الموضوع: مشكلة فى الجيتا 2008

يا باشا مكان الزيت عند الكوتشة (الصليبة)التى تربطالكوبلن الشمال بااعمود الواصل بين العجلتين الاماميتين

دة الزيت بتاع الفتيس بيبقى فيه كاوتشه صغيرة كدة اسمها اولسيل( oil seal ) كوبلن بتبقى عند صليبه الكوبلن الشمال فعلا نحيه السواق يعنى بتبقى بس متاكله شويه ومابتاثرش كتير على زيت الفتيس عشان بيكون مستواة اعلى من كارتيرة الزيت.. ماتقلقش دى مشكله بسيطه جدا ومالهاش اى ابعاد.. تغييرها بسيط جدا كمان بيفك الكوبلن ويغير الكاوتشه دى وتمنها هاتلاقيه بسيط جدا اظن حتى لو فى التوكيل اخرها هايكون 150 بالكتير جدا وبرة هاتلاقيها اخرها 50 جنيه بالكتير اوى

many thanks ya basha. and do u think if i change this kawtsha the car will be staible and not shaking again

ما شاء الله عليك يا نجم انت عرفت ده كله ازاى :)
بس فعلا هوه ده له علاقة بالاهتزاز اللى حكتلك عليه و لا أغير الكاوتشة دى الاول واشوف ؟

لا دى مالهاش علاقه خالص الاهتزاز دة.. دى بس بتمنع تسرب الزيت من اللى بيعمل ليونه فى حركه صليبه الكوبلن..
انت عندك جنوط عاديه ولا سبور؟؟
ممكن يكون فيه جنط عندك مخبوط.. اتاكد الاول من موضوع الجنوط دة الاربعه وجرب لو مالقيتش حاجه اعمل العجل كروس (يعنى تجيب العجله اللى قدام يمين ورا شمال والعكس) لو الرعشه قلت يبقى فعلا فيه جنط عندك متنى.. هايبان على العموم..
الاحتمال التانى بالنسبه لى ان ممكن تكون صليبه الكوبلن فيها عوجه (بس دة احتمال مستبعد شويه بالنسبه لى عشان العربيه جديدة برضه)
والاحتمال التالت ان ممكن يكون عندك قعدة موتور تعبانه شويه (فيه 3 قواعد للموتور)
بس ربط العفشه الاول ممكن جدا تكون العفشه مهويه شويه ويكون الموضوع فى الاخر بسيط جدا
ربط العفشه الاول وبعدين شيك على الجنوط ماظنش ان المشكله هاتبعد عن دول (وممكن يكون فيه مشكله ابسط من كدة ان يكون فيه حتت رصاص وقعت من الكاوتش بعد ما عملت ترصيص)
انا بس بحاول اساعدك والله اعلم بس دى الحاجات الاساسيه اللى انا هابص عليها الاول..

Thank you for helping me the problem was very simple and i solve it just salipt el koplen needs some shahm and i make it thanks for you all