منظر يحرق الدم .. للأسف بقى عادى عند ناس كتير .

**Nile_Storm** · 16-03-2008 04:11 PM

المشاركة الأصلية كتبت بواسطة karim_monir

بلاشش انت يا حسام بدل مالموضوع يتفهم غلط
الا صحيح خلصت امبارح ولا لاء
--------
محدش يفكرني بالاتوبيس المكيف واللي بيحصل فيه وده من ايام ما انا كنت في جامعة يعني حوالي 10 سنين كدة
وكان لسه بدعة جديدة والضغط علية قليل
ومرة قاعد في نص الاتوبي بتاع الهرم ده والاقي السواق ركن على جنب وجاي جري على الكنبة
طبعا انا فضولي جدا وقمت اشوف فيه ايه خاصة ان نص الاتوبيس الخلفي فاضي
لقيتة شد ولد وبنت من قفاهم والبنت نص زراير قميصها مفكوكة وهو هاتك يا تلطيش وشتيمة فيهم ومصمم انه يوديهم شرطة هيئة النقل العام وطبعا هما ما شافوهش لما وقف ولغاية ما رحلوهم من الاندماج اللي كانو فيه
بس واحدة ست كبيرة استسمحت السواق انه ينزلهم عايز اقولكم انه ما رضيش يهدي ونزلهم وهو ماشي الولد نط والبنت اتكفت على وشها
ايه اللي يخلي واحدة تعمل كدة في الشارع وتبهدل نفسها بالمنظر ده

هوا اتوبيس الهرم المكيف مشهوووووووووووووور اوي كده
دا انا كنت فاكر اني الوحيد اللي شفت فيه حاجات من دي مع انها بتحصل يوميا فيه :(

**M_HaFeZ** · 16-03-2008 05:57 PM

ربنا يرحمنا برحمته ويرحمنا من شرور انفسنا

**Goodle** · 16-03-2008 05:58 PM

وحياتكم الموضوع تخطى الأتوبيسات وبقى بيحصل في الكافيهات

البنت قاعدة بين رجلين صاحبها وبيتفرجوا على التلفزيون.. والشيش للإتنين.

وييجي صاحب الكافيه يسلم على الباشا ويديله البرستيج التمام.. دي حاجة بقت تييت وبنت تيت تيت

**M_HaFeZ** · 16-03-2008 06:14 PM

قال رسول الله صلى الله عليه وسلم
"لا يدخل الجنة ديوس, قيل وما الديوس يارسول الله قال - من لا يغار علي عرضه"
وطبعا ليها اسامى تانيه زى قواد و **** تيت
اللى قلتها للعيال اللى اتخانقت معاهم

**OlaOsman** · 16-03-2008 06:26 PM

اللي بيحصل ده بيحصل من زمان.. بس اللي يفرق هو رد فعل الناس.. ساكتة يعني موافقة؟ و لا بيتكلموا يعني رافضين؟.. الله يبارك لكل اللي ماهموش و قام عشان يغير المنكر بلسانه و ما فكرش ممكن يجرى له ايه او يتعرض لإيذاء شكله ايه.

**Chicco** · 16-03-2008 06:44 PM

التدهور الاخلاقي اللي احنا عايشينه داه طال كل حاجة و مش بس المناظر المؤذية اللي جبتوا سيرتها ديه
واحدة معرفة مصرية كندية مولودة في كندا لأبوين مصريين هاجروا كندا من أكتر من ٣٠ سنة لسة راجعة من زيارة في مصر و مش مصدقة كمية الانحلال الاخلاقي اللي موجود في المحروسة سواء في الشارع أو في المحلات أو التلفزيون من مناظر و ألفاظ و معاملات :(
بتسألني ليه المواد الاعلامية الخارجة (على حد وصفها للاغاني اللي شافتها في التلفزيون ) معليهاش تحذير انها غير مناسبة للصغار (هالها إن إبن بنت خالها بيتفرج على كائن إسمه سعد الصغير و وصفته بلفظ ما ينفعش أقوله)
أخوها كان معاها و جاله إنهيار عصبي لما شاف سائق بيصفع عسكري مرور بالقلم و لحد دلوقتي مذهول :(:(

**badblood** · 16-03-2008 06:47 PM

بأختصار شديد جدا لعدم الاطالة البنت دي لو متربيه مكنش حد عمل معها كدة

**knightmido** · 16-03-2008 07:04 PM

الحمد لله رب العالمين من ردود الكل تقدرو تطمنو ان الوضع الخطير ده مرفوض وبشده وطالما موجود الانسان اللى بيحترم نفسه وعنده نخوة وجراة على الرفض ومقاومة الانحلال يبقى الحمد لله احنا ما زلنا خير امة اخرجت للناس .. وبعدين يا رجاله متنسوش ان احنا معانا شهادة موثقة من رسول الله صلى الله عليه وسلم .. احنا خير اجناد الارض حتى قيام الساعة .. والجند اكيد رجالة ..صح

**Nader** · 16-03-2008 07:29 PM

دي قلة ادب طبعاً ومش الشباب على فكرة هم السبب الرئيسي لا السبب الرئيسي

هو المجتمع السلبي اللي بيسمح بحدوث مثل هذه الاعمال الفاضحة وسطة.

وبسبب الجهل الديني لاهالي الشباب قبل الشباب دول نفسهم والبركة في قنوات

الفيديو او"العري" كليب اللي بتشغل اوقات فراغ الكبير قبل الصغير.

مصر بلد الازهر تحولت شوارعها لاماكن تفعل بها الافعال الفاضحة كشئ معتاد

سواق الاتوبيس المكيف لو اتدفع لة 50 جنية من العيال دول مش بيكب حد وبيعمل

عبيط ويسكت وميركبش اي حد لحد ما يوصل الموقف... يبقى دة اسمة انعدام ضمير

و حاجة تانية مينفعش تتكتب على العام كدة.

تانية مش هينفع

**ahmedateya** · 16-03-2008 11:51 PM

انا على العكس شايف ان اللي انتوا و الناس بيعملوه ده بلطجة على الخلق...
ايه اللي هتستفيده لما تفضح او تؤذي واحد بيعمل حاجة زي دي؟
انتوا عارفين الحياه بقت عاملة ازاي؟
انتوا عارفين الكبت وصل لفين؟
الناس دي لو كانت لاقية مكان تاخد فيه حريتها ولا لاقين يتجوزوا كانوا عملوا كده من الاول؟
هل همة مثلا عندهم حلول تانية و بيعملوا الموضوع ده روشنة؟
ده في حديث ما معناه انك متفضحش اخوك المؤمن ليبعتلك الي يفضحك!
و بعدين هما حرين حتى لو فاضحين نفسهم...

معلش يا جماعة تعالوا نتكلم بصراحة....

اغلب الناس هنا ميسورين ماديا...يعني كونك عندك عربية ايا كان نوعها فده بيصنفك من علية القوم في مصر و ارجوا ان محدش يضحك لأن دي حقيقة لو قارنا عدد السكان بمجموع العربيات

يعني فينا اللي متجوز و اللي خاطب و اللي بيدور على ابن او بنت الحلال...بالعربي كده فيه امل

طب و الناس اللي مشلاقية دول يعملوا ايه؟ نعدمهم في ميدان عام؟
و ممكن كمان يكونوا ولاد ناس بس الظروف مش مساعداهم برضه..

اه الانحلال موجود و بكثرة نتيجة لسيادة مفاهيم خاطئة كثيرة و ده في العالم كله و مالوش دعوة ببلد الازهر ولا بلد لاس فيجاس

لو دققت في الافلام على الhot baird هتلاقي ان المصنف 12+ ده هتلاقي فيه مناظر لا تناسب السن ده مطلقا (و اسف في التعبير) SOFT-CORE و السبب ن معاير ما يمكن مشاهدته اتغيرت عالميا و المقصود ال RATE +16..+18 كده

و معلش قول للمعرفة الكندية تستحمل شوية لغاية لما ترجع كندا بلد العفة و الطهارة

و من الافضل ان كل واحد يهتم ببيته و اسرته و يحاول يحميهم من و يعلمهم الصح من الغلط بدل ما يمشي يلطش في الخلق و يعمل نفسه عنتر جبنة ؟ :)