الموضوع: عاوز اغير جنوط وكاوتش العربيه لمقاس اكبر واعرض بدون مابوظ العفشه

السلام عليكم
طبعا الأخوة الأعضاء قدمو معلومات قيمة و مفيدة و فيه محل تاني لو أنا مش غلطان يبقي في نفس المكان هوه في أول شارع مصطفي النحاس ناحية المدينة الجامعية لجامعة الأزهر و أنت في الطريق حيكون علي يمينك قبل تقاطع شارع الطيران بحاجة بسيطة و هو بركة
بس ياريت عن تجربة تحترس و أنت بتجيب الكاوتش اللي علي 45 أو 55 عشان ده بيكون جنب واطي أو لو بروفايل زي الناس ما بتسميه لاسباب
زي ما الزملاء وضحو ممكن العجلة تكون ناشفة علي العغشة (
لأن المقاس ده في شوارعنا الحبيبة بيجيب بالونة ( عشان بيتزنق مع الجنط لو خدت مطب جامد أو حفرة و أنت ماشي بسرعة عادية فبتضطر تزود ضغط الهواء عشان الكازتش ميجيبش بالونة بسهولة و ده بيؤدي لأن الكاوتش بيكون ناشف علي العفشة و ده ممكن يتسبب بعدم الراحة جوة العربية و كمان بيخليك حذر جدا في سواقتك احسن تاخد مطب أو حتي مطب هواء علي سرعة يؤدي لتكون بالونة ( يعني عشان الجنب بتاع الكاوتش ارتفاعه قليل جدا ممكن يتزنق بين الأرض و الجنط و ده اللي بيعمل البالونة بخلاف الجنب العادي 60 , 65 , 70 بيكون عالي يدي فرصة للكاوتش أنه يمتص المطبات بنعومة من غير ما يوصل للجنط )

و الله أعلم دي المعلومة اللي عندي من واقع أستعمال 3 سيارات

جيتا خليجي 2008 كاوتش 17 / 45 تغيير الأربع فرد الكونتيننتال اللي نازلة بها في خلال ال 5 شهور الأولانية عشان بلالين العجل و التغيير لنوع اندونيسي من يركة و هو اللي نصحني به عشان الكاوتش انشف من الكونتيننتال و كمان فيه شفة أضافية بتكسي حلق الجنط فبتقلل احتمال ان الجنط يقرص عل الكاوتش و يعمل بالونة و ده اللي شغال فيها من اكتر من سنة و برضه حرص شديد جدا جدا جدا و انا سايقها لدرجة بتخنقني

مازدا 3 2008 كاوتش 16 /55 هي معقولة بس عايزة حرص شوية في السواقة

نيسان صني 2009 كاوتش 15 / 65 ( الـex) هي أنعم واحدة و مبخافش في أي مطب أو كسر في الشارع أتفاجيء به

مع معلومة إضافية أكيد كلنا عارفينها عن مقاس الكاوتش
الرقم مثلا زي عربيتي النيسان 15 / 185 / 65
الـ 15 أو 16 أو 17 ده قطر الحلق الداخلي للكاوتش اللي بيركب عالجنط و بقاس بالبوصة
الـ 185 أو 195 أو 205 أو 225 ده عرض مداس الكاوتش و معناه عرض مداس الكاوتش 185 سنتيمتر
الـ 65 أو 45 أو 55 أو 60 ( اللي عليه الكلام كله ) معناه ان ارتفاع الكاوتش من الأرض للجنط يساوي 65 % من عرض المداس ( الـ 185 )

أسف علي الأطالة لو حد يحب يضيف معلومة ياريت و محدش يزعل مني لو كنت قصرت