تحت امرك يا دوك
الف شكر على مرورك واهلا بيك معانا ومنورنا فى قسم نيسان يا استاذ مؤمن
الله يخليك يا فندم ويبارك فيك وشاكر مرورك وربنا يجازى الكل بالخير
استاذ هانى اخبارك ايه ,ان شاء الله تكون بخير
تركيب الحساس على الموديلات القديمة حيكون فى صعب لان العربيات الجديدة نازلة مصممة على كدا
لغاية ما نشوف حيحصل ايه قدام وربنا يسهل
بس الموديلات القديمة استهلاك البنزين فيها معقول مش وحش للدرجة , وقولنا قبل كدا ان بيكون بسبب سواقة كل واحد ولو تاكد ان فى مشكلة بيكون بسبب الضفيرة , ولما بيتم التاكد من ان فى عيب واستهلاك عالى وفى مشكلة فى الضفيرة بتتغير
وعلى فكرة بعد تركيب السينسور الاستهلاك مش اتحسن خالى بالك بصورة كبيرة اوى
بس وجود السينسور مهم وكمان ذكرت قبل كدا على طريقة عمله , لانها كل المنظومة دى بتكمل بعضها , وحيساعد فى تظبيط الاداء
الله يخليك يا استاذ حسام ده من ذوقك وشعورك الطيب ,ومستنين منك تقرير بالصور عن موديل 2011 باذن الله
فعلا انا بتفق معاك ,نيسان من افضل التوكيلات على الاطلاق فى مصر , من نواحى كثيرة
من ناحية المواتير , مواتيرها محترمة ومعمرة
من ناحية التوكيل , سمعته محترمة جدا وبيهتم بكل عملائه وباى مشكلة لديهم على عكس باقى التوكيلات الاخرى اللى مكبرة دماغها
من ناحية الضمان , اذا فى اى عيب صناعة على الفور اى مشكلة بتتحل وبتتغير , وبتتمتع بالضمان زى ما قال الكتاب بالظبط , ناس محترمين جدا فى وعودهم للعملاء وملتزمين جدا لارضائهم بشتى الطرق
تفائل خير باذن الله والدنيا حتتظبط للافضل فى الاستهلاك والمشاكل حتقل , والاداء حيتحسن وان شاء الله خير
دكتور امير ان شاء الله تكون بخير
شاكر مرورك يا فندم
يكون افضل طبعا لو عن طريق التوكيل حكاية التنظيف, لانهم عارفين ايه الحاجات اللى بتساعد على تنظيف الحساسات
وعلى فكرة
طول ما بتستعمل بنزين جودته كويسة , وبتعمل صياناتك فى معادها المستمر والدورى كل حاجة حتكون تمام باذن الله
واذا عاوز تخاطر وتنظف بايدك البوابة والحساسات يبقا استعمل الحاجات المستوردة فعلا واللى مخصصة لكدا
الواحد بيكون سعيد بوجودك معانا يا استاذ احمد وبمشاركتك معانا
وشاكر شعورك الطيب وتقديرك الغالى
وبنستفاد من خبرتك الميكانيكية دايما
فكرة الموضوع فى دماغى من فترة من ساعة ما العضو المحترم كميلو نبه الناس عنه ,
وطبعا بوجه له التحية لكميلو على طرحه الفكرة وخبر التغير من البداية
والناس ابتدت تتسال فحبيت اعرف ايه الحكاية ,
بعدها ابتديت لف ,واخدت لفة كبيرة على مراكز الخدمة والتوكيل وسالت كتير لغاية ما قدرت اوصل الحمد لله الى النشرة المهمة دى
ودايما بندور على المفيد للناس وعلى الافادة دائما , وبندور على راحة الاعضاء , وبندور على الجديد عندنا فى المنتدى وفى القسم
وكل ده بسبب حبنا لبعض وتقديرنا لبعض , اللى بيولد طاقات كبيرة للعمل والاجتهاد فى خدمة ومساعدة الناس , ولاطلاعهم على كل ما هو جديد
والحمد لله الموضوع قدرت احصل عليه باجتهاد شخصى نابع عن حبى وتقديرى للاعضاء المحترمين اعضاء قسم نيسان
ولسه طول ما فينا نفس ,حنفضل ندور على الجديد والجديد لقسمنا الغالى , وحنسعى للافضل دايما
تقبلوا تحياتى
اخوكم فى الله
احمد مصطفى
المفضلات