الموضوع: اعظم واجمل وانضف توكيل فيكي يا محروسة !!!!

هو ايه اللي حصل لما الراجل مشي ال 10 كيلو بالسرعة دي؟؟
بصراحة مش فاهم الحتة دي

اسف غلطه الكي بورد
الراجل كان ماشي بي العربيه بسرعه 170 : 180 مسافه 200 كم في فتره التلين

طب انت بقى سمعت عن اللي كان بيحط بنزين 80 والموتور اتغير مرتين قبل كدة
الكلام ده سمعتو وانا بعمل صيانة اخر مرة وكام عايز يغيرو مرة تالتة كمان

المشاركة الأصلية كتبت بواسطة m.almaghraby

اولا

مينفعش اسلوب التريقة دا ..... ماشي ؟

ثانيا بقا

ممكن تقولي يا عم محمد , مشاركة واحدة في هذا الموضوع , فيها هجوم علي الاخ عشان كاره التوكيل ؟؟؟

انا مستني ردك


ثالثا

ايمن عادل كان قصده واضح جدا ,, و قبله العضو الفاضل ,, انه ليس من اللائق التلميح بكلام علي الاعضاء , فهمت؟؟

هيا دي النقطة , و عشان كدا في ناس هنا زعلت !!!

و فعلا مش من حق صاحب الموضوع انه يلمح علي الناس هنا فالقسم و يتهم البعض جزافا من غير اي سبب كدا

الا لو كان عنده دليل .................

رابعا

انا مش بحب عز العرب علي فكرة
, بس زيه زي اي توكيل عادي ,,,, مستوي مقبول ,, و بيتحسن

و دا من شهادة الناس كلها ,,, و فعلا مفيش دخان من غير نار ,,, بس احيانا الناس بتبالغ , و احيانا التوكيل بيغلط فعلا


ياريت يا محمد قبل ما تكتب المشاركة تراجعها اكتر من مرة

عشان متزعلش الناس منك " اكتر ما هيا شايلة "


سلام عليكم

يا دكتور محب اسمحلى ماردش على النقاط
عشان مش عايز اخش معاك فى نقاش باسلوب سؤال وجواب باتهامات بالطريقه دى
عشان محدش يشيل مننا من التانى

لو حد زعلان منى بصفه شخصيه يكلمنى بنفسه افضل

لكن لو مش باقى على العلاقه السطحيه الجميله اللى بيننا و مصمم تخش معايا فى نقاش بالاسلوب ده اللى ممكن يشيلنا من بعض بسبب اشخاص ااخرين
قولى بردو


.

لو علي اسلوب الكلام في ناس كتير مدايقه من بعض وفي ناس كتير مش عاجبها الكلام

المشاركة الأصلية كتبت بواسطة ramyar

علي فكره انا كنت موجود في التوكيل في نفس اليوم الي انتا يا استاذ اسلام كنت موجود فيه وكنت شاكك انه انتا وكمان تصادف ان في رمضان كنت موجود في نفس اليوم الي انتا كنت موجود فيه ايضا اليوم الي عربيتك اتغسلت فيه
لاكن انا كنت بتابع الساده ملاك بروتون من بعيد لبعيد وتصادف ان واحد جالي عشان يولع مني واتلم معايا كان معاه ساجا بقالها 3 شهور وكان جاي عشان عنده صوت في موتور العربيه وللعلم كان في التوكيل ايضا من شهر والتوكيل غيرله موتور العربيه تصق موتور كامل ولما بساله ليه كده قالي عاي جريت بيها 170 : 10 كم
قلتله حرام عليك العربيه لسه 3 شهور قالي يعني هوا عشان جديده لازم اشيلها في المطبخ
تخيل توكيل غير موتور عربيه مش هيغيرلك علبه دركسيون الموضوع

مش شكر في التوكيل بس هتلي توكيل تاني بيعمل كده و لو جاجور

المشاركة الأصلية كتبت بواسطة felix

طب انت بقى سمعت عن اللي كان بيحط بنزين 80 والموتور اتغير مرتين قبل كدة
الكلام ده سمعتو وانا بعمل صيانة اخر مرة وكام عايز يغيرو مرة تالتة كمان

ايوه المهندس امر هو اللي قالي الكلام ده ان موتورين اتغيروا و عمرتين اتعملوا لعربيات ساجا بتحط بنزين 80 و لما خدو عينه من التنك لقو فيها جاز . من غير ولا مليم

فعلا التوكيل بيعمل اللي يقدر عليه . بس ده مش معناه اني ابوظ العربيه و اقول التوكيل وحش

المشاركة الأصلية كتبت بواسطة momopersona

لو حد زعلان منى بصفه شخصيه يكلمنى بنفسه افضل


.

ولله يا مومو كلامك مظبوط

يا جماعه المنتدي لتبادل الخبرات و التجارب و الافاده مش لللاختلاف لوجهات النظر و نزعل من بعض انا واحد من الناس اول لما قراة عن العربيه لقيت الحلو و الوحش و شفت العربيه و التوكيل علي الطبيعه و اخد قراري. الموضوع مافيهوش اي حاجه شخصيه

خلينا بنعرض تجاربنا بدون تحيز ولا تكهنات و يا ريت الروح الجميله اللي بين اعضاء بروتون تفضل زي ما هي

و لا ايه يا رجاله

يا جماعه الموضوع بقي تصفيه حسابات شخصيه واحد مش عاجبه كل الناس
طيب ما اسلام عمره ما شكر في التوكيل و بطل يروحه اساسا هل عندنا مشكله معاه
المشكله مشكله اسلوب

السلام عليكم ورحمة الله وبركاته

يا جماعة كلنا بنشتكى من هبوط اسلوب الحوار فى المنتدى وهبوط مستوى المنتدى وابتعاد الناس عن المنتدى ومش عارفين ليه , انا بدعوا الناس كلها تيجى تشوف اسلوب الحوار الهابط وتلقيح الكلام و الاتهامات المرسلة وانتوا هتعرفوا ليه الناس مبقتش بتطيق تدخل نايل موتورز . وهتعرفوا برضه ليه انا على الرغم من اعترافى الكامل بحق صاحب الموضوع فى كلامه وقرفه من التوكيل برضه سجلت اعتراضى الكامل على حسبنة صاحب الموضوع على ملاك بروتون اللى اتهمهم انهم مش بيقولوا الحقيقة ( بيكدبوا يعنى ) اللى اتفهم من قبل ناس ان ده دفاع عن التوكيل !!!!!!!!!!!!!!!!!!!!!

طيب نيجى نفتح الجرح ونتكلم بصراحة شوية بعيد عن التورية

اكيد عرفتوا مين اول واحد اتهم الناس قبل كده بنفس الاتهام اللى هو ( التضليل) اللى ناس كتير بقت ماشية على نبراسه وعلى الرغم من اعتذاره للجميع فى موضوعه و غلق موضوعه الا انه برضه ماشى على نفس النهج ومش هعمل زيه والقح كلام, لا هقولك هو مومو برسونا واظن ده مش خافى عنكم .

استاذ مومو بتاع الدخان والنار زعلان من ايمن اوى واول ما ايمن يرد على اى حد عنده مشكلة يصدر التلميحات و الاتهامات انه تبع التوكيل او شغال فيه اللى طبعا خالية من الاسماء عشان خاطر لا حد يغلطه و ميخدش وقف بس طبعا اسلوبه واضح .

من الطبيعى انك تحب حد او تكرهه بس واضح الموضوع بقه عقده مش مجرد بحبه او بكرهه ومش عارفين ليه برضه

ايمن اللى الاستاذ مومو زعلان منه اوى خدمنا كلنا واحد واحد تقريبا سواء فى حاجات كبيرة او صغيرة واتحدى اى حد هنا ايمن ميكونش ساعده ولوجه الله واللى عنده اعتراض على كلامى يقول , المشكلة ان فيه ناس معدتش بتصدق ان فيه ناس تانية كويسة بتعمل الخير لله و بتساعد غيرها لوجه الله وعلاقتها كويسة بالجميع سواء الملاك او التوكيل وبيساعد الجميع على قدر ما يستطيع بس اكيد اللى عمره ما ساعد حد عمره ما هيصدق ان فيه ناس تانية ممكن تساعد حد لوجه الله .

ايمن مش محتاج انى اتكلم عنه لانى اصلا مش هقدر اوفيه حقه او اقول الراجل ده بيعمل ايه وبيتعب اد ايه عشان الناس اللى يعرفها واللى ميعرفهاش بس واضح ان حب الناس لايمن عامل مشاكل لبعض الناس وبرضه مش عارف ليه .

قسم بروتون كان رقم واحد فى المنتدى بلا منازع من حيث المشاركات والافكار والمواضيع والاحترام بس كل ده بدا ينهار من فترة محددة واظن الناس كلها عملت مواضيع كتير لارجاع الوضع تانى للسابق بس فشلت وبقى الناس بتفضل تهجر المنتدى على انها تدخل ويكون راجل محترم او كبير فى السن و له وضعه وخبرته ورايه ويلاقى واحد فى ربع سنه بيكلمه بمنتهى قلة الذوق كانهم قاعدين فى البلاى ستيشن سوا او يلاقى واحد بيتهمه بالتضليل او انه بيكدب او تلقيح كلام انه تبع التوكيل طيب ده كلام ؟ وعاوزين المنتدى يرجع تانى ؟ يرجع تانى ازاى بعد ما اصابه التلوث وعاوز عملية جراحية عاجلة ولو مش مصدقنى تعالوا نسال فين مؤمن حمدى ومحمد سليمان ومصطفى صديق واحمد صيام ورفيق سامى ومهاب .

عاوزين صراحه اكتر ولا كفاية كده

كفايه كده لان الوضع اصبح اكتر من مقرف فى القسم ولو انتم عاجبكم الوضع ده خلاص خليكوا ساكتين بس كل واحد بيقول راييه بس فى المقابلات بيننا وبين بعض او فى التليفونات انما على المنتدى كل اللى بنعمله بنيجى نشتكى ونعيط على حال المنتدى بس, ونقول ايه السبب مع اننا عارفين ايه السبب ومين السبب .

صدقونى انا لو خسرت نايل موتورز مش هتفرق معايا انما لو خسرت الناس المحترمة اللى انا اعرفها هنا على المنتدى وعلى راسهم ايمن اكيد هيكون فيه فرق كبير جدا .

انا كتبت رايى ده بصراحة عشان حاجة واحدة بس لو انتم عاوزين فعلا نرجع المنتدى تانى يبقى لازم نتشارك فى انضباط المنتدى تانى واى عنصر خارج عن اسلوبنا واحترامنا نرفضه وناخد موقف ايجابى مش تبقى سلبية حتى الموت , وبامانه يا جماعة لو لقيتكم راضيين عن الوضع وشايفين ان الاسلوب الموجود ده صح ومحدش اتكلم او غير من الوضع المزرى ده يبقى شكرا نايل موتورز على كل اللى استفدته منه والناس اللى طلعت بيهم عن طريقه و اشوف مكان تانى الاقى فيه الاحترام المنشود.

كلامى خلص وعارف انه صريح حبتين بس قلته عشان يمكن نصحح بعديه حاجة ولو منفعش يبقى انا كده لقيت السبب القوى اللى يخلينى مدخلش نايل موتورز تانى للابد زى كتير اوى سبقونى .