عاوز اغير جنوط وكاوتش العربيه لمقاس اكبر واعرض بدون مابوظ العفشه

**xil_fox_lix** · 19-09-2010 11:11 PM

خبراء منتدى النيسان العظمااااء

اخوكم ضيف جديد على نيسان ومحتاج مساعده

عاوز اغير جنوط وكاوتش العربيه لمقاس اكبر واعرض بدون مابوظ العفشه زي ما قريت فيمنتداكم العظيم

العربيه مكتوب على القايم بتاعها المقاسات دي

175 / 65 / r14
175 / 70 / r13

وانا عاوز اركب 15 او على الاقل 14 بس اعرض

افيدوني افادكم الله

اه نسيت العربيه صني 1998 1500 cc

**Bishoy.Girgis** · 19-09-2010 11:16 PM

انا رأيي الشخصي انها مفيش مشكلة لو انت ركبت 15 بس نصيحة برده اتصل بالتوكيل و خليه يقولك اذا كان الكلام ده مظبوط ولا لأ غشان تبقي مطمن

**WalidAdel** · 20-09-2010 12:17 AM

175 / 70 / r13

175 / 65 / r14

لو حضرتك اخت بالك معايا كده
هما في الاول حاطين جنط 13 مع سمك العجل 70
لما كبروا الجنط ل 14 صغروا سمك العجل ل 65 و دا علشان يحافظوا علي القطر الخارجي للعجله بدون ماتحك في الرفف
حضرتك ممكن تركب 16 مع تقليل السمك ل 45
يعني النتيجه النهائيه

175 / 45 / r16

بس هتلاقي العفشه بتدب معاك و براحه عليها في المطبات اوي بقي
و حط نيتروجين في الكاوتش هتلاقي في الظريف و لما تركب الجنوط روح عند اي عفشجي تعرفه خاليه يركبلك صدادات في المساعد علشان لو حملت في العربيه ماتنزلش منك و الرفرف يحك في الكاوتش هات صدادات الماني علشان تستحمل و ان شاء الله هتلاقي العربيه كويسه و الثبات هايزيد معاك شويه حلويين

لو مش عايز كل الكلام ده يبقي

175 / 55 / r15

و مافيش اي حاجه في العفشه هاتتعمل

جري العرف في سوق السيارات ان طالما العفشه نازل فيها جنوط ستوك 13 يبقي 15 هايبقي حلو مع التعديل اللي قولتلك عليه و دي ممكن ينزل فيها 14 كمان يبقي ممكن 16 بالتعديل بردوا و الله اعلم

بس انا راي الشخصي بقي هيا 15 حلو اوي مع الصدادات للاحتياط مش اكتر 16 هايبقي كتير علي العربيه و بردوا ممكن تروح للراجل بتاع الجنوط الروماني اللي في السابع و تسالوا خد رأيهم لانهم ناس فاهمه مش بتركب و خلاص او اسال اي عفشجي معرفتك بردوا التوكيل هياقعد يقولك بلاش و ليه العربيه ستوك احسن علشان تكون مرتاحه في المطبات و مايحصلش حاجه فيها و كده

**Ahmed.TV** · 20-09-2010 03:59 PM

المشاركة الأصلية كتبت بواسطة walidadel

175 / 70 / r13

175 / 65 / r14

لو حضرتك اخت بالك معايا كده
هما في الاول حاطين جنط 13 مع سمك العجل 70
لما كبروا الجنط ل 14 صغروا سمك العجل ل 65 و دا علشان يحافظوا علي القطر الخارجي للعجله بدون ماتحك في الرفف
حضرتك ممكن تركب 16 مع تقليل السمك ل 45
يعني النتيجه النهائيه

175 / 45 / r16

بس هتلاقي العفشه بتدب معاك و براحه عليها في المطبات اوي بقي
و حط نيتروجين في الكاوتش هتلاقي في الظريف و لما تركب الجنوط روح عند اي عفشجي تعرفه خاليه يركبلك صدادات في المساعد علشان لو حملت في العربيه ماتنزلش منك و الرفرف يحك في الكاوتش هات صدادات الماني علشان تستحمل و ان شاء الله هتلاقي العربيه كويسه و الثبات هايزيد معاك شويه حلويين

لو مش عايز كل الكلام ده يبقي

175 / 55 / r15

و مافيش اي حاجه في العفشه هاتتعمل

جري العرف في سوق السيارات ان طالما العفشه نازل فيها جنوط ستوك 13 يبقي 15 هايبقي حلو مع التعديل اللي قولتلك عليه و دي ممكن ينزل فيها 14 كمان يبقي ممكن 16 بالتعديل بردوا و الله اعلم

بس انا راي الشخصي بقي هيا 15 حلو اوي مع الصدادات للاحتياط مش اكتر 16 هايبقي كتير علي العربيه و بردوا ممكن تروح للراجل بتاع الجنوط الروماني اللي في السابع و تسالوا خد رأيهم لانهم ناس فاهمه مش بتركب و خلاص او اسال اي عفشجي معرفتك بردوا التوكيل هياقعد يقولك بلاش و ليه العربيه ستوك احسن علشان تكون مرتاحه في المطبات و مايحصلش حاجه فيها و كده

تسلم ايدك على الشرح الوافى والمعلومات القيمة دى
برنس يا وليد
خبرة حياة مع الصنى

اخبارك ايه ان شاء الله تكون بخير يا باشا
تقبل تحياتى

**xil_fox_lix** · 20-09-2010 07:19 PM

ولو مش نافع 185 مع ال 15 يبقى 14 مفيش مشكله بس برضه الارتفاع المناسب يبقى كام لان انت عارف شوارعنا عامله ازاي فمش عاوز ابوظ العفش لان لسه مغيرها كلها في التوكيل وعاوزها تقعد على الاقل سنه كده

**WalidAdel** · 21-09-2010 01:53 AM

ياعم احمد والله يعني انت عارف بقيالدنيا فيها ايه معايا و مش بقدر اتاخر علي حد
اخبار حضرتك ايه ياكبير ان شاء الله تكون بخير

بالنسبه للاستاذ صاحب الموضوع والله ياباشا مش عارف اقول لحضرتك ايه علي الكلام دا كله لاني بجد مش هاعرف ارد علي ربعه حتي و لكن مشكر لزوق حضرتك
بالنسبه للسؤال بقي هيا 185 دي مش هايبقي فيها مشكله لان كارتيره العربيه واسعه و هاتشيل الزياده دي
ف هيا هيا بقي نخليها 185/55/r15
و بردوا ياباشا اسئل و ماتخدش كلامي دا ثقه اوي بردوا الراجل بتاع الجنوط هو اللي هياقولك علي الصح لانه ركبهم اكيد في عربيات زي بتاعة حضرتك و ربنا يوفقك بس ابقي قرجنا علي الجنط بقي
هو حضرتك ساكن فين اصل انا مصمم انك تروح للناس اللي في الحي السابع دول فاهمين اوي اوي عن اي حد تاني و عندهم جهاز اتزان تحفه هتلاقي المحلين جنب بعض معرض بتاع جنوط و المحل اللي جنبه علطول في جهاز ترصيص و اتزان ليسه جديد بس انا للاسف مش فاكر اسم المحل دا ايه

**WalidAdel** · 21-09-2010 09:51 PM

بص ياكبير هاتمشي في مصطفي النحاس لحد اخره مع المترو كانك طالع علي شارع الطيران كده هاتكمل علطول هتلاقي الشارع بتاع جامعة الانهر تقريبا اللي هو اسمه يوسف عباس معلش ماتعتمدش علي الاسامي علشان ممكن تطلع غلط مني عادي يعني
المهم هتلاقي المترو دخل يمين كمل انت علطول مالكش دعوه بالمترو علطول بقي امشي شويه هتلاقيهم علي الشمال بس خالي بالك هما اتنين ورا بعض و بينهم الراجل الجامد بتاع عصير القصب انت شوف انهي واحد منهم اللي فاتح جنبه محل فيييه جهاز اتزان و ترصيص
هو دا اللي انا قصدي عليه ياكبير و ماتنساش طبعا تشرب عصير قصب من عند الراجل اللي جنبه جااااااااامد