عاوز أغير المانيوال بالأتوماتيك؟

**a_samy** · 24-09-2010 09:09 PM

فى حاجه كنت بفكر فيها وعاوز رأيكم معايا.
كنت بفكر أنى أغير عربيتى الجين 2 المانيوال بعربيه جديده من عز العرب تكون أتوماتيك يعنى أبعله عربيتى وأبدلها بواحده زيرو أيه رأيكم فى الكلام ده؟
والموضوع ده ممكن يكلفنى كام تقريبا؟؟؟؟؟؟؟؟؟؟؟

**sayed911** · 24-09-2010 10:59 PM

انا بصراحة مش عارف يا اخي ولكن رأيي الا وهوة انك تروح وتشوف عرض السعر عندهم كام الأول وتشوف السعر اللي ممكن تجيبوا برة الأول عشان متبقاش ظلمت نفسك لأنك كده كده ها تستلم كاش ان شاء الله ولو لقيت الفرق بسيط يعني في 1000 او 3000 كحد اقصة يبقى خليك مع عز العرب عشان الإجراءات تمشي اسرع وربنا يوفقك يا اخي لما فيه الخير ان شاء الله ..

**M.almaghraby** · 24-09-2010 11:04 PM

ياريت تكتب فبياناتك عربيتك موديل كام

عامة انا مش حابب الحوار دا لانك حتخسر فعربيتك جامد

ولو بيعتها لعز العرب حيبقي اجمد و اجمد

**elmadawy** · 24-09-2010 11:08 PM

علي فكرة في احد الاعضاء في المنتدي كان معاه جين 2 موديل 2006 وراح للاستاذ محسن صالح في التوكيل واتفق معاهم علي تبديل العربية بس مش فاكر المبلغ كان كام واكيد انت عايز تغير المانيوال علشان تستريح منه وعلي فكرة دي تفكير اي حد الان بشتري عربية وساكن في القاهرة يجيب مانيوال ولا اتوماتيك وانا شايف ان الاتوماتيك اريح بكتير في ظل الزحمة والطرق المصرية الجميله وان شاء الله تلاقي الحل عن عمو عز