ربنا معاك
مش هعرف اقول اى نصايح
لان اخويا
البلوه الصغيره اللى عندى
عنده 15 سنه
ونفس الجاااااااااااااااااااعور ه!
عرض للطباعة
ربنا معاك
مش هعرف اقول اى نصايح
لان اخويا
البلوه الصغيره اللى عندى
عنده 15 سنه
ونفس الجاااااااااااااااااااعور ه!
والله يابوحميد ابن خالي زي محمود كدة
بس اكبر منة بسنة عمال يجعر ليل ونهاار
بيشرب سجاير قدام اي حد ويفرد نفسة بيها كدة
بقلة يابني احترم الناس الكبيرة يقلي هما ليهم حاجة عندي
ووالدتة طبعا متعرفش طبعا كل يوم يخش ريحة سجااير
قام قايلها اة بشرب سجااير علشان ترتاحي بقي
فدة نرحلة وهاتروح لحالها
بس انت حاول بقدر الامكان تنزلة معاك الصيدلية وخلية يروح المخازن يجيب منها ادوية هايحس انك بتعتمد علية
وربنا يصلح حالة يارب
خليه يشرب بريل:rfds:
فين الاب الى يخوف وبصتة بس توقف القلب د محتاج عنف مش محتاج حنية لان الى بيعملوا دة اكبر غلط
بالظبط ديه الفكرة اللى كنت عايز اقولها
الطفل او المراهق بيبقى عايز يبقى مصدر اهتمام
او يعمل حاجات و تصرفات تثير الاخرين وتلفت نظرهم
بمعنى لو هو فالبيت بيعلى صوته وعايز حاجة معينة اعمل كانك مش سامعه
و مش كل مايعلى صوته تقولو ماتعليش صوتك او تعترض لان هوا عايز كده
انا من رايى انك سورى يعنى تتجاهله لما يغلط
بس فنفس الوقت تكون مراقبه من بعيد
علشان المشكلة العامة دلوقتى ان الحشيش وصل للعيال بتوع اعدادى فمابالك بانتشاره بين طلبة الثانوية العامة
و دايما ركز فاصحابة او اى حد بيمشى معاه شوفه هل صاحبه ده صاحى كده و انسان طبيعى
و لا دماغه معليها
بس عالعموم متقلقش هيا فترة و هتعدى بمجرد مايدخل الكلية
بيسطة يا ابو حميد ركب له شكمان
ايه يا عم غازي انت بتصبر فارما ولا بتجامله
سن ايه اللى متقارب محمود بينه وبين احمد مش اقل من 10 سنين وتقولي متقارب ده فارما خلاص قربت صلاحيته تنتهي واخوه لسة خارج من خط الانتاج بتاع المراهقين ولسة متحطش في العلبة كمان
بص يا احمد بجد اخوك مزودها بس على فكرة مش هو لوحده انا لاحظت الموضوع ده كتير في ولاد زمايلي الاكبر مني سنا ومقاما طبعا ربنا يكرم الجميع
الشباب المراهقين دلوقت حاجة غير طبيعية وكلهم من العينة اللى بتقول عليها الا من رحم ربي
والموضوع موضوع مراهقة مش اكتر بدليل انه لما والدك رفض يديه الفلوس عاند وراح اشتغل عايز يقول لنفسه ويقولكم انا بقيت راجل بس هو وصحابه بيفهموا بعض ان الرجولة ان صوتك يعلي وتغصب اللى حواليك انهم يعملوا لك اللى انت عايزه وبس
حله تكسر له مناخيره من غير الضرب اللى انت عملته يعني لما شتم البنت اللى معاك في الصيدلية انت غلطت انك ضربته حله كان اتهزأ وانطرد ومتجيش هنا تاني
حله دلوقت تجنبه تماما واهماله وكانه مش موجود علشان يعرف ان غلطه هيخسره كتير
بس في نفس الوقت اياك ثم اياك عينك تغفل عنه نهائي لازم تبقي عينك عليه في كل وقت علشان ميروحش سكة اللى يروح ميرجعش
أخي الكريم د.أحمد
أسأل الله العلي القدير أن يعينك على هذه المشكلة وأن يحفظ أخاك وسائر شباب المسلمين من طغيان وشراسة المراهقة وسلبيات الطاقة المهدرة...إنه ولي ذلك والقادر عليه.
إنه مما يدعو للأسى والحزن مشاهدة هذه الطاقات المهدرة وعدم إكتراث الجهات المعنية على المستوى الإجتماعي والدولي لتوجيه هذه الطاقات بما يعود بالنفع والخير على النفس والمجتمع والأمة خاصة في ظل الإنفتاح الإعلامي و مايغذى به شبابنا من فساد ومفاهيم مغلوطة وصور غير واقعية للمجتمع مما يورث عند الشباب و خاصة المراهقين حالة من إنعدام الوزن وفقدان الثقة مابين العالم التخيلي والتصوري الذي يفرض عليه ويغذى به أمام شاشات الفضائيات و بين الإصطدام بأرض الواقع المرير الذي يكون فيه هو البطل الحقيقي ولكن بدون إمكانيات وتفوق العالم الخيالي.
ومن هنا تحدث الفجوة والشرخ في جدار تكوين الشخصية فتتجه النفس بدون وعي إلى محاولة تعويض و معالجة هذه الفجوة فيكون التعبير العشوائي بإرتفاع الصوت و إستغلال كل المناسبات الممكنة لإثبات البطولة والرجولة بشتى الطرق. وهنا يكمن الخطر فإذا لم يتم التنفيث عن هذا الكبت بطريقة واعية وصحيحة ينقلب الأمر إلى طاقة مدمرة تهلك صاحبها أول من تهلك قبل الأخرين.
وحتى لا أطيل عليك...أود أن أضيف بعض الأفكار إلى ما تفضل به الإخوة الكرام ويمكن تلخيصها كالأتي:
إستغلال وإستخراج الطاقة الجسدية:
إن كانت الظروف متوفرة, يمكن أن يشترك أخوك في صالة جمنزيوم ولكن يلزم الجدية وأن يداوم على الذهاب بصفة منتظمةويفضل في صالة تعرف مدربها أو لك أحد الأصدقاء المخلصين حتى ينتبه إليه وتطلب منه بالحرف أن يهلكه في التدريب وإن أمكن أن تذهب معه أو على الأقل تشاركه في التريض أو الجري في الصباح الباكر.
بهذه الطريقة نستهلك التيستوستيرون المتأجج بصورة إيجابية.
على المستوى العملي:
إذا أمكن أن تجد له وظيفة ولكن بدون تحدي أو عناد أي لا تنتظر حتى يحدث عراك أخر فيقال له إذهب وتكفل بنفسك مادمت راجل فكما حدث من قبل سيعمل ليوم أو يومين ثم يتوقف لأنه حينها كان يعمل لمجرد العند معكم فلم يعمل بنفس راضية. هذه المرة نريده أن يعمل وهو متطلع إلى العمل بتشجيعه وترسيخ فكرة ومبدأ الرجولة في العمل وكسب قوت يومه وتذوق حلاوة أن يشتري إحتياجاته الخاصة من ماله الخاص. مع إستمرار مصروفه الشخصي من والدك حتى لا يظن أن عمله هو عقاب له.
على المستوى العاطفي:
وهنا يأتي دور الأسرة كلها ليس أنت وحدك ولكن دورك هو الأهم لأنك أنت الذي ستدير المعركة. عليك أخي الكريم بالإتفاق مع والدك ووالدتك وأختك على أحاطته وتطويقه بجو من الحب والإهتمام ولكن بحذر. يجب أن تشبعوا بداخله هذه المشاعر بالرجولة بدون تهكم أو الإستهزاء به. مثلا: يمكن أن يطلب منه والدك أو والدتك المساعدة أو المشورة في أي أمر وإشعاره بأهمية رأيه والدور الذي قام به في هذا الأمر. حاول أن تجعل والدك يزيد من مساحة الحوار معه والإستماع إليه في الدين والسياسة والرياضة.
من ناحية أخرى عليك أخي الكريم أن تصادقه عن قرب وعليك أن تشعره أن رأيه يهمك. حدثه عن مشاكل الشغل واسأله رأيه وإن لم تعمل به.أتفق معه أن تذهبا للصلاة معا حتى وإن كانت صلاة الجمعة واظهر أنه أمر مهم. حدثه عن فضل والديك وكم تحملا من أجلكم وكم تود أن تعوضهم في حياتهم حتى ترسخ بداخله حب وإحترام والديه.
إعرض عليه أن تقوما بمساعدة والدتكما في شئون المنزل ولو مرة واحدة ثم اجعل والدتك تثني عليه وتشعره أنه قد أدخل السرور على قلبها فالنفس البشرية تتوق دائما للثناء عليها وتذبل إذا إنتقدت.
أخي الكريم الأمثلة لا حصر لها وسأترك العنان لخيالك ولكن خلاصة القول أنه عليك أولا بإستنفاذ طاقاته بصور إيجابية ثم إشباع رغبته بالشعور برجولته بطرق عملية ثم إحتوائه عاطفيا...
واستعن بالله ولا تعجز...
وفقك الله وأعانك الله وحفظ أخاك وسائر شباب المسلمين من كل شر وسوء.
والسلام عليكم ورحمة الله وبركاته
بص هو محتاج دلوقتى يحس انه كبر وبقا فى وضع مختلف عن الاول ونظرات الناس ليه بقت بمنظور جديد انه راجل
الاحساس ده مش هيتشبع عنده الا بتحمل المسؤولية , لو عندك شغل تقيل فى الصيدلية او طلبات بتجيبها من بعيد او اى حاجة تعتبر نوعا ما مسؤولية وانت شايفه يقدر يقوم بيها وكلها له
لو لقا نفسه انه بقا عامل مؤثر فى اى حاجة الاحساس ده هيتشبع عنده , هو لما راح اشتغل مع ناس غريبة الاهانة اللى شافها فى الشغل كانت ضد ارضاء نفسه فبالتالى الموضوع مجابش معاه نتيجة وقعد من الشغل لكن الشغل معاك او مع السيد الوالد هيبقى شغل بيتسمع الإطراء عليه فى البيت وفى وسط الاقارب وفى المحيط اللى محتاج يثبت فيه نفسه بشكل عام
ارجوك اوعى تتجاهله وتقول هو عايز يلفت النظر , لو ملقاش الاهتمام ده فى البيت هيدور عليه مع اصحابه وصدقنى انت ابدا مش عايزه يروح فى السكة دى
بجانب موضوع الشغل حاول انت تتكلم معاه زى اصحابك , مواضيع رجاله مكنتش بتتكلم معاه فيها
انا عارف ان الموضوع قد يكون مش مبلوع بالنسبه لك بس هو بمزاجنا او غصب عننا هو بقا راجل وبيتكلم فيها , كدا هيحس ان اللى حواليه حاسين بالمرحله اللى وصلها وهيبدأ يتصرف بقا عادى
بس خلى بالك مترفعش حاجز الاحترام والخوف منك ابدا فى المناقشات دى يعنى خليك وسط ولا مفيش خالص ولا تفتحهاله بحرى
وربنا يعينك