الموضوع: منظر يحرق الدم .. للأسف بقى عادى عند ناس كتير .

يا جماعه الخير
ما حدش فينا مختلف على ان المواقف دي غلط وكل اللي بيعمل كده غلطان مهما كانت مبرراته و واجب علينا اننا نرده عن الخطأ ....

المهم بقه الطريقه اللي بتعمل بيها كده
يعني لوحضرتك اتصرفت بنفس الطريقه كل مره
وهي انك تضربه وتشتمه وتفرج عليه وعليها امه لا اله الا الله
فانت برضه غلط لانك مطالب بالستر
وتطبيق الاحكام ليس من اختصاصك ولكنه من اختصاص ولي الامر


انا رأي ان اللي بيعمل كده غالبا بيبقى عارف ان موقفه ضعيف
ومجرد بصه جامده ها يلم نفسه
لو محصلش ......... حاول تميل عليه .... او تاخد على جنب وشد على ايده واديله كلمتين في العضم .... بس من غير تجاوز
ان كان عنده دم يبقى كده حا يحس على دمه
ان ما كنش
يبقى كده دورك انتهى
وعليك بقه وعلى ولي الامر
وده بيختلف على حسب المكان اللي انت فيه

المشاركة الأصلية كتبت بواسطة bassemali

مساء الخير ياشباب أنا بس عاسز أضيف نقطه مهمه جدا أن من ضمن أسباب اللي بيعملوه الشباب دول اللي بيشوفوه من السياح اللي بيجوا مصر بيحسسهم أن الموضوع عاديبل بالعكس بيحس أنه هوه أحق من الأجنبي بالشيء ده لأنه بلده يعني مثلا من حوالي 3 سنين كنت معدي قدام المتحف المصري وأقسم بالله الجو حر موت وبيشروا ميه هما الأتنين من الحر وماسكها عند الصور الخارجي للمتحف ونازل فيها بوس و...... يعني المهم ومش مخلي والعساكر بتوعنا واقفين يتفرجوا هما والضباط ولا حد قاله أنت بتعمل أيه وطبعا لو كنت اتكلمت ولا قولتله حاجه كانوا زمانهم شدوني أمن دوله !!!!!!!!!!

برضه الكلام ده غلط و مش صحيح عشان احنا دوله اسلاميه...المفروض اى انسان بيزور دوله يحترم دينها ...انما العيب على القانون و الضباط اللى واقفين متكيفين.....
يعنى لو في السعوديه مش هيعملو كده.

طبعا الفساد ده مش عندنا بس موجود فى كل الدول العربيه و السعوديه كمان فيها فساد الله ينور يعنى...انا كنت عايش ايام الطفوله هناك وعارف..وبروح زيارات و بشوف...
مره كنت فى المول اللى قدام الحرم بجيب اكل لاقيتلك واد ماشى بلبانه و لابس تى شيرت شبك...

لابد من التصدي لمثل هذه الأمور لمصلحتنا و مصلحة من أساء التصرف لأن القضية ليست قضية حرية شخصية
فقد قال رسول الله صلى الله عليه وسلم :

مثل القائم على حدود الله والواقع فيها ، كمثل قوم استهموا على سفينة ، فأصاب بعضهم أعلاها وبعضهم أسفلها ، فكان الذين في أسفلها إذا استقوا من الماء مروا على من فوقهم ، فقالوا : لو أنا خرقنا في نصيبنا خرقا ، ولم نؤذ من فوقنا ، فإن يتركوهم وما أرادوا هلكوا جميعا ، وإن أخذوا على أيديهم نجوا ونجوا جميعا

صدق رسول الله

هو سبب واحد لكل المشاكل يا شباب ,
البعد عن الله ،
فقلوبنا بقت فاضية مفيهاش ايمان ،
يبقى الشيطان بسهولة يخلينا نعمل اللي هو عايزه ,
يبقى الدنيا تبقى اكبر همّنا ,
يبقى نتكالب على الدنيا و على جمع المال من حلال أو من حرام مش فراقة ,
يبقى نشبع شهواتنا بأي طريقة ,
يبقى مفيش حياء من ربنا و ممكن نعمل أي حاجة في أي مكان ,
يبقى هنعمل حساب للناس و منعملش حساب لرب الناس ,

و زي ما هو سبب واحد برده فيه حل واحد ,
اننا نرجع لربنا و نتوب عن ذنوبنا الكتيرة و نتبع سنة الرسول الكريم (ص) ,
يا جماعة انا بقول الكلام ده لنفسي قبلكم ,