دخله كلية طب ....
عرض للطباعة
دخله كلية طب ....
يا دكتور مش انا اللى حقولك يعنى تعمل اي
ما دام هرمون الذكورة ناقح عليه قوى كده نظبطله هرموناته كل يوم قرصين منع الحمل تدوبهمله فى كوب الشاى حيرجع محمود الجميل بتاع زمان فى خلال اسبوعين
ههههههههه
بهزر معاك اوعى تزعل
نتكلم جد بقى
بص فى حالة اخوك ديه اكيد فى رواسب نفسية عنده مخلياه حاسس انكم كلكمم مستعيلينه فبيحاول يثبت لكم انه راجل
ما دام هو فى ثانوية عامة يبقى خلاص كده بقى راجل ولازم تشيله الطين و تحمله المسئولية من دلوقتى ينزل معاك فى الصيدلية شيفت كامل تطحنه فى الشغل يطلع ينزل نواقص و يجردله كل يوم خمس رفوف و يظبط التواريخ من القريبب للبعيد و يعمل بالتواريخ القريبة ورقة على جنب ليك من الاخر تطحنه فى الشغل و تحسسه انه ذو قيمة و بيطلع انتاج و ان وجوده فى الصيدلية مهم للحفاظ عليها
ثانيا لازم الاسرة تتعامل معاه انه راجل و بيحاول يثبت نفسه و على الاساس يتم التعامل معاه مفيش مشكلة لو راح يجيب اختك لوحده بس تشترطوا عليه يجيبها فى تاكسى عشان بهدلة المواصلات ويدفع التاكسى من جيبه عشان هو راجل و مينفعش اختك تدفع وهو موجود
ثالثا حاول تعلمه السواقه و تتصاحب عليه حتلاقيه بيلين تماما معاك ز نظرته حتتغير ليك من المناطحة الى التبعية
و ربنا يهديه عليكم ده الطبيعى فى سن المراهقة
قرب منه اوى اوى اوى وخده بالراحة واحدة واحدة وفهمه كده مش شطارة واديله امثله ان فلان غلطان وكان زيك
وكلكم فى البيت عاملوه كانه ولا حاجة لو زعق محدش يبصله اصلا
ولو قال مثلا انا هسيب البيت لو بابا مدنيش فلوس
قولوا اوك امشى اتفضل لم لبسك ومشى وهو هيمشى وبعد ساعتين هيرجع تانى
بس حاسب من حاجة بجد حاسب منها يكون بيشرب مخدرات وعاملة عنده الانفعال الزايد ده
اقسم بالله العيال فى ثانوى بيكون معاهم كمية مخدرات كتيييييييييييييييير
ربنا يسترها معانا
أنا فعلا بعامله كأنه راجل
بس ساعات بحس إن الموضوع مش موضوع رجولة...
لااا
ساعات بحس إنه موضوع لفت إنتباه
يعني هوا عاوز يحس إنه موضع إهتمام من كل إلي حواليه
أنا عندي خبرة كبيرة في موضوع المراهقة ده بصفتي كنت مراهق قريب d:
بص يا دكتور أنا شايف إن أخوك زي مانت بتقول بيحاول يلفت الانتباه
اديله الي هوا عايزه ..
- خده في مرة مشوار .. قله المشوار ده صعب أعمله لوحدي ، تعالى معايا
- مرة بالليل قله أنا زهقان وعايز أخرج ، ما تيجي أعزمك على العشاء ، وقله بعد العشاء إن هوا عليه عزومة ليك ، وبكده يبقى فيه كلام بينكوا
- حسسه إنه برنس بس بطريقة غير مباشرة ، يعني حاول تذكر مميزاته قدامه بدون مبالغة
وإن شاء الله الفترة دي تعدي على خير
ربنا يعينك ، الناس قالو كلام كتير مظبوط
عايز أأكد عليك بس انك لازم تصاحبه وتعرفه علي اصحابك وحاول تفتح مواضيع مشتركه بينكم علشان تقرب منه وشاركه في حياتك و في افكارك خليه يفكر معاك علشان يقرب منك أكتر
يعني صاحبه بالأفعال مش بالكلام ، ولو عاوز توصله أي حاجه حاول بقدر الإمكان انها تكون بشكل غير مباشر لأنه مش هيتقبل منك كلام بسهوله
وأكد عليهم في البيت محدش يقعد يقارنه بحد ويقوله مثلا شوف اخوك احمد بيعمل ايه وانت طالع ازاي والحاجات دي بلاش منها خالص ولا تقعد تقوله وانا قدك كنت بصلي الخمس فروض في الجامع بلاش الكلام من النوعيه دي
وزي ما هتخليه يتعرف علي صحابك حاول تخليه يتكلم برضو علي اصحابه ويحكيلك عليهم بشكل غير مباشر علشان تطمن هو ماشي مع مين وبيعملو ايه
موضوع العند بقي كبرو دماغكم منه خالص زي ما والدك عمل يعني مثلا مش عاجبه الأكل خليه جعان ، بيزعق علشان حاجه سيبكم منه ولا كإنه موجود
ابراهيم اخويا انت عارفه طبعا في نفس المرحله دي وساعات بيعمل حركات العند والحاجات دي بس زي ما شوفت انا مصاحبه وكذلك اصحابي وساعات بيخرج معانا وبييجي معايا مقابلات المنتدي والدنيا ماشيه ، ساعات بتكلم معاه في مشاكلي وفي المقابل برضو لما يبقي عنده حاجه بقعد اتكلم معاه فيها
لكن لما بيعند مقولكش يعني ساعات بعديهاله وساعات بسيبه يخبط دماغه في الحيطه ، يعني مره كان معايا في الشغل في طنطا والمفروض هنروح شبين الساعه 2 بالليل ، طلعت العربيه وهو واقف مستنيني وبعدين وقفت بعده بمترين كده بهزار يعني هو قفش اني ارجع اقف قدامه وإلا مش هيركب ، شويه برضو مجاش هددته اني همشي مفيش فايده ..
سيبته وخدت لفه كده ورجعت وقفت في نفس المكان وقلتله والله لو ما ركبت همشي برضو مفيش فايده سيبته ومشيت وخليه هو بقي يدور علي تاكسي يطلع بيه ، وصل بعدي بساعه علي الأقل وطبعا مكانش متخيل اني ممكن اسيبه وامشي وانا كنت قلقان عليه وهو استغل كده وقفل التليفون بس عادي
ازيك يادكتره ...اخبار سعتك ايه ؟
انا ليا راي بس صغير في موضوع اخوك ده و هو ان اكيد اكيد االي هو فيه دا من صحابه اللي يعرفهم و انه بيعملوا نفس الاسلوب دا مع ناس تانيه و بيجيب مع الناس التانيه دي نتيجه كويسه فهو حاسس ان دا الصح فبيطبق الكلام دا معاكوا في البيت علي امل انه ينفع
الاصحاب هما الطريق الوحيد للسلوك دا و عموما لو كلامي دا صح حاول تبعده عنهم لان اخرته مش هاتبقي كويسه لو فضل كده في حياته هايتعب اوي اوي
حاول تصاحبه قبا ماتكون اخوه حاول تاخده معاك في اي مشواير حاول ماتدلوش الفرصه انه يقعد معاهم كتير خاليك عامل زي خياله و وقفه معاك في الصيدليه او الخمه في اي تدريب اي رياضه هو بيحبها حتي لو كان تدريب صغير بس حاول تملي الوقت دا بيحث انه مايقعدش مع صحابه دول لان الاصحاب في السن دا بيقي تاثيرهم قوي علي بعض الموضوع هياخد وقت و جهود منك معلش بس دا اخوك لازم تتعب معاه و موضوع الزعيق دا حاول تفهمه ان الزعيق مش هايمشي كل حاجه وواحده واحده معاه و ربنا يعيينك ياكبير
انت متأكد ان دة تفكير محمود منه لنفسة يعنى مش بيقعد مع حبة عيال سو بيفضلواا يتكلمواا فى الحاجات دى وانك لازم تجعر وتزعق وتعمل عشان تبئى راجل والكلام الاهبل دة ,,, دور فى الحتة دى ,,,
واضح ان ال hormonal changes شكلها overwhelming أوي عليه
و غالبا ال testosterone في السما .....