لابتوب ديل انسبيرون 6400 بحاله رائعه للبيع

**drahmd** · 18-09-2010 08:26 PM

أنا عارض اللابتوب الديل بتاعي للبيع ومواصفاته كالتالي

Dell 6400 INSPIRON

Dual Core 1.73

1 GB RAM

120 GB Storage HDD

WIRELESS MODEM,USB,LAN,MEMORY CARD READER,FAX MODEM

Excellent condition

شاحن أصلي

بطاريه بتشتغل لحد تلات ساعات

الجهاز بحاله رائعه ماتفتحش إلا مره واحده وأنا اللي فتحته عشان أشيل سماعاته لأنها باظت.استخدام شخصي نضيف جدا الجهاز عمره ماوقع مني ولا عمر حد مد ايده عليه غيري.

الجهاز الدي في دي بتاعه باظ من اربع شهور تقريبا وماصلحتوش بس انا شغال عليه بدي في دي اكسترنال باليو اس بي ماشتغلتوش الا يمكن اربع خمس مرات وده تمنه لوحده ساعة ماجبته 400 جنيه هو نوعه سامسونج اللي هيشتري اللابتوب هياخده معاه وكمان شغال عليه بسماعات يو اس بي جباره احسن من سماعاته اللي باظت مع ان سماعاته كانت رهيبه وصوتها عالي بالنسبه لسماعات اللابتوب العاديه اللي كلنا عارفينها

انا ببيع الجهاز ده عشان أجيب واحد أحدث وهو مفيهوش الهوا وعمره ماعمل معايا حركة نقص انا محافظ عليه جدا واللي هياخده ربنا يباركله

بقت نقطه أخيره.الجهاز MADE IN IRELAND ودي كانت آخر دفعه تقريبا من الديل الأيرلندي بعده بقى كل الديل اللي بينزل صيني

الجهاز أنا طالب فيه 2600 جنيه نهائي كاش بالدي في دي الاكسترنال والسماعات وممكن ابيعه على 2300 من غيرهم.

اللي عايز ييجي يشوفه يبعت ع الخاص...للجادين فقط

**drahmd** · 20-09-2010 09:17 PM

للــــــــــرفع

**drahmd** · 24-09-2010 07:12 AM

للـــــــرفع

**mlav_cbr** · 25-09-2010 04:58 PM

السعر عالى اوى خفض السعر عشان تبيع

**engaass** · 25-09-2010 05:09 PM

النهائى كام

**محمد عبد العزيز** · 25-09-2010 05:28 PM

بصراحة غالي جدا
ربنا بوفقك في بيعه

**drahmd** · 26-09-2010 06:14 AM

نهائي وآخر ياجماعه 2500 بالدي في دي والسماعات و2200 من غيرهم الجهاز حالته ممتازه وزي ماقلت هو آخر دفعه في الديل الأيرلندي واستخدامه نضيف جدا لونه سلفر رائع

**power** · 26-09-2010 08:19 AM

السعر فعلا محتاج اعاده نظر

**peposupervisor** · 26-09-2010 10:49 AM

ممكن سعر نهائي

**drahmd** · 27-09-2010 12:38 AM

معلش مش هقدر أبيعه على أقل من كده وأنا مش تاجر على فكره ده اللابتوب الخاص بيا مش عايز أخلص منه ولا حاجه لو عرفت أبيعه على كده تمام ماعرفتش هو مش مزعلني ف حاجه أبدا بصراحه الجهاز كل حاجه فيه أصليه ومااتلعبش فيه كفايه ان معاه بطاريته الأصليه بتشتغل لحد 3 ساعات وماغيرتهاش من ساعة ماجت أكيد لو حد بيفهم في اللابتوبات هيفهم قيمة الموضوع ده ويعرف قد إيه الجهاز ده متصان ومتحافظ عليه