أعتذار منى لكل المنتدى soma_sooma

**A7MED_PHARMA** · 18-09-2010 02:29 AM

المشاركة الأصلية كتبت بواسطة i_am_legend

سوما__روقى مافيش حاجة تستاهل_احنا كلنا دمنا محروف اليومين دول_بسبب اللى بنشوفة.والمنتدى هو الحاجة الوحيدة اللى _تجمعنا وتعرفنا بناس محترمين-احب اقول:
نايل موتورزيجمع: آخر المصريين المحترمين .انا بحب كل الناس اللى هنا ولو واحد فيهم طلب منى أى شئ اقسم بأنى عمرى ما هتأخر عنة.الناس اللى هنا طيبين وعلى الفطرة زى حالاتى.

حيث كده بقا
مالاقيش معاك 1.75 قرش سلف لأخر الشهر
أخوك مزنوق

**A7MED_PHARMA** · 18-09-2010 02:39 AM

المشاركة الأصلية كتبت بواسطة i_am_legend

أقسم بالله يادكتور احمد_حضرتك تأمرنى من جنيه لحد 15 الف _علشان دول اللى حيلتى_علشان ابيع العربية واديهملك_بس هاتعمل بيهم أيه لا هاتعرف تعمل صيدلية _اقل صيدلية عايزة نص مليون بعد القانون الجديد بتاع 45 متر_وتركيب التكييفات_وطبعا وظيفة الحكومة المرتب 25٠ جندى_مضروب بالنار_خطيبتى صيدلانية_وبتصوت.

ماتفكرنيش بالهم
45 متر دي...عاوزة معجزة علشان تعرف تفتح صيدلية تاني
يعني هيا كده خربت خلاص..وأنا فعلا بفكر أغير المهنة
يعني أشوف مشروع تاني + الصيدلية
لكن مفيش حاجة نافعة في البلد دي

**amir** · 18-09-2010 07:58 PM

المشاركة الأصلية كتبت بواسطة i_am_legend

_خطيبتى صيدلانية_وبتصوت.

ايوه كده اعترف
الف مبروك

**sara2001** · 18-09-2010 10:08 PM

ليه كده يا سوما اوعي تكوني هتمشي بجد

انا بحب اتابع مواضيعك وبتعجبني آرائك

وبعدين كده استغل مين ؟؟؟؟؟

انا كنت ناويه ابعتلك على الخاص كام فكرة موضوع مستوحى من الكافيه بتاعك علشان تعمليه

واتابع آراء الناس بخصوص المواضيع دي من بعيد

خاصة انك محاوره جيده وانا مش هأستحمل الهجوم الكاسح اللى بيحصل في المناقشات لو عملت المواضيع بنفسي

ياللا ارجعي مستنيينك

في حاجه عايزه اقولها هي بره الموضوع بس يمكن توضح ليه حصل زعل من بعض الناس بسبب بعض الردود في المواضيع

احيانا الجنسين مش بيوصلهم المعنى الحقيقي المقصود به كلمة ما

يعني مثلا لما الرجال يقولوا مفيش بنات الأيام دي بالمعنى الحقيقي للبنات بتاع زمان

ممكن البنت ما تاخدش الموضوع بحساسيه شديده زي ما البنت تقول مفيش رجاله دلوقتي تعتبر اهانه بالنسبه لهم لأن المعنى اشمل

مثال تاني لو واحد قال لبنت انا معنديش ثقه فيكي حجم الإهانه يختلف جدا عن ان البنت هي اللي تقول للرجل كده لأن الرجل لما يقول كده كأنه بيشك في سلوكها

يعني التعبير اللي قالته سوما انا قريته قبل كده كتير وسمعته في برامج تليفزيونيه لما بيتناقشوا في قضايا زي قضايا فلسطين او قتلى الجنود المصريين على الحدود وما شابهه من مواضيع بس ما حسيتش قد ايه الكلمه معناها مهين من وجهة نظر الرجال غير لما شفت الإنفعالات على المنتدى هنا

وبالتالي ممكن يكون مش مفهوم لكل الناس عمق الإهانه للجنس الآخر

تمنى اكون قدرت اوصل وجهة نظري وما يدخلش حد يتهمني ان انا بدافع وخلاص

وفي النهايه التعميم في اي شيء هو المشكله يمكن معظمنا ليه خبرات سيئه مع الجنسين يعني انا شفت نماذج زوجيه تعيسه بسبب البنات وشفت نماذج تانيه بسبب الرجال واحيانا بيكون الإتنين مع بعض هما السبب

يعني ما ينفعش نقول كل البنات هما اللي وحشين ولا كل الرجاله هما اللي وحشين

النماذج السيئه موجوده في كل حاجه ولأن الخير مش ظاهر السيء بيطفو على السطح