السلام عليكم ،
أنا محتار انى اشتر بونتو او فيرنا 2010 ممكن اى حد يفيدنى لانى عاوز اخلص من الموضوع ده الاسبوع اللى احنا فيه إن شاء الله :)
شكرا مقدما :)
نقل بواسطتى
مشرف القسم
١١ب
عرض للطباعة
السلام عليكم ،
أنا محتار انى اشتر بونتو او فيرنا 2010 ممكن اى حد يفيدنى لانى عاوز اخلص من الموضوع ده الاسبوع اللى احنا فيه إن شاء الله :)
شكرا مقدما :)
نقل بواسطتى
مشرف القسم
١١ب
انا كنت محتار نفس الحيرة بتاعتكمن شهر
بس بص انا فى الأخر اشتريت بونتو
بصراحة عربية جميلة
وكبيرة من جوز و ثابتة على الأرض
شنطتها جميلة بالنسبة لأن هى عربية هاتش باك
نظام الفرامل بتاعها جمييل جدا
و كمان العفشة رياضية بصراحة عربية خدمة شاقة
بالنسبة للفيرنا هى عربية طبعا 1600 بس المشكلة ان الموتور قوى على بودى العربية فبالتالى هى طبعا سحبها اعلى من البونتو بس لو جريت بيها لو شاطر لمها ( الفرامل ضعيفة بالنسبة للسرعات العالية)
فنصيحى ليك بالبونتو . و ربنا يهديك لإختيار السليم
بس ال horse power بتاع البونتو قليل ده مش مسببلك مشاكل مثلا وانت مشغل التكييف ؟؟ وسؤال تانى وانت مثلا مركب حد معاك مثلا اربع او ثلاث افراد سحب العربية بيبقى عامل ازاى ؟؟
جزاك الله خيرا
بص هو بالنسبة لل power horse مع التكييف مش بيأثر بشكل ملحوظ خصوصا كمان لو انت على طريق مفتوح
اما بالنسبة لو محمل العربية انا جربتها مرتين و ركبت 6 افراد فيها ما زعلتنيش خالص
و بصراحة انا مشيت يالعربية دى لحد 150 الإستابيلتى بتاعتها تحفة بجد بجد
ما حستش انها بتعوم او حدفت منى
و بجد كمان عندك الباور بتاع الدريكسيون بتاعها وهمى
مش حتشوفة فى عربية تانية
مبروك مقدما ....الخامات و الشياكة و العمر الافتراضي و الثبات ف صالح البونتو لكن اسعار قطع الغيار و التكيف ف صالح الفيرنا وصلي استخارة و شوف اراء باقي الاعضاء و ربنا يوفقك ف الشراء
البونتو عربيه ممتازة وكفايه انها 100% ايطالى يعنى بتطلع من ايطاليا.. هى اكيد نسبيا اغلى من الفرنا عشان الفرنا 1600 واكبر فى الحجم.. بس البونتو اشيك واقيم وعربيه تعيش معاك العمر ماتقولش لا ومعمرة جدا والفيرنا بصراحه يعنى بيئه اوى ومش شيك خالص..
والخامات اللى فى البونتو انضف كتير من الفيرنا يعنى بص على البلاستيك اللى فى التابلوة
والفيرنا فراملها فعلا زباله ومش بتسعف نهائى لو على سرعه بس سحبها مبالغ فيه والتحكم فيها زى الزفت على السرعات.. وقوة من غير تحكم ولا ليها اى لازمه..
البونتو سحبها اقل كتير واصغر فى الحجم وقطع غيارها اكيد اغلى بس انضف كتير واشيك واهم من دة كله مريحه نفسيا جدا ووانت قاعد فيها لذيذة وهاتحبها بجد وترتبط بيها عاطفيا وان شاء الله ربنا يوفقك فى الاختيار السليم اللى يناسبك
أنا بس عاوز ااكد على نقطة انى بتكلم على Classic Punto 1300 CC الصراحة دلوقتى بس اللى قلقنى هو التكييف هل فى درجة الحرارة العالية التكيف هيكون كويس وعلى الاقل سحب العربية كويس يعنى اعرف اتحرك كويس ؟؟
بجد ربنا يكرمكم والله على المساعدة ديه :)
سحبها معقول جدا لو مش بتجرى اوى.. من ال 0 لل 100 هاتلاقيها ممتازة بس فوق كدة السحب هايبقى صعب شويه.. والتكييف بتاعها معقول بس بياخد 10 دقايق كدة ويظبط الدنيا لو فى الحر..
بس تكييف الفيرنا مع واحد صاحبى على طول بايظ وكل شويه يصلحه
بص هقولك حاجه
البونتو ياعنى شياكه شكل جميل و اوبشن و هاتش باك وتقفيل ايطالى و خامات افضل و قطع غيار متوفره خارج التوكيل لذيذه اوى و فراملها كويسه جدا و ثبات عالى
الفيرنا شكل قديم و انتشار رهيب و مبالغ فيه اى حد معاه قرشين يروح يشترى فيرنا و تقفيل مصرى و خامات سيئه و ثبات سئ و شكل تابلوه قديم و نور العدادات حاجه من العصر الحجرى كده و فرامل مش هتسعفك لا فى السرعات العاليه ولا المنخفضه انا عن نفسى كنت عايز البتاع القطره الى ورا الحديد ديه عشان العربيات الهيونداى و على فكره البونتو كلاسيك جرايه جدا و سحبها مش وحش و الباور بتاعها كويس ده غير خاصيت السيتى
شوف انه الاحسن و قرر
كلامكو د على البونتو 2002 -2003 بردو
نععععععم! بونتووووو_بفيرنا.
طبعا بونتو
طبعا فيات.
بونتو طبعًا
البونتو وبس
:rolleyes2:
بونتوو طبعاااااااا
فيرنا لا ليها اختبار امان ولا فيها فرامل كويسة ولا فيها اير باج ولا فيها اي حاجة (موتور جراي علي بودي ورق و شكرا)
بونتو عربية اوروبي قيمة جدا و معمرة جداا جدا و هتطمن علي نفسك
الفيرنا تكسب بس علشان الشنطة (مع اني شايف ان بتاعة البونتو بردو واسعة مش وحشة و كمان الكنبة بتنام و ديه ميزة جامدة جدا في البونتو)
و كمان الفيرنا لو مكنتش سويق مش هتعرف تتفادي عيوبها و ممكن تموت فيها لو جريت بيها ونتا مش عارف انتا بتعمل ايه
أنا واحد من الملاك القدامي للبونتو ( ركبت منها عربيتين )
خامات داخلية ( مفيش فرق بينها و بين الفيرنا - الأثنين بلاستيك و الفرش عادي )
خارجيا تقريبا الصاج معقول في الأثنين .
الشكل البونتو أحلى بكتير ...........
توفير البنزين البونتو من غير حرق على الموتور .
القوة في صالح الفيرنا طبعا
التكييف بتاع البونتو تأثيره ضعيف في الحر الشديد .... و بتاع الفيرنا تلاجة .
التكييف مش بيأثر على سحب العربية الفيرنا و بيأثر تأثير خفيف على البونتو و لو مركب معاك حد هاتحس بالوزن و بالشد هايقل قوي معاك .
موتور البونتو صغير 1245 سي سي ..... عزم قليل و حصان قليل و لكن السيارة جميلة قوي لغاية 90 أو 100 .... بعد كدا تجميع السرعة ضعيف ( بس أحنا مش هانطير يعني )
الثبات معقول لغاية 110 أو 120 ...... و العربية خفيفة و في سرعات أعلى من كدا بتحس بالعربية و بالطريق ( الثبات بيقل )
يعُتبر ثباتها زي ثبات الفيرنا .
أنا شايف أن عيب الفيرنا الوحيد ...... الشكل ( دي أذواق ) و الأنتشار
و الأنتشار ده ميزة و عيب
ميزة - اعادة بيع سهلة جدا بعكس البونتو اللي لها زبون مخصوص .
ميزة - أنتشار قطع غيار في كل مكان .
العيب
العربية موجودة مع كل الناس و مفيهاش تميز من ناحية الشكل .
و مش شايف أي فروق ما بين العربية أنها ايطالي و التانية مصري ........
الفيرنا عربية حلوة و أثبتت نفسها لفئة معينة من الناس و هي عربية بتستحمل جامد و حمالة قسية بجد .
خليك فى الموتور الاقوى والاكثر انتشارا
أتا عندى نفس الحيرة دى بس أنا بصراحة مبفكلرفى الفيرنا، أنا اللوجان هى اللى محيرانى
كل مشكلتى أن البونتو طبعا أشيك و أنضف من جوة و فيها 2 airbag و صاجها متين جدا (أنا عارف ده مالوش علاقة بالامان بس له علاقة بمنظر العربية ، ماينفعش الواحد يدفع دم قلبه فى عربية مهربدة)
اللوجان أكبر ، و كماليات أحسن ، و صيانة و قطع غيار أحسن
مع العلم انى اسرة و بسافر من حين لاخر اسكندرية، و ده اللى مخوفنى من بونتو ...
و بعدين فى حاجة أنا مش عارف دى هيكون تأثيرها ايه؟ البونتو 2011 تقفيل صربى
حيرتونااااااااااااااااااا اا انا خلاص ناوى اخلص فى بونتو 2003 خوفتونى تانى
مع احترامي اتفرج علي الفيرنا و عالبونتو بعد فترة (البونتو هتلاقيها من جوة مفيش تشقيق و كل حاجة لسة بلونها) ده فرق الخامات و كمان التجربة ديه انا شايفها عملي (عندنا اكسيل 97 و اونو 93)
و ممكن تكون حضرتك بتقول صاج البونتو زي الفيرنا بس انا بقول (الأمان)
البونتو ائمن و كمان فرامل احسن و انضف بكتير (بتسعفك) و في الأخر الحارس ربنا طبعا
من الأخر
موتور فرنا
توفير بنزين بونتو
ثبات وتحكم بونتو
وسع فرنا
خامات مش فارقة كتير
قطع غيار الفرنا أرخص لكن البونتو معمرة
مش فاكر حاجة تاني شوف إيه الي يناسبك وإتكل على الله
أنا أشترت عربيتين بونتو قبل كدا ( يعني من الملاك المجربين )
أنا معرفش حاجة عن الأكسل 97
أنا بتكلم عن الفيرنا .......... و البونتو .
أنا لما أتكلمت عن الصاج ....... كان قصدي قوة الصاج مش الأمان
من ناحية الأمان ... البونتو حاصلة على 5 نجوم في أختبارات الامان الأوروبية
لكن أصلا المقارنة متنفعش لأن فيها كُلم للبونتو ( لأنها فئة العربيات الصغيرة )
هو الحاجة اللي شبه بعض فيها هي الفلوس بس .
إنما الفيرنا عربية سيدان و أكبر من الفيرنا و أكثر عملية و تنفع لأسرة أكتر من البونتو .
البونتو عربية شبابية ( موفرة في البنزين )
الأثنين فرامل عادية بس فرامل الفيرنا يمكن أقل قوة علشان موتورها أقوى بكتير
على فكرة التحكم في البونتو على سرعات مش حلو بسبب نعومة الدريكسيون الزيادة عن اللزوم ( بس هي سيارة مدينة و ده يُعتبر مش عيب في النهاية )
طبعا بونتو
وانا واحد معايا بونتو 2002
وابويا كان معاه فيرنا 2006
كنت بنزل من الفيرنا اركب البونتو تحس الفرق ما بين ال 128 و ال المرسيدس 200
بجد متناه وشياكه وعمر اطول و ثبات لحد 160 تمام جدااااااااااا
بجد عربيه جميله في كل حاجه واقوي طبعا في حاله وقوع الحوادث لا قدر الله
توكل علي الله وهات البونتو بجد وانا تحت امرك في اي خدمه
هي كلمة واحدة عشان بس الكلام كتر و محدش عايز يقتنع!!!
فيات يعني التاريخ! و محدش حيحس بكدة الا لما يركبها لفترة كبيرة!
أنا عن نفسي بنزل قدامي الأوبترا و الباليو بنزل بالباليو (طبعا أكيد الأوبترا متفوقة في حاجات كتير جدا!) بس الاحساس بالراحة نفسيا و المتعة مش موجود نهائي
كلمة من مالك لبونتو و جربت حاجات تانية كتير
الفيرنا ثباتها ضايع فى السرعات, أنا شوفت واحدة اتقلبت قدامى قريب و ولعت فى ثانية واحدة
البونتو ثباتها أفضل شوية , بس مش حلو قوى, كفاية انها بتتنطط على فواصل الكوبرى لو ماشى بسرعة, بتحس انك فى دريم بارك و لازم تمسك الدركسيون كويس بإيدك علشان ماتحدفش منك
على فكرة العربية عومت منى جامد على 90 تقريبا قبل كدة
بقول تانى, ثبات البونتو أفضل من الفيرنا و لكنه لسه مش أحسن حاجة
رأيى تزود حاجة بسيطة 5 ألاف مثلا و تجيب ميجان هاتش باك استعمال بسيط و تكشف عليها فى التوكيل, دى فعلا عربية من الاخر و ماتنساش تدعيلى بعد كدة
أنا هاعمل كدة كمان كام شهر ان شاء الله أو بيجو 307
مين يشهد للعروسه؟
عدلتها :vctry:
وبرده توت هرس الكلاسيك :ma:
هي الفرنا حلوة لكن عايزة واحد عاقل ورا الدركسيون عشان الي الشباب الي راكب الفرنا وغرز على 160 والهبل ده مينفعش معاها!!َ!
أنا في حياتي شديت مع 2 فرنا كل مرة بيبقى ورايا مع أول ملف ألمحه العربيه بتعرض منه ويلمها بالعافيه ويرجع يمشي بأدبه بس لو واحد مش متمكن مش هيلمها أصلا
وأنا شايف البونتو كلاسيك تتفوق في نقطتين بس الأمان 4 نجوم مقابل 2ونص وتوفير البنزين
ومش هقول الثبات عشان ناس هتقول لإ وإن كنت متأكد إن الكلاسيك أثبت من الفرنا بس مش بكتير قوي
يا خسارة!! :H_angry[1]:
http://www.nilemotors.net/Nile/image...ugh%5B1%5D.gif
ههههههه و الله شباب فيات حسسونا ان البونتو كلاسيك دى اودى ار 8 = )
غريب جدا تعلق المصريين بعربياتهم و بماركتها زى التعصب الاعمى بتاع كره القدم بالظبط , بخصوص مفارنه الفيرنا و البونتو كلاسيك انا شايف ان الفيرنا مناسبه اكثر خصوصا انها منتشره و قطع غيارها رخيصه ( و الله يا جماعه محدش هيحس بموضوع قطع الغيار ده إلا لما يبدأ يدفع دم قلبه ) و هيقول مالها العربيات الى قطع غيارها رخيصه .
البونتو كلاسيك دلوقتى بقت شياكه ؟ ما الاتنين فى نفس السعر !
البرافو 150 هورس بالفيميه و الجنوط شياكه اوكيه لكن البونتو كلاسيك !!!!!!!
1- قطع غيار رخيصه
2-اى حد يفهم فيها
3-لو حبيت تبيع 100000000 واحد هياخدها
4-تكييف محترم اوى
5-موتور قوى جدا وسحب خرافه
6-سواقه سهله وابعاد مش متعبه زى بعض العربيات
7-لما بتتظبط بتبقى شيك ولما بيركبلها جنوط الثبات بيتعدل
8-موفره فى البنزين ومش حوووت
9-عمليه جدا ومبتقولش لا وعيوبها معروفه
10-توكيلها مهواش حاجه تعيبها لانك تعرف تتصرف معاها بره (مهياش i30 ولا سوناتا)
فى مميزات كتير جدا بس انت مش واخد بالك:ma:
طب يا جماعة مساعدة ضروري حد يقولي اسعار قطع غيار البونتو 2003 الأستيراد ويا تري هي و لا البولو 2001
لا و الله يا يوكو ............ أنا قلت تجربتي مع عربيتين بونتو موديل 2002 .اقتباس:
وبرده توت هرس الكلاسيك :ma:
و على فكرة حاجة مش أنت عارفها و لا لاءة .......... أنا من أكثر عشاق فيات .