مشكلة مجننانى فى الجيتا

**man_66666661** · 21-09-2011 11:14 AM

يا جماعة انا معايا جيتا 2009 خليجى وعندى مشكلة وبصراحة مش عارف اعمل ايه بسمع صوت تقه لما بدوس بنزين والصوت ده مش بيظهر الا لما بكون مشغل التكييف ادوس بنزين ممكن تظهر فى اوقات وممكن لا وتظهر ساعات لما برفع رجلى من على الدواسه وهى بترجع نقله ادوس تانى تظهر ومش بتبان لو انا مش مشغل التكييف .
المشكلة التانية العربية تبقى ماشية مثلا على الثالث وتبجى تنقل الرابع احس انها مكتومه يعنى وانا مثبت رجلى على البنزين ومش تفوق الا لو نزلت نقله يعنى من الرابع الى الثالث ومش عارف اعمل ايه .
ممكن اهل الخبرة يفدونى

**man_66666661** · 21-09-2011 03:06 PM

انا جيت فى صحراء ولا ايه

**superb** · 21-09-2011 05:29 PM

الصحرا عدى فيها واحد .. انا ..هههههههه

بص يا باشا .. عاوز اعرف عربيتك جيتا 1400 ولا 1600 العاديه .. و اظن المشكله دى فى نوع البنزين اللى بتحطه و غالبا اللى بتحطه بنزين مغشوش و عليه ميه .. عشان كدا الموتور بيلخبط و مش مظبط مع الأى سى يو فى كميه الحرق .. و غالبا العربيه بتاكل معاك بنزين و استهلاكها عالى .. جرب تضيف اس تى بى على تفويلة بنزين من بنزينه معروفه حلوه شويه و احرق على العربيه فى الفتره اللى بعدها و متحطش بنزين الا بعد متنور و تكون خلاص هتبطل .. و انشاء الله متكونش حاجه وحشه

**man_66666661** · 21-09-2011 06:09 PM

حضرتك هى 1600 وحطيت قبل كده stp اول ما اشتريت العربية بس كلام حضرتك على موضوع الخنقة لكن موضوع التكه مش عارف من ايه

**superb** · 21-09-2011 07:20 PM

ممكن تكون سكة كهرباء نتيجة عدم وجود وقود جيد فى العربيه .. جرب بس دلوقت تعمل دا و ربنا يجيب العواقب سليمه انشاء الله

**elewey** · 22-09-2011 04:42 AM

المشاركة الأصلية كتبت بواسطة man_66666661

حضرتك هى 1600 وحطيت قبل كده stp اول ما اشتريت العربية بس كلام حضرتك على موضوع الخنقة لكن موضوع التكه مش عارف من ايه

موضوع التكه دى فى الغالب حتبقى يا اما قاعدة الفتيس او احدى قواعد الموتور بمعنى اسهل لما بتدوس بنزين يزيد العزم على الموتور و الفتيس فلو القاعدة مش متثبته بتعمل صوت التكه دى