الموضوع: حصرى بالصور و الفيديوهات تركيب subwoofer we amplifier على جين2

tالسلام عليكم جميعا و كل عام و انتم بخير

انهارده انا جايبلكم صور عملية تركيب subwoofer و power amplifer انا ركبته بنفسى يا جماعه و العربيه سهلة جدا فى التعامل معاها و هحاول اشرحلكو ايه الخطوات على قد اما اقدر يا جماعه و اتمنا ان الموضوع يعجبكو و الاقى منكم ردود جميله من ناس اجمل و اجمل

ندخل فى الموضوع

انا يا جماعه بكل بساطه روحت زى اى شاب نفسى اركب subwoofer قوى فى العربيه يكون صوته حلو جوه قبل بره و لفيت كتير لحد مالقيت sub نوع sony xplod هو مقاس 15" بوصه و اقصى وات ليه 1500 و ال rms 450 وات
و ادى صورته و برضو بعض البيانات ليه فى حالة لو حد حابب يتفرج عليه او يجيب زيه و الصب ياجماعه اتكلف 550 جنيه بالظبط

Audio Savings | SONY XPLOD XS-L156P5B 15" 1,500 WATT CAR SUBWOOFER SUB

اللى عاجبنه فيه اكتر ان الرق بتاعه carbon fiber اصلى طبعا مش ماده تقليد و انا باكدلكو انه sub كويس اوى

و ادى فيديو و انا و صاحبى بنعمله unboxing

[youtube]http://www.youtube.com/watch?v=9xGM6ijKNCA[/youtube]

تمام لحد كده ؟؟؟ تمام المهم بقا بعد كده انا اشتريت منشار اركيت و جبت لوح MDF و قعدت اعمل اصندوق انا و صاحبى اللى معايا و ده تقريبا اخد مننا يوم كامل ايوه يوم كامل مروحنشا بيوتنا 24 ساعه ولله بدون مبالغه لحد اما طلعنا حاجه محترمه و تقابل مواصفات الصب ال15" بوصه جه يا جماعه

و ادى صور للصندوق

نيجى بقا للشغل التقيل و هو الجى ام او power amplifier انا دورت على حاجات كتيره اوى تشغل الصب ده بكامل كفائته فعلا طلع عيين اللى خلفونى عشان الاقى جى ام كويس يدينى على الاقل 400 وات rms بس الحمد لله و بعد تدوير مدته اسبوعين لقيت جى ام ماركة panasonic معا انى كنت بدور على جى ام class d او اى مونو بلوك بس للاسف ملقيتش و ده كان اقرب حل و ده موقع ليه للى حابب يتفرج على امكانياته اكتر

Product Catalogue - In-Car Entertainment

هو الجى ام محترم اوى و قوى جدا و كمان شكله لائق مع السيستم + انه بيضى اضاءه ظريفه باللون الازرق بتحفت و تزيد شدة اضاءتها مع قوة البيز طبعا و بيجى معاه كابلاته بالمانيوال طبعا و مساميره و كل لزوم التركيب حتى العوازل عشان الاسلاك و الضمان مدته 18شهر

نيجى بقى للجزء المتعب شويه هههه ولله هو مش متعب و لاحاجه و هو تمرير سلك الكهرباء العمومى من عند البطاريه للشنطه ورا اه و فى ملحوظه مهمه يا جماعه و ياريت تاخدو بالكو منها يلريت اسلاك الكهرباء و الصب و غيره تبقى نضيفه جدا جدا جدا انا عن نفسى جبت سلك كهرباء عمومى و ارضى تخانة 10mm من السويدى المعتمد و سعر المتر تقريبا 6.5 جنيه للمتر ده بالنسبه للكهرباء اما سلك الصب فجبته برضو من السويدى و معتمد ابرضو تخانة 4mm عشان اخد احسن صوت و نقاء برضو نيجى بقى للتركيب اول حاجه فى الجين 2 اننا هنفك الفيبرتين اللى ناحية باب السواق و اللى وراه عشان الكهرباء تمشى فى شمال العربيه
و بالنسبه لفكهم سهل اوى فبرة السواق فيها مسمارين و 3 كلبسات مسمار فى الاول خالص عند دواسة راحة القدم و مسمار عند المسمار اللى ماسك حزام الامان من تحت اتاكد الاول انك فاكتهم خالص فبل اى محاولة لنطر الفبره و الا هتكسر منك و دى غاليه اوى

نيجى للفبره اللى ورا كرسى السواق نفس النظام بس دى مسمارين و كلبسين مسمار عند المسار الطبير تحت فى الارض اللى ماسك الحظام و مسمار فى الاخر ورا هتحتاج ترفع القاعده الاقلاب كانك بتبص على الطلمبه بتاعت البنزين و هتلاقى المسمار ظهر على طوول فكه و اتاكد انه اتفك تماما و بعد كده حاول تخلها وحده وحده مع مراعاة ان لازم تشيل جدل الباب من المنطقه اللى تجت دى فى البابين الاول و التانى عشان تشوف الفبره و انت بتخلعها لتكسر منك

و بكده نكون بينا حرف الموكيت اللى فى الجمب و الضفيره اللى ماشيه كمان نيجى بقى عشان ندخل السلك من قدام الاول هتنزل تحت عند الدواسه و هتدور على الخرم اللى داخله منه الضفيره دى

علما ان دى دوساة الدبرياج طبعا و ظبط سلوكك صح و بعد كده هتمشيه فى الجمب زى الصورة دى كدا

و تريح السلك فى مكانه و تكبسه صح عشان ميبقاش معاكس فى حاجه و يركب براحته

و بعدين نمشى لورا انا اخترت مكان غريب شويه و ضيق حبتين بس مشيت فيه السلاك ال 10mm برضو ههه هه

جيت عند الحته اللى ورا العربيه استهبلت فيها و اضطريت امشيه من فوق المسمار الكبير اللى ماسك الحزام من تحت و ادى الصوره

و ده السلك بعد اما عدى و مشى جمب سلك الضفيره

و دى صوره تانيه اوضح فيها الكرسى الاقلاب باين عشان اللى ميعرف الكرسى بيتقلب ازاى انت بس بتشده من القاعد ورا و هو بيلف بسهوله معاك

و بكده احنا عملنا اصعب حاجه و هى تمرير سلك الهرباء داخل العربيه
و ده السلك اللى طالع فى الكبوت

و ادى كمان صوره

و الارضى هتاخده فى اى مسمار فى الكراسى اللى ورا و هيبقى ميه ميه انا عن نفس جبت 4 ترامل 10mm اسمها قوس بفتح الواو مش قوس زى بتاعت قوس قزح كده مثلا عشان لو حد حب يشتريها و اخدت الارضة فى المسمار اللى مثبت الكرسى اللى وراو ترمله فى البطارية قدام طبعا و زيهم 2 فى الجى ام برضو

نيجى بقا للموضوع الاهم جدا جدا جدا جدا جدا فى نظرى لكل اللى بيشككو فى اداء كاسيت blaupunkt فى الجين 2 و لله صوته اقوى و اكفاء من الباينوير اللى مرمى فى السوق و انا هقولكو ليه فى موضوع تانى المهم انا قررت بما ان الجى ام بتاعى فى دايره servo drive بتعمل convert men HI to LOW يبقى ليه اوجع دماغى و اجيب دايرة تحويل عشان بس اركب RCA و قررت اخد وصلات من السماعات اللى ورا و طبعا من غير قص ولا لزق و كلو بالاصوووووول عشان انا مش بحب ابوظ حاجه فى العربيه

ادى صورة الفبره اللى فى السماعه الليمين

هتفك ال 3 مسامير و تشد الفرش لنحت شوية هيبانلك السلك اللى راكب فى السماعه خلى بالك عشان دى فيشه هتدوس عليها من الجمب و سنه يمين فى شمال و تشدها بsense كده هتنزل معاك

و تشوف فين الارضى و الكهرباء و تحشر جوه الترامل السلك و تتاكده مليون فى الميه انهم بعاد عن بعد و تلف عليهم شريط لحام من غير متبوظ اى حاجه عشان تركب تانى فى السماعه عشان احنا مش هنفصل اى سماعه احنا هنشغل كللل السماعات اللى فى العربيه و بعد اما تخلص تدخل الفرش تانى مكانه و تزبط الكلام و المسامير تدخل فى الكلبسات البيضاء و تربط تانى و بالمثل فى الجمب الشمال

نيجى بقا لاسهل حاجه و هى اللى فاضله و هى توصيل الجى ام بالسماعات اللى خدنا منها السلك عشان يبقى الsource بتاعنا و نوصل الصب على الmono عشان ناخد الخرج بتاع الجى ام كله

و ادى القوس اللى بقولكو عليها عشان تبقى good contact متسخنش السلك ابدا