لو خطيبتك كدبت عليك هتعمل ايه؟

**aymanay32** · 21-09-2010 09:53 PM

هيه ائتمنتك على سر
عاوز اعرف انته هتعمل ايه فى الامانة اللى حطتها على رقبتك

هتقول لاهلها و لا هتقول لاهلك ولا هتقول لاصحابك الانتيم
و لا هتقول لامه لا اله الا الله
و لا هتقولنا احنا بس
و لا مش هتقول لاحد خالص و تكتم على السر

**mahmoodallam** · 22-09-2010 02:39 AM

المشاركة الأصلية كتبت بواسطة eng.m mahran

عذر ايه و يسامح مين

يعنى تكدب على اهلها و خطيبها من غير سبب

انا لو منه تغور فى ستين داهية و فى بدالها الف واحدة

وبصراحة فى الارتباط الواحد لازم يحكم عقله قبل قلبه وبلا حب بلا كلام فاضى

ما يصح الا الصحيح

**remomemo** · 22-09-2010 03:12 AM

لازم تشوف هى بطبعها كدابة ولا ده موقف معين
اصل فى بنات بتخاف من اهلها جدا و ممكن ظروفها كده
انا عارفة انها غلطانة بس لازم تشوف هى كل مشاكل حياتها بتهرب منها بالكدب (وفى الحالة دى ماينفعش تكمل ) ولا ده موقف واحد وفى الحالة دى لازم تقف جنبها وتطمنها عشان علاقتكم ببعض
لانك بالنسبة لها بقيت بديل اهلها دلوقت وبعد جوازكم هاتكون اهم منهم

**omaroof** · 22-09-2010 03:41 AM

صاحب المشكله ادرى منا
لو كانت انسانه كويسه وكدبت فى الموضوع ده فكلنا بنغلط
اما لو كذبت عليه فى اكتر من حاجه وكانت دائما بتبرر كذبها فحتى لو بيحبها يسيبها ومايكدبش على روحه

**Frozen_Pain** · 22-09-2010 09:50 AM

المشاركة الأصلية كتبت بواسطة eng.m mahran

الحمد لله انا تمام
فترة الخطوبة زى الاستعداد للامتحان الى هو الجواز

هتذاكر كويس هتنجح و لو مذاكرتش هتسقط

لو هتقدم تنازلات و مبررات فى الخطوبة يبقى هتفضل كده طول حياتك و العكس صحيح

انا معاك برضه انها فترة اصعب من فترةالامتحانات

بس اقولك على حاجة تخيل مثلا ان واحد خطب واحدة وهى اساسا بتحب وبتفكر فى واحد تانى وفضلت طول عمرها مخبيه عليه تفتكر ان ده كان هيبقى كويس؟

يبقى البنت كويس انها مكملتش كدب وصارحته بالحقيقة

**makka** · 22-09-2010 11:36 AM

المشاركة الأصلية كتبت بواسطة frozen_pain

انا معاك برضه انها فترة اصعب من فترةالامتحانات

بس اقولك على حاجة تخيل مثلا ان واحد خطب واحدة وهى اساسا بتحب وبتفكر فى واحد تانى وفضلت طول عمرها مخبيه عليه تفتكر ان ده كان هيبقى كويس؟

يبقى البنت كويس انها مكملتش كدب وصارحته بالحقيقة

هو المثل بتاع حضرتك مش راكب فى دماغى شوية
دى بنت كذبت على اهلها طوال سنة وعيشتهم فى الوهم وكذبت على خطيبها نفس الكذبة والمفروض انها بقت فى رابعة يعنى لما هيتجوزوا كل شئ هيبان وهيعرف انها لسه هتخش رابعة مش طالعه منها فهيا حريفة كدب اصلا وهى بتقوله علشان تقول انها كويسه وبتصارحه بالحقيقة وكده ومبتخبيش عليه لكن فى الاخير هى مجبره انها تقول مش بمزاجها.
لكن لو واحده بتحب واحد طول عمرها واتجوزتنى وهيا فى قلبها حاجه للشخص دا وأنا معرفش فهيا حره انا كده كده متقى الله فى زوجتى وطول مهيا كويسه معايا انا كويس معاها ولو اساءت ليا هسأل نفسى وهسألها ليه الاساءة وحبها للشخص دا ربنا هيحاسبها عليه انا مش هقدر ادخل القلوب واتحكم فيها لكن الكذب واضح للعيان.
انا مثلا كنت مريض وانا رايح اخطب زوجتى انا مكنتش شوفتها قبل كده حد رشحهالى المهم رحت بيتهم وشوفتها لقيتنى مرتاح والدها طبيب رحت عيادته وكلمته قلتله انا عندى كذا كذا وجى اقولك قبل ما تقرر برفض او بقبول لموضوعى علشان وحضرتك بتقيم موضوعى تقيمه من كافة الوجوه الراجل احترم كلامى جدا وقالى اذا حصل نصيب وبنتى وافقت عليك متقولهاش حاجه عن الموضوع دا هزيت راسى وخلاص المهم حصل نصيب وقرينا الفاتحة يومها طلبت منها نمرة تليفونها بعد قراية الفاتحة وكلمتها قلتلها فيه كذا كذا والامر ليكى قالت ولا كأنى سمعت حاجه واتجوزنا وعندنا طفلة وقربت اخلص علاج وكله 100100 .

**Frozen_Pain** · 22-09-2010 03:59 PM

المشاركة الأصلية كتبت بواسطة makka

هو المثل بتاع حضرتك مش راكب فى دماغى شوية
دى بنت كذبت على اهلها طوال سنة وعيشتهم فى الوهم وكذبت على خطيبها نفس الكذبة والمفروض انها بقت فى رابعة يعنى لما هيتجوزوا كل شئ هيبان وهيعرف انها لسه هتخش رابعة مش طالعه منها فهيا حريفة كدب اصلا وهى بتقوله علشان تقول انها كويسه وبتصارحه بالحقيقة وكده ومبتخبيش عليه لكن فى الاخير هى مجبره انها تقول مش بمزاجها.
لكن لو واحده بتحب واحد طول عمرها واتجوزتنى وهيا فى قلبها حاجه للشخص دا وأنا معرفش فهيا حره انا كده كده متقى الله فى زوجتى وطول مهيا كويسه معايا انا كويس معاها ولو اساءت ليا هسأل نفسى وهسألها ليه الاساءة وحبها للشخص دا ربنا هيحاسبها عليه انا مش هقدر ادخل القلوب واتحكم فيها لكن الكذب واضح للعيان.
انا مثلا كنت مريض وانا رايح اخطب زوجتى انا مكنتش شوفتها قبل كده حد رشحهالى المهم رحت بيتهم وشوفتها لقيتنى مرتاح والدها طبيب رحت عيادته وكلمته قلتله انا عندى كذا كذا وجى اقولك قبل ما تقرر برفض او بقبول لموضوعى علشان وحضرتك بتقيم موضوعى تقيمه من كافة الوجوه الراجل احترم كلامى جدا وقالى اذا حصل نصيب وبنتى وافقت عليك متقولهاش حاجه عن الموضوع دا هزيت راسى وخلاص المهم حصل نصيب وقرينا الفاتحة يومها طلبت منها نمرة تليفونها بعد قراية الفاتحة وكلمتها قلتلها فيه كذا كذا والامر ليكى قالت ولا كأنى سمعت حاجه واتجوزنا وعندنا طفلة وقربت اخلص علاج وكله 100100 .

ان شاء الله ربنا يتمم لك الشفاء على خير اللهم امين يارب العالمين

انا لما قولت المثل كنت بتكلم فى ناحية انها جات وصارحته فى الاخر ولا مفضلتش مخبيه عليه لان فعلا فى بنات بتتجوز وهى لسه بتفكر فى الحبيب الاول

ويمكن فى حاجة كانت هى خايفة منها منعتها من انها تقول

حاجة تانى اللى بيكدب ده طبعا بيكون عمل حاجة غلط

بس اكيد هو كدب لانه خايف من العقاب

**Frozen_Pain** · 22-09-2010 04:00 PM

المشاركة الأصلية كتبت بواسطة mahmoodallam

المؤمن لا يكذب

ده المؤمن مش اشخاص عاديين

**m000dy** · 22-09-2010 04:21 PM

انسى ياعمرو
البت اللى تكدب ماتلزمش
انت تأمنها على بيتك؟
طب كدبت على اهلها عشان خايفه منهم طب وانت مش جوزها وهاتخاف منك لو حصلت مصيبه
هايبقى ايه الوضع ساعتها؟
خد واحده من كباريه ولو قالتلك تابت صدقها عشان ممكن تتعدل ولا تاخدش واحده كدابه وبنت ناس لان عمرها ماهاتتعدل
انا مابكبرش الموضوع لكن الكدب داء وصعب الشفاء منه وهاتكرر كدبها ولو بعد 100 سنه\وبكره تكدب عليه اما عيل من عيالها يسقط او مايروحش درس ابوه كاعع فيه دم قلبه او بنتها تعمل مصيبه وتدارى عليها خوفا من ابوها ( اللى هو حضرته مستقبلا )
وفى النهايه نستشف كلنا حاجه لا خلاف عليها البنت اللى متربيه كويسه استحاااااااااااله تكدب لو على رقبتها

-

الموضوع: لو خطيبتك كدبت عليك هتعمل ايه؟

LinkBack

أدوات الموضوع

عرض

-

-

-

-

-

-

المواضيع المتشابهه

استطلاع : هتعمل ايه لو اكتشفت ان زوجتك او خطيبتك ...

لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

هتعمل ايه لو حصل ده

هتعمل ايه!!!!!!

لو انت مكانى هتعمل اية ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة