الموضوع: عايز اخد كورس تعليمي لميكانيكة السيارات, حد يعرف في منه هنا؟

أنا كنت عايز اخد كورس زي ماتقولو ميكانيكا 101
حاجة كده بداية ومتوسطة للشغل في العربية, يعني فك وتغير البوجهات, تنضيف الريدياتر أو فك وتنضيف المنيفولدات إلخ...
عشان الواحد الحمدلله عنده فكرة حلوة عن العربية واجزائها بفضل الدراسة والقراءة وكده بس طبعا عملي...ميح
أعرف معظم الحاجة فين بس مقدرش واخاف افكها واقول خليني في السليم أحسن
أيام ماطلعت الرخصة مرضتش اطلعها غير أما اتعلم صح الأول, رحت مركز مشهور قدام حديقة الحيوان فالجيزة.
عملي ماكانش وحش بس طبعا مش حاجة زي بره.
نظري, ادانا كلمتين وباعلنا كتاب فيه معلومات عن مواتير العصر البرونزي

نيجي للمهم.
حد يعرف مركز ' نضيف ' لتعليم ميكانيكا السيارات بحيث لو حبيت أعمل حاجة اكون عالأقل عندي ادنى فكرة عنها عمليا ؟

المشاركة الأصلية كتبت بواسطة amro1965

انا مثلك تماما بحاول افهم الاساسيات اللى اقدر اعملها بنفسى وبفضل الله واسبابة على الارض من خلال الاعضاء الكرام ومساعدتهم بدأت اغير اشياء واركبها بنفسى مثل فلتر البنزين والزيت والهواء وتنظيف البطارية والبيكات
وبحاول اتعلم من اخطائى لانه مش كل شىء هروح للميكانيكى على حاجة هايفة ممكن توقفنى بجوار سيارتى بالساعات بشرط يكون معك عدتك فيها اللى يلزمك
ده رأى لازم تتجرا تعمل شىء بيدك

شكرا ل رد حضرتك
هو فعلا الموضوع محتاج قلب جامد عشان ممكن تعمل حاجة تخلي العربية ماتدورش مثلا لغاية ماتروح تجيب ميكانيكي يصلحها
بس عامةً مفيد جدا أول ماتعرف تتعامل.

أنا دورت بس مالقيتش غير حاجات زي
Course Details


Area of study
Change oil filter, learn how it works Check level in gearbox and rear axle. Remove, examine & replace thermostat/ make gasket Remove, flush out, replace radiator. Remove, examine and replace a water pump. remove 4 bulbs, describe them, disconnect battery and carry out soldering. Remove, examine and replace fan/ drive belt. Inspect and bleed braking system. Remove, examine and replace brake pads. Adjust handbrake Remove, examine and replace brake shoes. Remove, inspect and repair puncture.


و ده مش في مصر بس أهو مثال

ياريت لو حد يعرف واحد زيه في مصر يقولنا عليه