رادر علي طريق الالقطاميه السخنه

**WalidAdel** · 19-09-2010 02:43 AM

كنت رايح السخنه اول امبارح و لاقيت كمين رادار علي طريق السخنه قبل ماتوصل الكارته هتلاقي يافطه مكتوب عليها السخنه 17 كيلوا هو بعدها اللي يغيظ بقي ان الصايع اللي ماسك جهاز الردار جايب حته صاج كده كبيره و حاططها علي الاسفلت ناحية الشمال و قاعد وراها فانت وانت ماشي ماتتخيلش ان في حد بالذكاء دا انه ممكن يعمل كده لكن للاسف اتصورت 142 وانا بضحك كمان

هو انا مش عارف مكان الموضوع صح ولا لأ و ياريت لو نعمل موضوع عن اماكن الردارات علي الطرق و نحاول نساعد بعض بدل مافلوسنا ضايعه علي الحكومه كده

**tutankhamoun** · 19-09-2010 09:11 AM

ياريت لو نعمل موضوع عن اماكن الردارات علي الطرق و نحاول نساعد بعض بدل مافلوسنا ضايعه علي الحكومه كده

من غير مواضيع عن أماكن الرادارات يا باشا
أمشي بالسرعة القانونية ........................ و أنت تخذأ عين أي واحد فيهم و محدش يقدر يفتح ُبقه معاك .. صح ؟

هاتقعد تتعب نفسك ........ هو هنا في رادار و لا لاءة ...... أمشي عدل يحتار عدوك فيك

و و الله العظيم تلاتة ...... السرعة القانونية فعلا هاتجنبك حاجات كتيرة قوي منها طبعا الرادار

و فلوسنا رايحة على الحكومة لو غلطنا يبقى نستاهل و القانون كدا و أنت يوم ما طلعت الرخصة كنت عارف غرامة كسر القانون .

متزعلش من ردي بس أحنا المفروض فئة المتعلمين نقود البلد للتصحيح
و لو كل واحد بدأ بنفسه .............................................. الدنيا هاتبقى فُل و الله .

**wisambasha** · 19-09-2010 09:21 AM

نفس الموضوع بيتكرر كل شوية

كل الناس عاوزة تجري وتفلت من العقوبة ......طب ازاي

وبعدين طريق السخنة ده المفروض السرعة عليه 120

طب عاوز تروح فين تاني هي 120 دي قليلة
يعني الدائري السرعة عليه 90 ومش عاجبنا و المحور برضه 90 ومش عاجبنا
وحتي ال 120 مش عاجبانا

للاسف لسه في مصر ما افتتحوش طرق للطائرات النفاثة علي الارض

**tutankhamoun** · 19-09-2010 09:24 AM

للاسف لسه في مصر ما افتتحوش طرق للطائرات النفاثة علي الارض

كله عايز يقفل عداد العربية ........... :)

**M.Mosaad** · 19-09-2010 09:31 AM

السرعه علي الطريق دة 120 اعتفد انها مناسبة جداااااااااااااا مش محتاجة حد يزود عليها انا اتاخدت فيه رادار مرتين قبل كدة علي 140 و لما حسبت الوقت اللي وقفته في الكمين و مجادلتي مع الظابط علشان يقلل الغرامه لقيت اني لو مشيت 120 كنت هوصل اسرع و في نفس الوقت مش هتكلم مع اللي يسوي و اللي ميسواش

كنت راجع من الغردقه و رايح راس غارب و السرعه 110 فانا مثبت طول الطريق علي 107 علشان ابقي في السليم وقفت في كمين لقيت امين الشرطه بيقولي الرخص علشان انت اتاخدت رادار اديتهاله و قلتله ياريت اشوف الصورة و انا في منتهي الثقه راح الظابط قاله لا دة متصورشي و مشيت

يعني لما الواحد بيمشي علي السرعه القانونيه بيحط صباعه في عين التخين

بس برضة انا معاك ان في سرعات علي الطرق بتبقي تشل الواحد يعني في اماكن علي الدائري 90 قليل جدااااااااااا فيها

**WalidAdel** · 19-09-2010 02:50 PM

المشاركة الأصلية كتبت بواسطة m.abdeen

الردار ده كان قبل المطلع الجامد قوي لما يكون فاضل على السخنة 38 كيلو واللجنة بتكون على اخر المطلع دايما

هو تقريبا كده مكانه بيتغير لاني لما طلعت من اللجنه كنت شايف الكارته في اخر المنزل فربنا يستر بقي

**WalidAdel** · 19-09-2010 03:12 PM

المشاركة الأصلية كتبت بواسطة wisambasha

للاسف لسه في مصر ما افتتحوش طرق للطائرات النفاثة علي الارض

انا اصلا ماقولتش اني راكب طائره نفاثه ولا قولت اني هاجيبها حتي و لا سرعه 142 دي اتحطت ضمن حتي السرعات المبدئيه للطائره النفاثه و ياريت بلاش اسلوب التريقه دا اصلا

انا عامل الموضوع ده بخاطب فيه ناس معينه في المنتدي اللي هيا زي حلاتي بتجري لاسباب مختلفه و اللي هيا بردوا ماعرفهاش مقولتش ياريت حد يخش ينصحني

المشاركة الأصلية كتبت بواسطة tutankhamoun

كله عايز يقفل عداد العربية ........... :)

الاستاذ توت انا مقولتش اتي عايز اقفل العداد لان ببساطه عربيتي مش هاتقدر تقفله كله و حتي لو حصل مافيش طريق يستحمل السرعه دي
ياباشا لما يكون طريق فاضي اوي خمس حارات و فاضي بنسبه كبير و ممكن تفضل ماشي علي سرعة 142 خمس دقائق كامله مش لاقي عربيه قصادك و تحط عليه رادار علشان السرعه و الحد من الحوادث يبقي اكيد محطوط علشان يلم فلوس مش اكتر
حضرتك لو مقدر انك تعمل حادثه هاتعملها حتي لو ماشي علي السرعه القانونيه كمان

ما الطريق الدائري ياباشا عليه رادار و كويس ان عليه رادار علشان الطريق زحمه و الناس بتجري جامد وسط الزحمه مع انها مش هاتفرق اكتر من 3 دقائق مثلا في المشوار و كمان لو واحد غلط بس علي الطريق دا هياخد معاه 5 او 6 عربيات كمان و هنا المشكله

ماحستش في مره كده يابلشا لو قعدت مكانك خمس دقائق من غير ماتحرك ايد او رجل انك ممكن تركيزك يقل او بمعني تاني جسمك يريح او يغلب عليك النوم .....ارجو يكون المعني وصل ( انا كده )

Speed When It Need

-

-

الموضوع: رادر علي طريق الالقطاميه السخنه

LinkBack

أدوات الموضوع

عرض

-

-

-

المواضيع المتشابهه

طريق عين السخنه ?

شدايه جامده جدا على طريق السخنه

طريق العين السخنه

طريق القطامية - العين السخنه

طريق القطاميه - العين السخنه

الكلمات الدلالية لهذا الموضوع

المفضلات

المفضلات

ضوابط المشاركة