شكر خاص للعضو mido_cs7

**tamer61** · 21-09-2010 09:28 AM

المشاركة الأصلية كتبت بواسطة mido_cs7

اولا:- يا استاذ أشرف شكر ايه بس متشكر اوي لحضرتك ده اقل واجب و الله احنا اخوات هنا و اللي يقدر يساعد حد هايعمل مش هايتأخر و دي معرفة خير.

ثانياً:- متشكر للأخوة الاعزاء .. و يارب نتجمع في اقرب وقت كلنا و نتعرف على بعض ان شاء الله ...

أخوكم احمد

لابد من توجيه الشكر ليك على اللفته الحلوه دي و ده للتأكيد على مبدأ الأخوه و التعاون و التفاعل و التكامل بيننا وأنا بضم صوتي ليك و ل بيشوي ويا ريت نتجمع في أقرب فرصه لأن دي حاجه كويسه وبالتأكيد حتفرق كتير معانا. و مره تانيه شكرا ليك و تقبل خالص تحياتي.

**أبو صلاح** · 21-09-2010 10:03 AM

المشاركة الأصلية كتبت بواسطة bishoy02010

واضح أن حضرتك فهمتنى غلط تماما

انا مجبتش سيرت عربيات نهائى ولا قصدى كده خالص

انا كل اللى قلته زى محضرتك أخدته فى الإقتباس

" وميبقاش زى بقيت الأقسام اللى الواحد بقى بيحزن لو فكر مره يدخل يشوف عاملة إزاى "

أعتقد الكلام ده ملوش أى علاقة بالعربيات ولا حتى بقصد قسم معين أنا كل كلامى إن الواحد بيفرح لما يدخل قسم يلاقى الناس فيه بينها محبة وتعاون مثلا " اى حد عنده مشكلة كل الناس بتفضل معاه واللى بيقدر يعمل حاجة يساعد بيها مبيتأخرش ... كل الناس هنا بتسأل وتفضل متابعة المشكلة لغاية لما تتحل

فعادتا الحاجات ديه مبقتش موجوده فى اقسام تانية كتير + حاجات كتير مثلا معتقدش انك هتلاقى ناس مختلفة فى الرأى مع بعض غير نادرا
على عكس أقسام تانية كتير !!!

كل يوم مشاكل وناس بتتخانق ومواضيع بتتقفل و و و حاجات تانية كتير

كل الكلام ده مش موجود فى القسم عندنا

كل اللى انا قلته

" بجد حاجة تفرح يارب قسم رينو يفضل على كده "

يا ريت تكون وصلتلك وجهة نظرى

تقبل تحياتى

يا سيدي
حصل خير
وجايز انا وصلي المعنىة غلط

بس عايز اقول اني بحس ان المنتدى كله مجموعة واحدة ومقسم من أجل أنواع العربيات مش أنواع الناس
يعني هنا ناس متعاونة وهنا ناس بتشاكل دبان وشها

وبعدين كفاية بقى علشان منبوظش للراجل الموضوع بتاعه

تقبل تحياتي

**ahfares** · 21-09-2010 02:11 PM

تمام بجد راجل محترم وتصرف محترم

**DOCTORBADRAN** · 21-09-2010 05:36 PM

للعضو المحترم كامل الشكر والعرفان والتقدير

**best2010** · 22-09-2010 04:33 AM

استاذ احمد .. انت راجل محترم وجدع .. ربنا يكتر من أمثالك

**AbO_FaRaH** · 22-09-2010 09:51 AM

بجد شكرا .....انت رجل محترم لانك فتحت الموضوع

و الف الف الف شكر للعضو mido_cs7

الله في عون العبد ما دام العبد في عون أخيه

**jericho** · 22-09-2010 04:03 PM

هيا دي اخلاق وحوش اللوجان

**abotasneem** · 22-09-2010 07:59 PM

على ما جيت اعلق الشباب قالوا كل حاجة ، عموما انا سعيد بإنتمائى لهذا المنتدى المميز

**ashrafkemo** · 22-09-2010 08:07 PM

المشاركة الأصلية كتبت بواسطة mido_cs7

اولا:- يا استاذ أشرف شكر ايه بس متشكر اوي لحضرتك ده اقل واجب و الله احنا اخوات هنا و اللي يقدر يساعد حد هايعمل مش هايتأخر و دي معرفة خير.

ثانياً:- متشكر للأخوة الاعزاء .. و يارب نتجمع في اقرب وقت كلنا و نتعرف على بعض ان شاء الله ...

أخوكم احمد

اذيك يا استاذ احمد وكيف احوالك .. والله اني سعدت كثيرا عندما شارك الزملاء معي في توجيه الشكر لك لانك فعلا تستحق الشكر فانت رجل محترم ومن يقدم العون في الصغيرة يقدمه في الكبيرة ومرة اخرة تقبل تحياتي ...
قال رسول الله صلي الله عليه وسلم
ما زال الخير في امتي الي يوم الدين

**aymanay32** · 22-09-2010 09:17 PM

هيه دى اخلاق الناس المصريين
اخلاق زمان اللى نادرا لما الواحد بيشوفها فى زمن المادة اللعين
ز اشكر الاخ الكريم على هديته
و اشكرك على اعلانك لها

و كما قال الرسول صلى الله علية و سلم
تهادوا تحابوا

.