حصريا تقرير عن سنسور الاوكسجين أحدث تطورات نيسان صنى 2011

**megahed124** · 20-09-2010 02:25 PM

طول عمرك متميز ياباشا و الى الامام دائما و بجد موضوع تحفه و شرح ممتاز بس لابد برده من شكر العضو Kamello2003 لانه اول من لفت انتباهنا لموضوع السنسور ده ان ماخنيش ترتيب الاحداث و الاسماء

**Ahmed.TV** · 20-09-2010 02:27 PM

المشاركة الأصلية كتبت بواسطة amir

متشكرين يا ابو حميد

تحت امرك يا دوك

المشاركة الأصلية كتبت بواسطة momenhamdy

الف شكر ليك يا باشا

بجد نقله جديده و موضوع مهم جداً

تحياتي ليك يا باشا

الف شكر على مرورك واهلا بيك معانا ومنورنا فى قسم نيسان يا استاذ مؤمن

المشاركة الأصلية كتبت بواسطة alrabeh

جزاك الله خيرا

الله يخليك يا فندم ويبارك فيك وشاكر مرورك وربنا يجازى الكل بالخير

المشاركة الأصلية كتبت بواسطة noon_eg

الف شكر يا باشا على الموضوع الجميل ده

الحقيقه المعلومات قيمه ومفيده لكل مالكى نيسان صنى

السؤال المهم هو :

هل يمكن تركيب حساس الاكسجين فى موديلات صنى 2010 ؟ والتكلفه كام ؟

لان الموديل ده بالتحديد هو الاكثر معاناه فى موضوع استهلاك البنزين

استاذ هانى اخبارك ايه ,ان شاء الله تكون بخير
تركيب الحساس على الموديلات القديمة حيكون فى صعب لان العربيات الجديدة نازلة مصممة على كدا
لغاية ما نشوف حيحصل ايه قدام وربنا يسهل

بس الموديلات القديمة استهلاك البنزين فيها معقول مش وحش للدرجة , وقولنا قبل كدا ان بيكون بسبب سواقة كل واحد ولو تاكد ان فى مشكلة بيكون بسبب الضفيرة , ولما بيتم التاكد من ان فى عيب واستهلاك عالى وفى مشكلة فى الضفيرة بتتغير
وعلى فكرة بعد تركيب السينسور الاستهلاك مش اتحسن خالى بالك بصورة كبيرة اوى
بس وجود السينسور مهم وكمان ذكرت قبل كدا على طريقة عمله , لانها كل المنظومة دى بتكمل بعضها , وحيساعد فى تظبيط الاداء

المشاركة الأصلية كتبت بواسطة hossam_gabre

متميز كالعادة يا استاذ احمد
الف شكر على المعلومات القيمة

الله يخليك يا استاذ حسام ده من ذوقك وشعورك الطيب ,ومستنين منك تقرير بالصور عن موديل 2011 باذن الله

المشاركة الأصلية كتبت بواسطة vinosse

الف شكر على الموضوع
نيسان افضل السيارات الموجودة فى مصر من حيث السعر والكفاءة والتوكيل والضمان

فعلا انا بتفق معاك ,نيسان من افضل التوكيلات على الاطلاق فى مصر , من نواحى كثيرة
من ناحية المواتير , مواتيرها محترمة ومعمرة
من ناحية التوكيل , سمعته محترمة جدا وبيهتم بكل عملائه وباى مشكلة لديهم على عكس باقى التوكيلات الاخرى اللى مكبرة دماغها
من ناحية الضمان , اذا فى اى عيب صناعة على الفور اى مشكلة بتتحل وبتتغير , وبتتمتع بالضمان زى ما قال الكتاب بالظبط , ناس محترمين جدا فى وعودهم للعملاء وملتزمين جدا لارضائهم بشتى الطرق

المشاركة الأصلية كتبت بواسطة harizy

تسلم إيدك يا أستاذ أحمد فعلاً حسمت جدل كبير فى قسم نيسان حول هذا الموضوع، بس نسبة تحسن استهلاك الوقود مش كبيرة أوى يعنى تقريباً وعلى سبيل المثال لو قلنا أن اللتر يعمل 10 كيلو بدون حساس فمع الحساس تبقى المسافة 10.5 كيلو يعنى برضه الموضوع لسه عايز 2 أو 4 سينسور هأ هأ هأ.

تفائل خير باذن الله والدنيا حتتظبط للافضل فى الاستهلاك والمشاكل حتقل , والاداء حيتحسن وان شاء الله خير

المشاركة الأصلية كتبت بواسطة dramir1

الف شكر على الموضوع
وملحوظه :اللي عنده حساس اكسجين في عربيته وعايز يعمل تنظيف للانجكشن لازم يستعمل انوع معينه مكتوب عليها
""oxygen sensor friendly"
لان في انواع بتبوظ الحساس ده

دكتور امير ان شاء الله تكون بخير
شاكر مرورك يا فندم
يكون افضل طبعا لو عن طريق التوكيل حكاية التنظيف, لانهم عارفين ايه الحاجات اللى بتساعد على تنظيف الحساسات
وعلى فكرة
طول ما بتستعمل بنزين جودته كويسة , وبتعمل صياناتك فى معادها المستمر والدورى كل حاجة حتكون تمام باذن الله
واذا عاوز تخاطر وتنظف بايدك البوابة والحساسات يبقا استعمل الحاجات المستوردة فعلا واللى مخصصة لكدا

المشاركة الأصلية كتبت بواسطة ahmadalaaeldin

ما شاء الله مجهود ممتاز سواء في الوصول إلى ال service bulletin و الترجمة و في شرح الأجزاء والهدف منه والنتيجة بعد التجربة

ارشح الموضوع كأفضل موضوع للشهر لما فيه من معلومات قيمة وجديدة ومفيدة جدا.

جزاكم الله خيرا

الواحد بيكون سعيد بوجودك معانا يا استاذ احمد وبمشاركتك معانا
وشاكر شعورك الطيب وتقديرك الغالى
وبنستفاد من خبرتك الميكانيكية دايما

فكرة الموضوع فى دماغى من فترة من ساعة ما العضو المحترم كميلو نبه الناس عنه ,
وطبعا بوجه له التحية لكميلو على طرحه الفكرة وخبر التغير من البداية
والناس ابتدت تتسال فحبيت اعرف ايه الحكاية ,
بعدها ابتديت لف ,واخدت لفة كبيرة على مراكز الخدمة والتوكيل وسالت كتير لغاية ما قدرت اوصل الحمد لله الى النشرة المهمة دى
ودايما بندور على المفيد للناس وعلى الافادة دائما , وبندور على راحة الاعضاء , وبندور على الجديد عندنا فى المنتدى وفى القسم
وكل ده بسبب حبنا لبعض وتقديرنا لبعض , اللى بيولد طاقات كبيرة للعمل والاجتهاد فى خدمة ومساعدة الناس , ولاطلاعهم على كل ما هو جديد

والحمد لله الموضوع قدرت احصل عليه باجتهاد شخصى نابع عن حبى وتقديرى للاعضاء المحترمين اعضاء قسم نيسان
ولسه طول ما فينا نفس ,حنفضل ندور على الجديد والجديد لقسمنا الغالى , وحنسعى للافضل دايما

تقبلوا تحياتى
اخوكم فى الله
احمد مصطفى

**Ahmed.TV** · 20-09-2010 02:43 PM

المشاركة الأصلية كتبت بواسطة megahed124

طول عمرك متميز ياباشا و الى الامام دائما و بجد موضوع تحفه و شرح ممتاز بس لابد برده من شكر العضو kamello2003 لانه اول من لفت انتباهنا لموضوع السنسور ده ان ماخنيش ترتيب الاحداث و الاسماء

الله يخليك يا استاذ احمد وشاكر مرورك , وتقديرك الطيب

والحمد لله كلنا هنا اسرة واحدة , وفعلا بنقدر بعض دايما وده النهج اللى ماشين عليه من زمان

وبالفعل انا لما حكيت ورديت على الاعضاء ذكرت ان كميلو هو اول واحد نبه على الخبر
واول واحد جاب الصور على الطبيعة واقرا فى مشاركاتى اللى جت فى نفس الوقت اللى انت بعت فيه يعنى مكنتش حتى قريت ردك ههههههه

وده الامر الطبيعى للقسم ان بيجمعنا على التقدير , وكلنا بنكمل بعض للخدمة العامة

ومن بعد سرده للخبر , حبيت اتاكد للاعضاء واحاول اجيب المعلومات الرسمية من النشرة الرسمية فى التوكيل

بالنتائج وبالصور

وللامام نايل موتورز
واعضاء قسم نيسان