الموضوع: منظر يحرق الدم .. للأسف بقى عادى عند ناس كتير .

انا مرة والله كنت في المكيف و لسة راجعة من الكلية و فعدت لقيت بنت زميلتى اصلا في قسمي و قاعدة نفس الفاعدة دى في الاخر.. رحت بكل هدوء و مسكت ايدها و قلتلها عن اذنك بس و شلت شنطتها و قعدتها جنبى قدام و هى اصلا اترعبت لما شافتنى لأنى كمان دفعتها و ممكن اتكلم مع حد المهم قعدتها جنبى و مكلمتهاش كلمة واحدة لحد ما نزلت

والله 10/10 اللي انت عملتية دة ... يعني موقفتيش تتفرجي على الغلط وسكتي

وقلتى وانا مالي.


________________________

الدول الغربية عموماً كلها كانت دول محافظة ... زمان طبعاً يعني نتكلم على انجلترا

مثلاً لاني كنت بدرس الادب بتاعهم على مر القرون الماضية، كانت البنت اللي من الطبقة

المتوسطة اللي تكلم راجل في غير تواجد ابوها كان الناس بيقولوا عليها ان اهلها

مربوهاش دة علشان كانت بتتكلم عادي يعني، انا نفسي مش معترض، بس بعد العصر

النهضة عندهم بدأت القيم والعادات تتغير يعني مثلاً كان عيب اوي ان البنت او الست

تمشي بدون غطاء للراس ... كانوا بيلبسوا منديل قصير او قبعة شيفون في الغالب،

المهم بقت الست تمشي عادي بدون غطاء للرأس، ثم تدخلت المرأة في الاعمال التي

كان يقوم بها الرجال ولهذا تغير مفهوم اخر وهو الاختلاط والتعامل "بالمثل" وتغيرت

المفاهيم حتى وصلت الى ما هم علية الان، حرية تامة مع عدم رقابة، يعني بدل ما كانت

البنت زمان بتقعد في بيت اهلها لحد ما تخرج لبيت زوجها بقيت دلوقتي البنت او الولد

بيترك بيت اهلة وهو في الـ16 من عمرة وينفصل عنهم تماماً.


انا رصيت الكلام دة كلة لية؟؟

انا عاوز اقول ان "مقولة" الحرية والديمقراطية والتقدم والكلام دة كلة لة ايجابياتة

ولة سلبياتة، في الغرب الولد بيعتمد على نفسة وممكن يشتغل ويعيش لوحدة وهو

عندة 16 او 17 سنة ... شئ جميل بس في نفس الوقت مفيش حد بيوجهة في احرج

مرحلة في مراحل عمرة وهي سن المراهقة فيتلم على بنت في نفس سنة وممكن في

نفس ظروفة ويعيشوا مع بعض عادي مفيش اي مشكلة وفي الغالب ممكن يكون الاهل

عارفين وبرضة عادي لانهم ممكن يكونوا مروا بنفس التجربة فاصبح شئ اعتيادي

بالنسة لهم.


المهم بقى ان احنا لما كل يوم نشوف حاجة غلط ونقول "واحنا مالنا" او دي مش مشكلتي

او نقول دي حريتهم الشخصية ،مثلاُ يعني لقدر الله!!، هفضل ننحط اخلاقياً يوم بعد يوم

لحد ما نوصل لاوضاع مزرية يأسف ويخجل منها اجدادنا فيما نراها نحن شئ عادي.


الخلاصة انا عايش في عمارة والعمارة دي فيها جيراني عايشين فيها، لو العمارة دي

اتشبهت يبقى انا عايش في عمارة مشبوهة، .... يعني بمعنى اخر احنا علشان قرينا

او سمعنا اوحتى شوفنا مثال غربي فاسد فعممنا وقلنا ان الغرب كلة فاسد، هيحصل نفس

الشئ معنا مع الوقت لما افضل ساكت وفي الاخر هقول ما الناس كلها كدة، هبقى انا

اللي غلط ساعتها مش هم!! ..... يا ريت تكون الفكرة وصلت.