بص شوف الاهرام بيفبرك الصور إزاي

**factorialx** · 19-09-2010 08:43 AM

ههههههههههههههههههههههههه هههههههه

المقوله الشهيره في مصر " هو إنت فاكرني هندي "

**ghazy12** · 19-09-2010 09:10 AM

المشاركة الأصلية كتبت بواسطة factorialx

ههههههههههههههههههههههههه هههههههه

المقوله الشهيره في مصر " هو إنت فاكرني هندي "

ههههههههههههههههههههههههه ههههههه... الصوره بتاعة ولا يهمك يا ريس موتتني من الضحك..

والله العظيم اسامه سرايا ده عار على مهنة الصحافه, و انسان منافق و رفضه الاعتذار دي لوحدها
كارثه كبيره لانه فعلا بيستخف بعقولنا و فضحنا قصاد العالم و هزقنا و لازم يكون في وقفه بجد مع الاشكال دي...

انا شايف ان الحل هو مقاطعة جريدة الاهرام تماماً, لحد ما تنزل اعتذار رسمي للشعب المصري
بالبنط العريض في الصفحه الاولى... و لازم ادارة الجرنال بالكامل تتغير لو فعلا مقدرين تاريخه
العريق و الكبير... و لما يخسر المعلنين اللي بيعلنوا عنده بملايين, و يخسر طبعات كل يوم مش بتتباع,
هيفهم انه غلط في حق كل مصري, و مبرراته المتخلفه و تكبره و عدم اعتذاره هما اللي هيخسروه كتييير...

**mfarag** · 19-09-2010 10:14 AM

المشاركة الأصلية كتبت بواسطة ghazy12

انا شايف ان الحل هو مقاطعة جريدة الاهرام تماماً, لحد ما تنزل اعتذار رسمي للشعب المصري
بالبنط العريض في الصفحه الاولى... و لازم ادارة الجرنال بالكامل تتغير لو فعلا مقدرين تاريخه
العريق و الكبير... و لما يخسر المعلنين اللي بيعلنوا عنده بملايين, و يخسر طبعات كل يوم مش بتتباع,
هيفهم انه غلط في حق كل مصري, و مبرراته المتخلفه و تكبره و عدم اعتذاره هما اللي هيخسروه كتييير...

هو فية حد لسة بيشترى الصحف الصفراء دية

اما حكاية انة هيفرق معاة ان الناس متشتريش- فالصحف دى توزيعها فى النازل من كتر النفاق و الكدب

بس مش مهم

المهم انوا مرضى علية والسبوبة ماشية

و الناس ( اللى بتدفع الضرايب ) تدفع ملايين عشان كل العزب دى

و كل دة من اجلك انت

**ghazy12** · 19-09-2010 10:34 AM

المشاركة الأصلية كتبت بواسطة mfarag

هو فية حد لسة بيشترى الصحف الصفراء دية

اما حكاية انة هيفرق معاة ان الناس متشتريش- فالصحف دى توزيعها فى النازل من كتر النفاق و الكدب

بس مش مهم

المهم انوا مرضى علية والسبوبة ماشية

و الناس ( اللى بتدفع الضرايب ) تدفع ملايين عشان كل العزب دى

و كل دة من اجلك انت

صدقني لحد اللحظه دي لسه في ناس بتشتري الاخبار و الاهرام يومياً, و كتير على فكره...

و اكبر دليل على كلامي, شوف كم المعلنين كل يوم (خصوصاً الجمعه) في الجرايد دي..!!!!! بالهبل

انا شخصيا مش بقرأ غير المصري اليوم فقط, و عامل اشتراك معاهم و الجرنال بيجيلي كل يوم..
و كنت بجيب الاهرام كل جمعه, و الاخبار كل سبت علشان عدد السيارات بس والله...

لكن انا فعلا مش هجيب الاهرام تاني, و اي حد اعرفه هقوله مايشتريش الجرنال الفاشل ده خالص...

و انا اصلا من زمااااااااان بكره اسامه سرايا و ممتاز القط.... شوية *&^$#

**Hussein_Emara** · 19-09-2010 11:37 AM

المشاركة الأصلية كتبت بواسطة ghazy12

صدقني لحد اللحظه دي لسه في ناس بتشتري الاخبار و الاهرام يومياً, و كتير على فكره...

و اكبر دليل على كلامي, شوف كم المعلنين كل يوم (خصوصاً الجمعه) في الجرايد دي..!!!!! بالهبل

انا شخصيا مش بقرأ غير المصري اليوم فقط, و عامل اشتراك معاهم و الجرنال بيجيلي كل يوم..
و كنت بجيب الاهرام كل جمعه, و الاخبار كل سبت علشان عدد السيارات بس والله...

لكن انا فعلا مش هجيب الاهرام تاني, و اي حد اعرفه هقوله مايشتريش الجرنال الفاشل ده خالص...

و انا اصلا من زمااااااااان بكره اسامه سرايا و ممتاز القط.... شوية *&^$# :i_angr1[1]:

الناس اللي بتشتري الاهرام بتشتريه لسببين
1- صفحة الوفيات
2- بحكم العادة

في ناس متعرفش تبتدي اليوم من غير ما تقرى الاهرام, مش عشان تعرف الاخبار ( هم خلاص فقدوا مصداقيتهم من زمان) لكن عشان الكتاب اللي لسه بتكتب هناك

لكن الاخبار و الجمهورية دول انا مشفتهمش مثلا من 10 سنين

**ghazy12** · 19-09-2010 04:11 PM

المشاركة الأصلية كتبت بواسطة ahmed nouh

أصدمك :)

الاخبار والاهرام مفيهاش ارقام رسمية للمبيعات تروح للمعلنين علشان يعرفوا مين بيشترى ولا حتى حد بيهتم بالارقام دى

ده حتى المجلات الصغيرة نفس الكلام

الاعلان على اسم الجهة المعلن عندها من باب الفشخرة وسد الخانة , بمعنى ان الناس دى لو مباعتش نسخة توحد ربنا برده عندهم اعلانات

كلها علاقات مش اكتر

ازاي يا احمد الكلام ده..؟؟!!!!

انا كنت اعرف ناس شغالين في الاهرام, و كانوا بيقولولي اسعار الاعلانات في الاهرام كام..!!

اعلان قد كف ايدك مش اقل من 200-250 ألف جنيه...!!!!! تقريباً ألوان

و مثلا ازاي موبينيل و فودافون و اتصالات مش بتدفع..!!! و الجرنال بيجيب مرتبات منين؟؟

صعب قوي الكلام ده يا احمد... ده على كده كان اتخرب بيتهم, و سرحوا كل الصحفيين من زمان

دخل القنوات و الجرايد و المجلات معتمد بشكل اساسي على الاعلانات, من غيرها بيوتهم تتخرب

**Ahmed Nouh** · 19-09-2010 04:23 PM

المشاركة الأصلية كتبت بواسطة ghazy12

ازاي يا احمد الكلام ده..؟؟!!!!

انا كنت اعرف ناس شغالين في الاهرام, و كانوا بيقولولي اسعار الاعلانات في الاهرام كام..!!

اعلان قد كف ايدك مش اقل من 200-250 ألف جنيه...!!!!! تقريباً ألوان

و مثلا ازاي موبينيل و فودافون و اتصالات مش بتدفع..!!! و الجرنال بيجيب مرتبات منين؟؟

صعب قوي الكلام ده يا احمد... ده على كده كان اتخرب بيتهم, و سرحوا كل الصحفيين من زمان

دخل القنوات و الجرايد و المجلات معتمد بشكل اساسي على الاعلانات, من غيرها بيوتهم تتخرب

انت مفهمتش قصدى , فعلا اى جرنال او مجلة فى مصر كل دخلها من الاعلانات

ده كمان اى جرنال او مجله بتبيع الطبعة خسرانة وكتير كمان وبتعوض خسارتها من الاعلانات لأن اسعار الطباعة غالية والعدد بتاع المجلة الشهرية مثلا بيتكلف 10 جنيه طباعة فى حين انه بيتباع ب 7 ولا ب 5

اللى انا اقصده بقا ان حجم المبيعات بتاع الجرايد دى فعليا محدش يعرفه ولا حتى الجرنال نفسه , اى جرنال او مجله لما بتروح تعمل عنده اعلان بيقولك هو بيطبع كام نسخة لكن محدش يعرف بيبيع كام نسخة

علشان حكاية انه يعرف باع كام نسخة دى محتاجة شركة بموظفين بس تقولك كل طبعة اتباع منها ايه ورجع منها ايه واتوزع منها مجانا ايه , يعنى لو الجرنال مباعش ولا عدد المعلن مش هيعرف فبالتالى الاعلانات بتبقى كلها على الصيت والعلاقات مش اكتر مش حسب دراسة للمبيعات والكلام ده

ده اللى اقصده

**nouranwar** · 19-09-2010 09:31 AM

[QUOTE=factorialx;3873050037]ههههههههههههههههههههههههه هههههههه

ماهي خربانة خربانة ولا يهمك يا ريس
ههههههههههههههههههههههه
تحفة بجد :)

**dr_asaos** · 19-09-2010 04:56 PM

المشاركة الأصلية كتبت بواسطة factorialx

ههههههههههههههههههههههههه هههههههه

هوه ده ابلغ رد الحقيقة

....
بجد اللى عملته الاهرام ده احراج للريس موش حتى لمصلحته فى نفاق بيبقى خبيث انما دى هرتلة والله فضيحة فى العالم كله ويقولك سرايا ان فى طابور خامس...طابور ايه يا عم انته هتتفلسف انا والله لو من الرياسة اطيره وكفاية فضايح ونظام المشى بمقولة"موتوا عشان معلمكم يعيش!!"