لو خطيبتك كدبت عليك هتعمل ايه؟

**Astra Lover** · 20-09-2010 12:45 AM

المشاركة الأصلية كتبت بواسطة makka

بص يا باشا لو انا مكانه مرضاش انى اكمل معاها
انا شايف ان كل واحد متمسك جدا برأيه فى الردود على الموضوع ومش هتوصل لحل اخير او تقوله يعمل ايه بالظبط لكن رأيى الشخصى لا ميكملش معاها والموضوع مفيهوش لا خراب ولا حاجه على البنت فيه بنات كتير مبتتجوزش من اول خطوبه وبعدين دى خطوبه محدش بيقول طلق مراتك عشان كدبت عليك.
البنت سقطت فى الكلية سنه طب ايه المشكلة ؟ هيعلقولها المشانق مثلا؟! تكدب ليه؟
ليه الناس بتعمل خطوبه قبل الجواز؟ اظن علشان كل واحد يعرف عيوب التانى مش الغرض منها ان طرف يربى الطرف التانى ويأدبه .

كلامك عين العقل

**Astra Lover** · 20-09-2010 12:59 AM

المشاركة الأصلية كتبت بواسطة icehearted girl

انا لما قريت ردودكم اتخضيت

وحسيت انكم مكبرين الموضوع اوي اوي اوي

اقلكم..

احنا نرجمها بالحجارة احسن.. وبعدين نطفي في عنيها اعقاب السجاير

وليه نضيع وقت ومجهود احنا نضربها بالرصاص احسن في ميدان عام

**Car's Sniper** · 20-09-2010 05:31 AM

المشاركة الأصلية كتبت بواسطة a_samy

واحد صاحبى كان خاطب بنت ولما خطبها كانت مفهماه أنها فى سنه رابعه فى الكليه وبعد سنه من الخطوبه قالتلوا أنها كدبت عليه وأنها فى سنه تالته مش رابعه وأنها عملت كده عشان خافت أن مامتها تأجل جوازها كمان سنه لو عرفت أنها لسه فى تالته (يعنى أهلها كمان مش عارفين) وأنها مكنتش تعرفو كويس وخافت أنه يقول لأهلها أنها كدبت عليهم ولما أطمنتله قالتلوا.
السؤال بقى هل ينفع أنه يكمل معاها بعد ما كدبت عليه لمدة سنه ولا يلتمسلها العذر ويسامحها؟
أنا رأى أنه مش هيثق فيها بعد كده وكل ما هتقوله حاجه هيفضل يشك فى كلامها ويكدبها وهتبقى عيشته معاها هباب وكلها شك وعدم ثقه.
أنتوا ايه رأيكو؟

منطق العقل غير منطق العاطفة والعقل بيقول انه يسيبها لانها جبااااااااااااارة بمعنى الكلمة مش عشان كدبت عليه لأ هو مش جوزها ويعتبر غريب لكن عشان كدبت على اهلها اللى هى عايشة معاهم فى بيت واحد
اللى تعرف تحبك الحبكة دى صح توقع منها اى حاجة بعد كدة...بغض النظر عن سبب كذبها او.. او... او ....
اما منطق العاطفة والحب والكلام ده.. يبقى يسامحها ..بس والله المنطق ده مش بيعيش كتيير

المشاركة الأصلية كتبت بواسطة shnory

لو هو مكدبش كدبه قبل كده في حياته
ولا لاوع ولا خان ولا عمل اي حاجه غلط يسيبها
وهو ودماغه بقي يحدد ان كانت دي كدبتها الوحيده ولا هي محترفه
محدش يطلب حق لنفسه وهو مش بيديه للناس

مع احترامى لرأى حضرتك كدبة عن كدبة تفرق
يعنى ماينفعش اساوى كدبة بيضة باللسان(زى انا اتصلت بيك مارديتش...يقولى اصلى كنت نايم وهو اصلا كان صاحى) بكدبة مترتبة ولازملها ترتيبات عالية زى انها تخبى على اهلها وتظبط كل حاجة على الاساس ده
طبعا مافيش حاجة فى الدين اسمها كدبة بيضة وسودا بس بجد كدبة عن كدبة تفرق
والكمال لله وحده و مافيش حد مابيغلطش

**mohamedbook** · 20-09-2010 08:14 AM

المشاركة الأصلية كتبت بواسطة haneen83

عن صفوان بن سليم أنه قال: “قيل لرسول الله : أيكون المؤمن جبانا؟ فقال نعم، فقيل له أيكون المؤمن بخيلا؟ فقال نعم، فقيل له أيكون المؤمن كذابا؟ فقال لا”. رواه الإمام مالك في الموطـّأ،

المؤمن ياجماعة المؤمن
اغلب البنات بتجدب عن تجربة

**GMakram** · 20-09-2010 09:58 AM

المشاركة الأصلية كتبت بواسطة shnory

لو هو مكدبش كدبه قبل كده في حياته
ولا لاوع ولا خان ولا عمل اي حاجه غلط يسيبها
وهو ودماغه بقي يحدد ان كانت دي كدبتها الوحيده ولا هي محترفه
محدش يطلب حق لنفسه وهو مش بيديه للناس

+111111111111111111

يا شنورى يا مدرسه(اسمحلى)

الكلام ده صح جدا....هل هو مكدبش طول حياته سواء عليها او عموما؟ ليه ديما بندى نفسنا الحق للغلط فى بعض الاشياء ولما بتحصل فينا بنحاكم المخطئ فى حقنا بكرباج؟

تحياتى

المشاركة الأصلية كتبت بواسطة cars sniper

مع احترامى لرأى حضرتك كدبة عن كدبة تفرق
يعنى ماينفعش اساوى كدبة بيضة باللسان(زى انا اتصلت بيك مارديتش...يقولى اصلى كنت نايم وهو اصلا كان صاحى) بكدبة مترتبة ولازملها ترتيبات عالية زى انها تخبى على اهلها وتظبط كل حاجة على الاساس ده
طبعا مافيش حاجة فى الدين اسمها كدبة بيضة وسودا بس بجد كدبة عن كدبة تفرق
والكمال لله وحده و مافيش حد مابيغلطش

يا سيدى الفاضل مع كامل احترامى لرد حضرتك بس زى مانت قلت مفيش حاجه اسمها كدبه بيضاء وسوداء,الكدب هو الكدب وهو فى جميع الحلات ضعف من الانسان اذن لا يوجد مجال للمقارنه بين كدبه وكدبه كله كدب

تحياتى

**احمد المصرى** · 20-09-2010 10:03 AM

المشاركة الأصلية كتبت بواسطة momo_sunny

يسيبها
من اولها كدة فى حاجات غلط
ياترى ايه اللى هايحصل بعد كدة؟

+1111111111111111111111

hh · 20-09-2010 01:20 PM

أنا مقتنعة أن الكدب ده أسوأ حاجة في الدنيا و سبب أغلب المصايب. يعني فعلا الصدق منجي. خصوصا بين الزوجين مينفعش الست تكدب على جوزها أبدااااااااااااااا. و لا هو كمان المفروض يكدب عليها.

بس للأسف لو كلنا فكرنا بالعقل كدة هو أحنا و أحنا صغيرين في المدرسة و الجامعة عمرنا ما كدبنا على أهلنا؟؟ للأسف حصل و كتير كمان, لأن الواحد و هو صغير - خصوصا لو أهله شداد قوي - بيبقى بيلجأ لموضوع الكدب ده خوفا من العقاب أو عشان عايز يعمل حاجة أهله مش موافقين عليها. مش بقول أن ده صح أطلاقا بس ساعات في السن الصغيرة الواحد بيعمل حاجات غلط و بعدين يتغير.

طبعا هي كدبت في حاجة كبيرة مش صغيرة, بس برضه هي صارحته بالحقيقة و ده يحسب لها. أعتقد ان صاحبك هو أكتر واحد يقدر يقيم الموقف, يعني هل لاحظ انها بطبيعتها بتكدب كتير؟؟ هل أخلاقها و التزامها بصفة عامة مرضيين. و قبل أي حاجة خليه يعمل استخارة و اللي فيه الخير ربنا يكتبهوله ان شاء الله.

**Car's Sniper** · 20-09-2010 04:48 PM

المشاركة الأصلية كتبت بواسطة a_samy

يا سيدى الفاضل مع كامل احترامى لرد حضرتك بس زى مانت قلت مفيش حاجه اسمها كدبه بيضاء وسوداء,الكدب هو الكدب وهو فى جميع الحلات ضعف من الانسان اذن لا يوجد مجال للمقارنه بين كدبه وكدبه كله كدب

تحياتى

انا قصدى زى ماتقول كدة مش الكدب بحد ذاته...ولكن التخطيط والخبث والتمثيل عشان تدارى على الكدبة...
عن نفسى وده مجرد رأى شخصى ...لا اثق فى انسان يقدر يخدع للدرجة دى
تقبل تحياتى

**Soma_Sooma** · 20-09-2010 05:33 PM

بعد ما قريت الردود و الموضوع

فى الحقيقة مش عارفة احكم عالموقف

لأن فى حجات غامضة كتيرة مش مفهومة

زى مثلا كدبت على اهلها طيب ليه؟؟؟

الرد المنطقى ان اهلها ناس صعبة وكدبت من الخوف

طيب هى لواخلاقها مش كويسة كان خطبها اصلا؟؟؟؟؟

اكيد قبل ما يخطبها سأل عليها !!!

الفكرة هنا لو جيت اسألةانت كدبت على اهلك كام مرة ؟؟؟

هيقولى متعديش ههههههههههههه

مين فينا مكذبش ؟؟؟

مين فينا معصوم من الخطأ ؟؟؟

ربنا بيسامح واحنا لا ليه ؟؟؟؟

لكن لو هو شاف ان هى اخلاقها ككل مش مظبوطة فا يسيبها طبعا ودة حاجة هو بس اللى يعرفها

اما لو كانت كويسة و اخلاقها كويسة فا لية نظلمها من موقف واحد حصل منها؟؟؟

وهى اعترفتلة انها كذبت ودى مش سهلة ان الواحد يقول انةكذب كانت ممكن تحور بردة و تقولة بعيد رابعة عادى يعنى دة لو هى ناوية تكمل التمثيلية

لكن هى اكيد كانت بتفكر مع نفسها كتير ونفسها تقولة بس مفيش الشجاعة لكدة ، ولما قدرت و بقى عندها الشجاعةلكدة اتكلمت

و مش المفروض ندبحها بمجرد انها غلطت غلطة ، البنت عايزة تعف نفسها وتتجوز...

-

الموضوع: لو خطيبتك كدبت عليك هتعمل ايه؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استطلاع : هتعمل ايه لو اكتشفت ان زوجتك او خطيبتك ...

لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

هتعمل ايه لو حصل ده

هتعمل ايه!!!!!!

لو انت مكانى هتعمل اية ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة