صندوق تكافل الظباط :@:@ تيت يا ولاد التييت

**mody_halawa** · 18-09-2010 01:45 AM

المشاركة الأصلية كتبت بواسطة i_am_legend

انا بكره الظباط_اكتر حاجة بكرهها فى حياتى_ربنا يخدهم ويبليهم_المرتشيين النصابين_انا مستحيل اناسب واحدة ابوها ولا أخوها ولا أى حد فى قرايبها يكون ظابط_او ليه علاقة بالشرطة او الجيش_بكرههم جداااا_قال صندوق قال_منك لله يا بلد_يا مبهدلانا.
وسايبة كل واحد يشترى ويبيع فينا بدون حساب_انا بتنك عليهم جدا وبكلمهم بقرف_ومرة واحدمنهم وقفنى_ والعربية مافيهاش غلطة ورخصة سنتين_قالى انت بتتكلم كدة ليه معايا_قولتلة لازم اقولك ياباشا_مابعرفش اقولها_قالى انا ظابط_قولتلة دخلت شرطة بخمسين %ورشوة.قولتلة كلنا زى بعض كلها مهن_بتخدم الناس_قلتلة انا مهندس كمبيوتر_يبقى طز فيا.بس كنت بكلمة وانا محروق دمى لانى مش بطيقهم_ومش بعرف اسكت_ولينا واحد جارنا ظابط_ولا بكلمة ولا بسلم عليه اصلا_وكل الناس بتكرهوا_ يسلموا عليه وبعد ما بيمشى _بيتشتم احلى شتيمة فى العالم_

معلش بس حاسس ان حضرتك مزودها كتيير
مش كل الظباط كدة .. فى ظباط ولاد ناس وناس محترمه جدا

**i_Am_Legend** · 18-09-2010 02:06 AM

لأ يا مودى_ماحدش فيهم محترم_جرب تيجى تحت ايدة_ومش هايرحمك.

**A7MED_PHARMA** · 18-09-2010 02:17 AM

المشاركة الأصلية كتبت بواسطة dr ahmed

صندوق تكافل إيه؟
ينعل ...........@##$@#$$$#%^^&^

+11111111111111111
والله ياداكترة السرقة بتاعتهم عيني عينك كده

يعني مثلا لما نقلت العربية من مرور الغربية ..لمرور الشرقية
المفروض إني أخد اللوحات أكتبها..ويتدق عليها رقمها من العامل بتاع المرور
روحت إشتريت بوهية وفرشة ..وكتبتهم بإيدي
روحت أختمها بختم المرور
الظابط قالي :فين الوصل
قولتله: وصل إيه سعتك
قالي:وصل كتابة اللوحات
قولتله:ماهي مكتوبة أهه
قالي:لا ..إطلع هات وصل كتابة لوحات من محمد إلي واقف بره
(محمد ده خطاط ..خطه زفت الزفت..واقف بره المرور بيكتب اللوحة الواحدة بــ 15 جنيه..إستغلال يعني)
وإلي عرفته
إنهم بيقسموا مع محمد ده..كلهم
من أول المأمور ..لأحد أصغر موظف

وسبوبة وماشية

وحسبي الله ونعم الوكيل

**i_Am_Legend** · 18-09-2010 02:40 AM

ياريت كندا_خدونى معاكم_لانى جالى شلل اطفال_لأن حاسس ان مافيش فايدة.

**hamann** · 18-09-2010 03:24 AM

السلام عليكم و رحمة الله و بركاته

أنا و الله العظيم ناوى و النية لله, أنى لما ربنا يكرمنى و يتم المراد من رب العباد و آخد الجنسية الكندية و أبقى مواطن كندى صالح و دافع للضرائب ( مش عارف ايه لازمة الموضوع ده, بس هما دايما بيقولوا كده ), هنزل أدور على أى حد منهم فى الشارع و أخلق معاه مشكلة من الهوا و يا سلاااااااااااااااااام , لو اقابل حد فيهم هنا و يكون مفكر نفسه بقه فى مصر, هخلى أسفلت الشوارع يشتكى منه, ولا بلاش لحسن الأسفلت يتوسخ .

واحد صاحبى , مصرى هوه, كان زيى كده برضه و مش طايقهم, بس هو ربنا كرمه و أخد الجنسية الكندية, كان مطلع رخصة سواقة كندية , عادى يعنى و قبل ماينزل مصر أجازة , قام مطلع رخصة دولى من هناك , عادى برضه , كان سايق عربيته الشاهين هنا فى المنصورة , جه عند كمين كده أحيانا بيعملوه جمب حته عندنا, اسمها موقف التلاجة و طبعا لأنه راكب شاهين و رابط الحزام و شكله من طبقة الشعب المكافحة, فهو مادخ خام للتسلية من الظباط و العساكر اللى فى اللجنة, المهم الراجل و مش فاكر كان ظابط ولا عسكرى, بيقوله الرخص؟؟؟ , قام مطلعله رخصة العربية عادى و الرخصة الدولية اللى كلها بالانجليزى , قاله ايه ده - الظابط كان فكره بيتنطط عليه عشان الرخصة الدوليه اللى كان مطلعها من كندا - قاله بقرف: ايه اللى ايه؟؟؟؟ , الرخصة !!!!!!!

قام الظابط قاله, معاك بطاقة, قاله ماعييش بطاقة, لسه الظابط هيتكلم, قام صاحبى قاله معايى الجواز, ينفع؟؟؟؟؟؟

الظابط غبى بقه, مش يفهم أن صاحبى ده أدام قاله معييش البطاقة و معاى الجواز, يبقى فيه انننننننننننننه, الظابط قاله , آه ينفع, قام صاحبى قاله , أهوه, و قام نفحه الجواز الكندى, الظابط وشه جاب ألوااااااااااان و قاله, ماشى , بالسلامة يا باشا .

شكرا و آسف للاطالة

أه على فكرة يا جماعة , اللى منكم جاد فى موضوع كندا , هتلاقوا ال Guide ده فيه كل حاجة, اقروه بس بتأنى و هتلاقوه وافى و شافى جدا ان شاء الله و ربنا يوفقكم و يكرمكم و تكتوا بره بقه .

http://www.cic.gc.ca/english/pdf/kits/guides/EG7.pdf

HAMANN

**yahiahelaly** · 18-09-2010 03:36 AM

للاسف الملف bdf ومش هعرف افتحه الوقتي مفيش مه txt ع الوورد ولا حاجة

**hamann** · 18-09-2010 03:46 AM

المشاركة الأصلية كتبت بواسطة yahiahelaly

للاسف الملف bdf ومش هعرف افتحه الوقتي مفيش مه txt ع الوورد ولا حاجة

السلام عليكم و رحمة الله و بركاته

أنا هبعتلك اللينك بتاع الموقع الرسمى نفسه أهوه :

http://www.cic.gc.ca/english/index.asp

و ده كمان اللينك بتاع بداية الصفحة اللى فيها كل حاجة :

http://www.cic.gc.ca/english/information/applications/skilled.asp

HAMANN

**Magdyahassan** · 18-09-2010 06:49 AM

امشى عدل يحتارعدوك فيك

**magyver** · 18-09-2010 07:17 AM

دة مين اساسا الظابط الرخم ابن التييت دة اللي دخلك فحص
علشان مفيم البابين اللي قداام دة رزل جداااا علي فكرة
كانوا يشيلوا ويدفعك مخالفة وخلاص
عالم تييييييييييت والله
اكتر ناس بكرهم في حياااتي بتوع المرووووور

-

الموضوع: صندوق تكافل الظباط :@:@ تيت يا ولاد التييت

LinkBack

أدوات الموضوع

عرض

-

-

-

-

-

-

-

المواضيع المتشابهه

صندوق تكافل قطع غيار بروتون

عاوزين حل لبتوع الموتسيكلات ولاد التييت؟

مشروع تكافل داخل المنتدى

اهو جه يا ولاد اهو جه يا ولاد(iphone 5)

الكلمات الدلالية لهذا الموضوع

المفضلات

المفضلات

ضوابط المشاركة