا بالرزق بقى موضوع قابل للنقاش في حياتنا... العيال السيس دول اشتغلوا كده عشان الرزق الحرام السريع
واسمحولي انا عمري ما اتصورت مع رقاصة او ممثلة وحاجة متشرفنيش.... لكن انا يوم كتب كتابي اتصورت مع العسكري اللي واقف حراسة قدام الفندق وده انسان يشرفني.. يشرفني اني اكون انسان راجل زيه بالظبط.. انما اللي يترقص زي الستات عشان 50 جنيه اخر النهار.. ملوش عندي غير الاهانة مدام هو قبل الاهانة على نفسه
انا مش رب الكون عشان كل واحد يعمل نفسه ست ادورله على شغل... تعاطفنا مع الاشكال دي هي اللي بتخليهم يلاقوا عذر لنفسهم انهم يشتغلوا الشغل المهين ده... وبعدين اقروا كلامي ف الموضوع الاصلي.. بقول لما كانوا بيرقصوا رقص استعراضي كنت محترمهم عادي.. مش الحاجة اللي بحبها بس عادي... لو لبسوا صعايدة ورقصوا بالعصيان كنت برضه هحترمهم... انما اللي حصل ده لأ مش محترم خالص
الراجل مننا لما يتنازل عشان دينه.. ورجولته.. عشان 50 جنيه حرام في اليوم (1500 جنيه حرام في الشهر) يبقى نستنى من ربنا انه يرحمنا ازاي؟ ماهو مش بيأذي نفسه بس.. ده بيأذي كل واحد بيشوفه ويقول ماهو معذور.. وفي الاخر لما غضب ربنا يجينا من فوق ومن تحت نقول الحكومة بنت وبنت.
في يوم من الايام كنت قاعد مع تاجر مخدرات وبقوله لو اديتك 5000 جنيه ترجعهوملي كام.. قاللي يتضاعفوا 3 مرات كل اسبوع... بس خد بالك (ده تاجر الحشيش اللي بيقول) الفلوس دي حرام.. يعني النهاردة موجودين بكرة لأ والله اعلم هتصرفهم على علاج ولا قضيه ولا ايه
اللقمة الحرام بمنع اجر الصلاة 40 يوم
اطب مطعمك تكن مستجاب الدعوة
ما نبت من حرام فهو سحت ومحله النار
ياريت مننساش انه في رب... وفي حساب... وفي جنة ونار... وفي كتالوج للإنسان اسمه القراّن والسنة واللي مش عاجبه الكتالوج يوريني هيصلح من غيره ازاي