الموضوع: الرجالة راحوا فين

المشاركة الأصلية كتبت بواسطة shnory

علي فكره يا جماعه
الحرامي مسرقش غير انتقاما من اللي بيبصوله نظره دونيه وبيعاملوا وحش فبقي حاقد عليهم
انا كان عندي محل في منطقه شعبيه واتعاملت مع قتله وحراميه ومسجلين خطر وفرض سيطره وجرايم نفس
وكنت بعاملهم كويس جدااااااااااااااااااااااا اااا
وفي نفس الوقت فيه جزء ارهاب
اقسم بالله لو واقفين بيعملوا حاجه سواء بيع مخدرات او شربها وانا طلعت وقفت بره كان كله بيثبت لحد ما ادخل تاني يكملوا الي بيعملوه
معاملتنا الوحشه للناس هي اللي غيرتهم وخليتهم سرقوا ونهبوا
لو كنا عاملناهم حلو كان حالهم اتغير
انما حيفضل طول عمره الفقير ريحته وحشه طول ما احنا بنفكر كده
------------------------------------
بجد انا بستعجب
لما رقاصه تاخدلها 10 بواكي وتقوم ترقصلكم تبقي مثار اهتمام والستات تغير منها والرجاله تريل عليها وكل واحده تروح تعمل ريجيم علشان تبقي حلوه زي فلانه الي شافتها في التليفزيون
والي عاملكم قرد وبيتنطط علشان ترموله سوداني وياكل عيش بتبصوله بصه وحشه

المشاركة الأصلية كتبت بواسطة ahmed samy

ما بيعجبنيش الصنف ده من الرجالة ....و خصوصا ان في منهم اللي بيرقص بقلب

بس ما قدرش أقول عليهم غلطانين

ده واحد فرط في كتير و أكيد ما كانش نفسه يبقى كده و هو طفل

أكيد كان زي أي واحد أو واحدة فينا ....نفسه يطلع ضابط ولا دكتورة ولا طيار و لا مهندس

و الدنيا اللي بتلف تطلع ناس و تنزل ناس داست عليه و حولته للمسخ ده

المزايدة على الناس دي ما بحبهاش

اتهامهم الدائم بأنهم مقصرين و كانوا المفروض يشتغلوا زبالين ولا قهوجيه

الللي يرضى يشتغل زبال يرضى لغيره و ما يتججش انهم مش ولاد دكاترة ولا مهندسين

أنا كلامي موجه طبعا لردود العضوة hh علشان ما بقاش باتكلم بالمداري

الراجل ده بيبيع نفسه علشان يعيش .....بيعمل حرام ؟ ربه يحاسبه

و اللي عايز ينصحه ولاينتقده ولا يشتمه ........يساعده الأول

ماتقدرش تساعده ...هاتعمله ايه صحيح و انت في ايدك ايه !!!

يبقى خلي ايدك في جيبك ...و سيبه في حاله هو تعبان خلقه و نظرات السادة اللواءات و الأساتذة و الدكاترة ليه مجرد تعذيب

مش دول صفوة المجتمع ؟؟؟

عملوا ايه للمجتمع اللي الشاب ده واحد منه غير انهم ربوا عيالهم و صرفوا عليهم و أجروا الواد ده علشان يفضل رقاص

اللي عنده كلمتين

يروح يقولهم للي خلى شاب زي ده ....يتحزم و يرقص

زي النسوان

و اللي ما يقدرش يقول الكلمتين دول برضه ....

يسكت بقى و يدعي ان اليوم ده ما يجيش على عياله ولا أحفاده

المشاركة الأصلية كتبت بواسطة medo_2060

والله انا كتبت رد والاخر شوفت رد دكتور احمد سامى لقيتنى كنت هقول نفس كلامه بس الفرق بأسلوبى...
انا نفسي اقول كلام كتير ولناس معينه ردودهم مستفزه وبتبين ان ايدهم فى الميه بس بلاش احسن ... ربنا يصبرنى ومردش

فعلا الناس دى مطلعتش كدة لان المجتمع البايظ و القذر اللى شافوه هوه اللى عملهم كدة ممكن يكون من بيئة كويسة و ابوه شخص محترم بس الظروف مثلا وفاه الوالد رب الاسرة و الانتقال من عيشة هنية الى ضنك و فقر و مرض و البحث عن اى قرش يجى ليهم و مفيش حد بيساعد حد و اللى يقربوله يفتكر انهم عاوزين يضحكوا عليه و ياخدوا منه فلوس يقوم يضربهم و يطردهم بعيد عنه برغم انهم عاوزين حنان و حب و رحمه و تعاطف فنتيجة كدة بيشوف الغنى اللى ما اعطاهوش الزكاة و الصدقة بتاعته بيصرفها فين فى اماكن الرقص و الخمور و الدعارة و الفلوس دى مفروض بتاعته شرعا فبيروح ياخدها منه هناك و يشتغل فى الدعارة و المخدرات و الوساخة كلها علشان يعيش و يربى اخواته و يدفع ثمن الحجرة اللى مؤجرينها هوه و امه و اخواته و عارف ان اللى بيعمله فيه ناس بتبص له بصه وحشة بس جواه بيقولهم و انتوا كنتوا فين ياولاد الك.. لما ابويا مات و اترمينا فى الشارع و امى عيت و رقدت و مش لاقين فلوس نجيب لها حتى تاكسى نوديها مستشفى حكومى و محدش فكر يقولنا عاملين ايه و لا عربيتى تحت امركم تعالو نوديها مستشفى قبل ما تموت منكم

و الشخصيات دى هتكتر و تزيد فى مصر بشكل رهيب و ربنا يستر علينا و على عيالنا

المشاركة الأصلية كتبت بواسطة dr-mohamed

تم حذف المحتوى بواسطتي كريم منير 19-9-2010 الساعة 12:10 صباحا بعد سحب العضوة لكلامها

تقبل اعتذاري انا شخصيا لاني قابلت العضوة سوما يوم الافطار ولمست بها انسانة محترمة ومثقفة
وقد راسلتني بغرض الاعتذار وقد قامت بالاعتذار في موضوع خاص هنا

http://www.nilemotors.net/nile/181445-soma_sooma.html (أعتذار منى لكل المنتدى soma_sooma)

تحياتي
كريم منير

أنا مع الراجل ده

يعني الرجالة اللي بيصرفوا و مش لاقيين وقت للقضايا الوطنية ما ينفعوش

فتشتغلو انتو و تقولوا القوامة بالصرف و انت ما بتصرفش عليا

صحيح ..........كتر الكلام بوظ الدنيا


خلاص يا حاج احمد ماتهديش النفوس اكتر من كدة :-)

كريم منير

ربنا يهدينا ويهديهم

المشاركة الأصلية كتبت بواسطة dr-mohamed

ايا كان قصدك حتي لو مكانش قصدك الاهانة لكن الكلام كله اهانة بشكل لا تتخيليه لكل راجل سواء في مصر او في المنتدي بشكل عام
الرجالة لم تمت في 73 ومن يسعي للعمل وتلبية احتياجات زوجته واولاده يكفيه بها قضية
ونبقي نفرح بالرجالة اللى عندهم قضية وزوجاتهم واولادهم مش لاقيين ياكلوا
يعني لو واحد متفرغ للقضية ومراته وعياله بيموتوا من الجوع ولا عايشين عالة على الغير ده يبقي راجل ؟

ومش عايز بقة كل شوية واحدة تدخل تغلط وتقول مش قاصدة اهانة حد

والاخوة والاخوات اللى عملوا موضوعات يقولوا فيها ان الرجالة بقت مستفزة للستات والتاني يقول ان الرجالة منفسنة ليه من الستات يبقي يدخل يشوف مشاركة من عينة المشاركة دي

المشاركة الأصلية كتبت بواسطة ahmed samy

أنا مع الراجل ده

يعني الرجالة اللي بيصرفوا و مش لاقيين وقت للقضايا الوطنية ما ينفعوش

فتشتغلو انتو و تقولوا القوامة بالصرف و انت ما بتصرفش عليا

صحيح ..........كتر الكلام بوظ الدنيا

انا بعتذرلكم عن سوء اختيار كلماتى وانا ابويا راجل و اخويا راجل مش ممكن اهينهم ابدا

وانا اسفة انى قلت كلام اتفهم غلط

واتمنى من مشرف القسم يمسح مشاركتى دى

انا اسفة مرة اخيرة

ومقصدش اهين حد وربنا العالم

خلاص حصل خير ..............

انا قبلت الاعتذار مرة أخيرة برضه و مافيش مشاكل

المشاركة الأصلية كتبت بواسطة SHNORY

الواحد من دول بياخد في اليوم 50 جنيه
تقريبا علي حسب اللي هو شغال معاه
وده اسمه اكل العيش اللي بيذل صاحبه
هما لو كانو لقوا شغلانه تانيه كانو اشتغلوها
ولو كان شغلهم الصبح بيكفي بيوتهم مكانوش اترقصوا بالليل واستحملوا التهزيق من الناس
انا مره شوفت واحد زميلي في الكليه ماسك صاجات في فرح
وانا كنت معزوم
احترمته جدا لانه بيشتغل علي الاقل يجيب مصروفه
جزئيه الحلال والحرام بقي دي حاجه تانيه
لان اصلا حرام اللي بيحصل فينا

بجد يا شنورى هو ده الكلام اللى داخل اقوله

للاسف اكل العيش بقى مر اوىىىىىىىىىىىىىىىىىىىىىىى ىىى