الموضوع: أزمة مراهقة.........مفيش حل؟؟

الحمد لله ان عنده اخوه و هو انت يا احمد و اللي مفروض انك تقرب منه
و تبقى صاحبه, لان كمان السن متقارب و اكيد هتفهمه و تحس بيه لان كلنا
عدينا على المرحله دي بمختلف الطرق و المفاهيم...

لازم تفهم انه هيعقل هيعقل مهما وقت المراهقه طال... لكن الفكره انه يعقل صح

يعني انت اللي لازم تقومه, و تفهمه ان الرجوله مش كده و مش صوت عالي
و زعييق, او انه ينزل لوحده و يتصرف لوحده و من دماغه... لأ

بس الموضوع محتاج صبر و زن للاسف في نفس الوقت, يعني هتلاقي
نقسك بتكرر الكلام كتييييير, و اللي تعيده تزيده, بس اصبر عليه و ماتسيبوش
و حاول تكون قريب قوي, لانك لو غفلت عنه ممكن يقابل صاحب سوء
يضيع كل حاجه في لحظه واحده بس... و دول كتيييير يا احمد

شويه هتفهمه بالهدوء, و شويه هتلاقي نفسك بتنفعل, لكن حاول تسيطر
على انفعالك, و هو ان شاء الله هيبدأ يفهم و يعقل من تجاربه في الحياه و نصايحك

سيبه يغلط علشان يتعلم, لكن لازم تفهم انت بتسيبه يغلط في ايه..؟؟؟ خاللي بالك
مش اي حاجه تسيبه يغلط فيها و عادي, سيبه يغلط في اللي يتعلم منه, و فرمله تماماً
لما يهوب بس ناحية الغلط الغير مقبول او فيه خطر عليه او اللي يأثر في مستقبله...

تفهمك لحالته, و طريقة و اسلوب معاملته جزء كبيييير جدااا من الحل
و الخروج بسلام من المرحله دي, و ان شاء الله يعقل و يفتكر الايام دي و يضحك
زي ما كلنا عملنا, و بردو افتكرنا و ضحكنا...

ربنا يهديهولك, و يخرج من مرحلو المراهقه دي على خير و يعقل
و يكون سند ليك و لاسرتك ان شاء الله...

دا اوفر جدا

بس اعتقد دا ملوش دعوة بال testosterone

الحالة دي تقريبا بتبقي اسمها مخايل رجولة زي ما تلاقي طفل في البيت وماشاء الله بيساعد في كل حاجة وتحس انه حابب يشيل مسؤولية ويدي من مصروفه لأخواته والحالة بتاعت الطفل دي تسمي مخايل ابوة....علاج اخوك انك تشيله هموم الدنيا والحاجة اللى بيهدد بيها خليه يعملها لغاية ما يتعب يعني مثلا لما هدد انه هيخرج يشتغل ويجيب لبس خلوه يعمل كده وشوف النتيجة ايه هيرجع لأبوه تاني ويعرف انه غلط وحاول تشيله مسؤوليات كتير...او تعمل فيه مقالب تكسره شويه.
انا معرفش انا مابعملش زيه ليه مع اني تقريبا نفس السن.

المشاركة الأصلية كتبت بواسطة a7med_pharma

بجد ياأم محمد ..الموضوع بقا بايخ
يصحى من النوم ...عاااااااااااااوز أكل..فين الفطار(بالجعورة طبعا)
جاي خارج...فين الشرااااااااااااااااااااا اااااااااب..(بالجعورة طبعا)
لو ماما عاملة أكل مش عاجبه...يرمي الأكل على الأرض

وساعات بتسرح منه على الأخر
جه مرة الصيدلية ..وبيزعق للبنت إلي في الصيدلية ويشتمها مش فاكر علشان إيه..البنت عندها 26 سنة
فزعقتله قدامها ..وصالحت البنت
راح مهبول وقال..دي شغالة عندنا ..وأشتمها براحتي..وشتمني أنا كمان
أو حاجة بنفس المعنى ده..مش فاكر كلامه بالظبط
يومها طبعا..مسحت بيه بلاط الصيدلية...وفضلت أضرب فيه لحد لما ورم

.......................
والله ياغازي ياأخويا ..حاولت معاه كتير
وهرمون الذكورة عنده مهايبر أوي...يعني مابيسمعش كلام حد

حصلت مرة قال لبابا ..عاوز فلوس أجيب لبس
بابا قاله بكره أروح البنك ..وأجيبلك فلوس
يقول:"لا..عاوز دلوقتي..دلوقتي
بابا قاله بكره يامحمود
محمود تنح..وقال:والله العظيم إن ما أخدت فلوس اللبس دلوقتي..هخرج أشتغل وأجيب لنفسي لبس
بابا حلف عليه مش هيديله فلوس يجيب لبس

اللي انت بتحكيه ده يا احمد بصراحه بزياده قوي... و كده ماتسكتلوش بجد

يعني ايه يرمي نعمة ربنا على الارض؟؟؟ يعني ايه اصلا اكل مابيحبوش؟؟؟ ما بقتنعش بالموضوع ده

يعني ايه والدك يقوله بكره, مايقولش ( حاضر )..؟؟؟ و والدك عمل الصح

يعني ايه يهزق انسانه لمجرد انه مقتنع بفكرة انها (يتشتغل عنده)..؟؟ ديننا مابيقولش كده

يعني ايه يشتم اخوه الكبير, سواء قصاد الناس او بينك و بينه حتى..؟؟؟

ده كده تفكيره غلط تماماً و لازم سلوكه بتقوم و بسرعه, لان ده مايتسكتش عليه...

لكن بردو ماتبعدش عنه, و ماتسيبوش يغيب عن عنيك و تعرف بيروح فين و مع مين...؟؟

خاللي بالك قوي يا احمد لانه كده بيبدأ مرحلة العصيان و الرفض لكل شئ, و ده معناه انه عايز
بديل لكل ده, و الخوف ان البديل يكون اسوأ من المتوقع, او يتلم على حد يضيعه زي ما قلتلك

انا رأي ان الشباب اللي بالشكل ده علاجهم ( الشغل )... لما يتطحن في الشغل و يجيب مصروفه
من شغله هيعرف قيمة القرش, و البيت, و المسؤليه, و ان كل اللي كان بيعمله ده شغل عيال مش رجاله كبار

خليه يشتغل يا احمد اي حاجه مفيده بس بعيد عن شغلك او شغل قرايبك, و يبدأ يتعامل مع الناس
و مع مدير و رئيس حقيقي ليه, و يجرب يقوله لأ.. او يزعق في وشه زي ما بيعمل معاكوا..
و يشوف اللي هيتعمل فيه... هو مش هيقبل في الاول, و هيسيب الشغل, بس لما يلاقي انه
لازم يشتغل علشان ماعهوش مصروف ايده, هينزل و هيغير من اسلوبه و هيتعلم الصح, لكن بدرو
انت لازم تبقى جنبه, و تنصحه و بكل الاشكال اللي انت شايفها تنفع معاه, و انت ادرى باخوك..

حاول تخليه يقرب من ربنا, و يقرأ قرآن كتييير, او حتى يسمعه علشان يتعظ و ربنا يهديه...

ربنا يهديهولك بجد, و ربنا يكون في عونك و معاك لانها مسؤليه كبيره عليك...