الموضوع: شكر خاص للعضو mido_cs7

السلم عليكم ورحمة الله وبركاته
احب ان احيي كل الزملاء الكرام في قسم اللوجان علي ما يقدموه من معلومات ونصائح تفيد كل من امتلك او يريد ان يمتلك هذه السيارة الجميلة التي تثبت للجميع كل يوم تفوقها وقدرتها علي المنافسة بقوة في السوق المصري
واحب ان اخص العضو المحترم mido_cs7 بكل الشكر والتقدير علي ذوقه وتعاونه حيث انني كنت قد كتبت موضوع عن ان الطاسة الخاصة بالعجل قد فقدت مني علي الدائري وذلك لانني لم اكن اعلم انه يجب ربطها بافيز بلاستيك فبادر الاستاذ mido_cs7 بانه مستعد ان يقابلني ويعطيني طاسة لانه ركب جنوط سبور لسيارته ولم يعد في احتياج اليها متبعا الحكمة التي تقول ( ما لا تحتاجه قد يحتاجه الاخرون) علما بانني بحثت عنها عند بتوع الاكسسوار ولم اجدها . وتمت المقابلة والحمد لله واعطاني الطاسة وسعدت وتشرفت بالتعرف عليه وبالرغم ان الحكاية كلها بسيطة الا انها تحمل معني جميل لروح التعاون بين الزملاء في المنتدي فتحية مني له ولكل من يساهم في ارثاء روح التعاون والاحترام والمشاركة بيننا ولكم مني كل التقدير
(ملحوظة) عذرا لتكرار كلمة طاسة في الموضوع ان حاسس انها كلمة غريبة شويه بس للاسف هيه اسمه كدة

للعضو المحترم كامل الشكر والعرفان والتقدير

بجد يا جماعة ربنا يبارك في كل اللي في المنتدى الجميل ده و بيحاولوا بساعدوا على قد ما يقدروا ...
شكرا

المشاركة الأصلية كتبت بواسطة mido_cs7

اولا:- يا استاذ أشرف شكر ايه بس متشكر اوي لحضرتك ده اقل واجب و الله احنا اخوات هنا و اللي يقدر يساعد حد هايعمل مش هايتأخر و دي معرفة خير.

ثانياً:- متشكر للأخوة الاعزاء .. و يارب نتجمع في اقرب وقت كلنا و نتعرف على بعض ان شاء الله ...

أخوكم احمد

لابد من توجيه الشكر ليك على اللفته الحلوه دي و ده للتأكيد على مبدأ الأخوه و التعاون و التفاعل و التكامل بيننا وأنا بضم صوتي ليك و ل بيشوي ويا ريت نتجمع في أقرب فرصه لأن دي حاجه كويسه وبالتأكيد حتفرق كتير معانا. و مره تانيه شكرا ليك و تقبل خالص تحياتي.